کوئٹہ میں حملہ ناکام: فتنۃ الہندوستان کے خودکش بمبار سمیت 6 دہشتگرد ہلاک
اشاعت کی تاریخ: 30th, September 2025 GMT
data-id="863a0a8" data-element_type="widget" data-widget_type="theme-post-content.default">
کوئٹہ کے علاقے زرغون روڈ پر ایک بڑا حملہ اس وقت ناکام بنا دیا گیا جب سیکورٹی فورسز نے بروقت کارروائی کرتے ہوئے ’’فتنۃ الہندوستان‘‘بھارتی پراکسی گروہ کے 6 دہشتگردوں کو ہلاک کردیا۔
میڈیا ذرائع کے مطابق ہلاک ہونے والوں میں ایک خودکش بمبار بھی شامل تھا، جو دھماکا خیز مواد سے بھری گاڑی میں موجود تھا۔ حملے کے نتیجے میں فرنٹیئر کور (ایف سی) کے دو جوان زخمی ہوئے تاہم فورسز کی جرات مندانہ حکمتِ عملی نے بڑے جانی نقصان کو روک دیا۔
ابتدائی اطلاعات کے مطابق دہشتگرد ایف سی کی وردی میں ملبوس تھے اور قریبی عمارتوں کو بھی نشانہ بنانے کی کوشش کر رہے تھے، تاہم فورسز نے ان کے تمام عزائم خاک میں ملا دیے۔
دھماکے کی شدت کے باعث اطراف کی عمارتوں کے شیشے اور دروازے ٹوٹ گئے اور علاقے میں خوف و ہراس پھیل گیا، مگر فورسز نے فوری طور پر علاقے کو گھیرے میں لے لیا اور تمام دہشتگردوں کو جہنم واصل کر دیا۔
وفاقی وزیر داخلہ محسن نقوی نے حملہ ناکام بنانے پر ایف سی کے بہادر جوانوں کو خراج تحسین پیش کیا۔ ان کا کہنا تھا کہ جوانوں نے اپنی جان ہتھیلی پر رکھ کر بھارتی ایجنڈے پر کام کرنے والے دہشتگردوں کے ناپاک منصوبے کو ناکام بنایا۔
انہوں نے زخمی اہلکاروں کی جلد صحتیابی کے لیے دعا بھی کی اور ایف سی کی پیشہ ورانہ مہارت کو سراہا۔
سیکورٹی اداروں کا کہنا ہے کہ بھارت کی پشت پناہی میں کام کرنے والے دہشتگرد عناصر پاکستان میں خوف و ہراس پھیلانے کی کوشش کرتے ہیں، مگر ان کے تمام عزائم بارہا ناکام بنائے گئے ہیں اور آئندہ بھی کیے جاتے رہیں گے۔
.
ذریعہ
ذریعہ: Jasarat News
کلیدی لفظ: ایف سی
پڑھیں:
کوئٹہ: سرکاری دستاویزات میں شہریوں کو غیرقانونی سہولت دینے والے 14 ایجنٹ گرفتار
فیڈرل انویسٹی گیشن ایجنسی (ایف آئی اے) بلوچستان نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا۔
ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔
انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لیے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے کا کہنا تھا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔
بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لیے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار