انٹرنیشنل ٹی20 لیگز کھیلنے کے لیے قومی کھلاڑیوں کے این او سی منسوخ، پی سی بی نے وجہ بھی بتادی
اشاعت کی تاریخ: 30th, September 2025 GMT
پاکستان کرکٹ بورڈ یعنی پی سی بی نے کھلاڑیوں کے این او سی معطل کر دیے ہیں اور انہیں غیر ملکی ٹی20 لیگز میں شرکت سے روک دیا ہے۔
میڈیا رپورٹس کے مطابق یہ فیصلہ منگل کو باضابطہ طور پر ایسے وقت میں سامنے آیا ہے جب ایک روز قبل پاکستان کو ایشیا کپ 2025 کے فائنل میں بھارت کے ہاتھوں شکست کا سامنا کرنا پڑا۔
یہ بھی پڑھیں: پی سی بی نے ایک اور بھارتی کھلاڑی کیخلاف آئی سی سی میں شکایت درج کر دی
پی سی بی کے چیف آپریٹنگ آفیسر سید سمیر احمد نے نوٹیفکیشن جاری کرتے ہوئے کھلاڑیوں کو ہدایت دی ہے کہ وہ بین الاقوامی لیگز سے دستبردار ہوکر مقامی کرکٹ کو ترجیح دیں۔
اس فیصلے سے قومی ٹیم کے صفِ اول کے کھلاڑی متاثر ہوں گے جن میں بابر اعظم، شاہین شاہ آفریدی، محمد رضوان اور فہیم اشرف شامل ہیں، یہ سب آسٹریلیا کی بگ بیش لیگ میں کھیلنے کے لیے این او سی حاصل کر چکے تھے۔
ایشیا کپ فائنل کے بعد کا منظرنامہ
پی سی بی کا مذکورہ فیصلہ اس وقت سامنے آیا، جب دبئی میں کھیلے گئے ایشیا کپ فائنل میں بھارت نے پاکستان کو سنسنی خیز مقابلے کے بعد شکست دے کر مسلسل تیسری بار ٹائٹل اپنے نام کیا۔
پاکستانی اسکواڈ میں شامل کھلاڑی، جن میں کپتان سلمان علی آغا، فہیم اشرف اور حسن علی شامل تھے، پیر کو لاہور واپس پہنچے۔
مزید پڑھیں:پی ایس ایل کے 10 سال مکمل، پی سی بی کا دستاویزی فلم بنانے کا اعلان
فائنل میں بھارت نے پاکستان کا فراہم کردہ ہدف آخری اوور میں حاصل کر لیا، اسپنر کلدیپ یادیو نے شاندار بولنگ کرتے ہوئے 30 رنز کے عوض 4 وکٹیں حاصل کیں، جبکہ تلک ورما کی ناقابلِ شکست 69 رنز کی اننگز اور شیوَم دوبے کے تیز رفتار 33 رنز نے بھارت کو 5 وکٹوں سے کامیابی دلائی۔
بھارت نے اس جیت کے ساتھ 9ویں بار ایشیا کپ اپنے نام کیا اور پاکستان کے خلاف مسلسل 8ویں کامیابی بھی حاصل کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایشیا کپ بابر اعظم پاکستان ٹی20 لیگ حسن علی سلمان علی آغا شاہین شاہ آفریدی فہیم اشرف محمد رضوان.
ذریعہ
ذریعہ: WE News
کلیدی لفظ: ایشیا کپ پاکستان ٹی20 لیگ حسن علی سلمان علی آغا شاہین شاہ آفریدی فہیم اشرف محمد رضوان ایشیا کپ پی سی بی
پڑھیں:
جی بی الیکشن: مسلم لیگ ن نے اسکردو سے بڑی کامیابی حاصل کر لی
فیصل جمیل :گلگت بلتستان انتخابات 2026 کے سلسلے میں سیاسی سرگرمیاں عروج پر پہنچ گئی ہیں اور مختلف سیاسی جماعتوں کے مرکزی رہنما انتخابی مہم میں بھرپور حصہ لے رہے ہیں،انتخابات کیلئے پولنگ 7 جون کو ہوگی۔
الیکشن سے قبل ہی حاجی اکبر تابان امیدوار پاکستان مسلم لیگ ن نے اسکردو سے بڑی کامیابی حاصل کر لی، مہا جرین 1971 نے مسلم ن کی مکمل حمایت کا اعلان کر دیا ہے۔
دوسری جانب چیئرمین پیپلزپارٹی بلاول بھٹو زرداری اور خاتون اول آصفہ بھٹو آج گلگت اور ہنزہ کا دورہ کریں گے، دونوں رہنما ہنزہ میں عوامی اجتماع سے خطاب کریں گے جبکہ بلاول بھٹو زرداری کی گلگت میں پارٹی ٹکٹ ہولڈرز سے ملاقاتیں بھی متوقع ہیں۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
چیئرمین پی ٹی آئی بیرسٹر گوہر سکردو اور دیگر اضلاع میں انتخابی سرگرمیوں میں مصروف رہیں گے، وہ پارٹی رہنماؤں کے انتخابی دفاتر کا دورہ کریں گے اور کارکنان سے بھی خطاب کریں گے۔
مسلم لیگ (ن) کے رہنما خواجہ سعد رفیق، عابد شیر علی، مرتضیٰ جاوید عباسی اور عابد رضا کوٹلہ مختلف مقامات پر جلسوں سے خطاب کریں گے۔
پارٹی ذرائع کے مطابق ن لیگی رہنما آج مجموعی طور پر چار مقامات پر عوامی اجتماعات سے خطاب کریں گے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
ادھر وفاقی وزیر انجنئیر امیر مقام بھی گلگت میں موجود ہیں جہاں ان کی مختلف سیاسی رہنماؤں سے ملاقاتیں شیڈول ہیں۔
گلگت بلتستان اسمبلی انتخابات کے لیے سیاسی جماعتوں کی جانب سے ووٹرز کو متحرک کرنے کی کوششیں آخری مرحلے میں داخل ہو چکی ہیں ۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ