عوام کا خوارج کے خاتمے کے لیے پاک فوج کے جوانوں کے شانہ بشانہ لڑنے کا عزم
اشاعت کی تاریخ: 30th, September 2025 GMT
عوام نے خیبر پختونخوا کے علاقے دیر میں پاک فوج کے فتنتہ الخوارج کے خلاف کامیاب آپریشن کے بعد پرتپاک استقبال کیا۔
عوام نے ایف سی کمانڈنٹ کو پھولوں کے ہار پہنا کر خراجِ تحسین پیش کیا، دیر کے عوام نے پاک فوج کی قربانیوں اور کاوشوں کو بھرپور انداز میں سراہا، دیر کی فضا پاک فوج زندہ باد کے فلک شگاف نعروں سے گونج اٹھی۔
خوارج کے خاتمہ کے لیے دیر کے عوام نے پاک فوج کے جوانوں کے شانہ بشانہ لڑنے کا عزم کیا اور پاک فوج کی موجودگی سے علاقے میں امن و امان کے قیام پر اظہارِ تشکر کیا۔
فتنتہ الخوارج کے خلاف کامیاب کارروائیوں پر دیر کے عوام نے پاک فوج پر مکمل اعتماد ظاہر کیا۔
.ذریعہ: Express News
پڑھیں:
’فتنہ الخوارج مذہب کے نام پر نوجوانوں کو پاک فوج کے خلاف اکساتے ہیں‘، خارجی دہشتگرد کے انکشافات
خارجی دہشتگرد احسان اللہ ولد عبدالجنان نے انکشاف کیا ہے کہ فتنہ الخوارج مذہب کے نام پر نوجوانوں کو ورغلا کر افواج پاکستان کے خلاف ذہن سازی کرتے ہیں اور انہیں دہشتگرد کارروائیوں میں استعمال کرتے ہیں۔ احسان اللہ نے بتایا کہ وہ کمانڈر بدری، کمانڈر مشتاق، کمانڈر گرنیڈ اور کمانڈر اسلام الدین کے لیے 3 سال تک سہولت کاری کرتا رہا۔
احسان اللہ نے کہا کہ خوارج نے بکتر بند گاڑی اور ٹینک کے ذریعے پولیس اسٹیشن پر حملے سمیت متعدد کارروائیاں کیں اور نوجوانوں کو اپنے ذاتی مفادات کے لیے بدفعلی جیسے گناہ کی طرف بھی دھکیلتے رہے۔ خوارج نے جھوٹا پروپیگنڈا کیا کہ پاک فوج کافر ہے، حالانکہ حقیقت میں خود خوارج کافر اور مرتد ہیں۔
مزید پڑھیں: خیبر پختونخوا میں 2 کارروائیوں کے دوران ’فتنۃ الہندوستان‘ کے 5 خارجی دہشتگرد ہلاک
احسان اللہ نے مزید بتایا کہ جب انھوں نے خوارج کے جھوٹ اور منفی اقدامات کو دیکھا تو انہیں احساس ہوا کہ پاکستانی فوج حقیقی مسلمان اور اخلاقی اقدار کی حامل ہے۔ انہوں نے پاک فوج کے جوانوں کو 5 وقت نماز پڑھتے ہوئے دیکھا اور نماز و کلمے سیکھے جو پہلے نہیں آتے تھے۔
خارجی دہشتگرد کے فتنہ الخوارج کے حوالے سے ہوشربا انکشافات
فتنہ الخوارج مذہب کے نام پر نوجوانوں کو ورغلا کر پاک فوج کیخلاف ذہن سازی کرتے ہیں. خارجی دہشتگرد نے انکشاف کیا کہ؛
فتنہ الخوارج مذہب کے نام پر نوجوانوں کو ورغلا کر افواج پاکستان کیخلاف اکساتے ہیں@Aadiiroy2 @AsadAToor pic.twitter.com/h7SVd5er59
— Media Talk (@mediatalk922) November 17, 2025
احسان اللہ نے نوجوانوں سے اپیل کی کہ وہ پاک فوج کے ساتھ کھڑے ہوں تاکہ دہشتگرد عناصر کی روک تھام اور خاتمہ ممکن بنایا جا سکے۔ انہوں نے کہا کہ ہم ان دہشتگرد خوارج کی وجہ سے تباہ و برباد ہو گئے ہیں۔
مزید پڑھیں: ڈیرہ اسماعیل خان: سیکیورٹی فورسز کی کارروائی 10 خارجی دہشتگرد ہلاک، کیپٹن حسنین اختر شہید
سیکیورٹی فورسز نے بھی واضح کیا ہے کہ ملک سے فتنہ الخوارج کے دہشتگردوں کے خاتمے کے لیے پرعزم ہیں اور مذہب کے نام پر دہشت، نفرت اور انتشار پھیلانے والوں کے خلاف کارروائیاں جاری ہیں۔
یہ انکشافات پاکستان میں نوجوانوں کی ذہنی تربیت اور مذہبی شعور کی حفاظت کی اہمیت کو اجاگر کرتے ہیں اور واضح کرتے ہیں کہ دہشتگرد عناصر مذہب کے نام پر سماج میں انتشار پھیلا کر ملک کی سلامتی کے لیے خطرہ بن سکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
احسان اللہ ولد عبدالجنان پاک فوج خارجی خارجی دہشتگرد
90 کروڑ کا محض ایک سین جو فلم کا حصہ بھی نہ بن سکا، یہ فلم کونسی تھی؟