آئی فون 17 لینے والوں کو بڑا دھچکا، کمپنی نے خرابی تسلیم کرلی
اشاعت کی تاریخ: 30th, September 2025 GMT
ایپل کی جانب سے حال ہی میں متعارف کرائی گئی آئی فون 17 سیریز جہاں ٹیکنالوجی کے شوقین صارفین کے لیے خوشی کا باعث بنی، وہیں نئے ماڈلز میں شامل ’ایپل انٹیلیجنس‘ (اے آئی) فیچرز میں تکنیکی مسائل نے خریداروں کو پریشانی میں مبتلا کر دیا ہے۔
آئی فون 17، 17 ائیر، 17 پرو اور 17 پرو میکس کے صارفین کی بڑی تعداد نے شکایت کی ہے کہ ’اے آئی‘ فیچرز نہ صرف ڈاؤن لوڈ کے دوران مسائل کا شکار ہیں بلکہ انسٹالیشن کے بعد بھی مؤثر انداز میں کام نہیں کر رہے۔ بعض صارفین نے ان فیچرز کے مکمل طور پر غیر فعال ہونے کی شکایت بھی کی ہے۔
یہ بھی پڑھیں: پی ٹی سی ایل گروپ اور مرکنٹائل نے پاکستان میں آئی فون 17 کی لانچ کا اعلان کردیا
ٹیکنالوجی سے متعلق ویب سائٹس اور ماہرین کے مطابق، یہ مسئلہ تمام ماڈلز میں یکساں طور پر موجود ہے، جسے سافٹ ویئر بگ قرار دیا جا رہا ہے۔ خبروں کے مطابق ایپل کی جانب سے اس مسئلے کی تصدیق کرتے ہوئے کہا گیا ہے کہ کمپنی اس خرابی سے آگاہ ہے اور بہت جلد اس کا حل فراہم کر دیا جائے گا۔
واضح رہے کہ آئی فون 17 سیریز میں بیٹری لائف کو بہتر بنایا گیا ہے اور تمام ماڈلز میں جدید وائرلیس ’میگ سیف چارجنگ‘ کی سہولت فراہم کی گئی ہے۔ تاہم، ’ایپل انٹیلیجنس‘ جیسے انقلابی فیچرز کا مؤثر انداز میں کام نہ کرنا، ایپل کے صارفین کے لیے مایوسی کا سبب بن رہا ہے۔
ماہرین کا کہنا ہے کہ کمپنی کو چاہیئے کہ وہ صارفین کا اعتماد بحال رکھنے کے لیے جلد از جلد اس مسئلے کا تکنیکی حل فراہم کرے، تاکہ جدید فیچرز سے بھرپور استفادہ ممکن ہو سکے۔
یہ بھی پڑھیں: وہ 7 ممالک جہاں آئی فون 17 کی قیمت پوری دنیا سے کم ہے
واضح رہے کہ پی ٹی سی ایل گروپ، پاکستان ٹیلی کمیونیکیشن کمپنی لمیٹڈ اور یوفون 4G) نے مرکنٹائل، جو ایپل کا پاکستان میں آفیشل ڈسٹری بیوٹر ہے، کے اشتراک سے پاکستان بھر میں آئی فون 17 کی فروخت کا آغاز کردیا ہے۔
کمپنی کا کہنا ہے کہ صارفین کو جدید ترین ڈیوائس کے ساتھ اضافی سہولیات اور خصوصی مراعات فراہم کی جائیں گی۔
تفصیلات کے مطابق ہر آئی فون 17 کے ساتھ دو سالہ انڈسٹری لیڈنگ وارنٹی دی جائے گی جس میں ایک سال ایپل اور ایک سال مرکنٹائل کی جانب سے ہوگا۔
یہ بھی پڑھیں: ایپل سے بھی بہتر فیچرز کے ساتھ چینی کمپنی کے 17 پرو اور 17 پرو میکس متعارف، قیمتیں کیا ہیں؟
اس کے ساتھ ساتھ فوری چوری اور نقصان کی انشورنس بھی فراہم کی جائے گی جس کی مالیت 4 لاکھ روپے تک ہوگی۔ یوفون 4G کے نئے اور موجودہ صارفین کو اس آفر کے تحت مفت eSIM اور ایک پریمیم کنیکٹیویٹی پیکیج دیا جائے گا جس میں چھ ماہ کے لیے ایک ٹیرا بائٹ سے زائد موبائل ڈیٹا، 1000 آف نیٹ اور 10,000 آن نیٹ منٹس شامل ہوں گے۔
لانچ کو مزید پرکشش بنانے کے لیے یوپیسہ اور پی ٹی سی ایل صارفین کو مفت آئی فون 17 جیتنے کا موقع بھی دیا جا رہا ہے۔ ابتدائی 100 خریداروں کو ایپل چارجر مفت دیا جائے گا جبکہ تمام صارفین ایپل ایئر پوڈز جیتنے کے لیے خوش نصیبی ڈرا میں شامل ہوں گے۔ پری بکنگ کرنے والوں کو کیش ڈسکاؤنٹ بھی فراہم کیا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی فون 17 پرو میکس آئی فون آئی فون 17 ٹیکنالوجی.ذریعہ: WE News
کلیدی لفظ: آئی فون 17 پرو میکس ا ئی فون ا ئی فون 17 ٹیکنالوجی آئی فون 17 فراہم کی ئی فون 17 جائے گا کے ساتھ کے لیے
پڑھیں:
گزشتہ ہفتے کے مقبول اسمارٹ فونز کی فہرست جاری
گزشتے ہفتے کے مقبول ترین اسمارٹ فونز کی فہرست میں ون پلس نے ایک بار پھر اپنی پہلی پوزیشن برقرار رکھی ہے۔
مقبول اسمارٹ فونز کی جاری ہونے والی تازہ ترین فہرست درج ذیل ہے:
فہرست کے مطابق ون پلس 15 فائیو جی پہلے، سام سنگ گلیکسی اے 56 دوسرے اور سام سنگ گلیکسی ایس 25 الٹرا تیسرے نمبر پر موجود ہیں۔
شیاؤمی 17 پرو میکس چوتھے، ایپل آئی فون 17 پرو میکس پانچویں، اوپو فائنڈ ایکس 9 پرو چھٹے، سام سنگ گلیکسی اے 17 ساتویں پوزیشن پر ہیں۔
آٹھویں پوزیشن پر شیاؤمی پوکو ایکس 7 پرو، سام سنگ گلیکسی ایس 25 نویں اور ایپل آئی فون 17 دسویں نمبر پر براجمان ہیں۔
نارووال: پولیس تشدد سے خاتون جاں بحق، 6 اہلکاروں کیخلاف مقدمہ درج