پاکستانی فیلڈ مارشل بہت اہم شخصیت ہیں، ڈونلڈ ٹرمپ کی جنرل عاصم منیر کی پھر تعریف
اشاعت کی تاریخ: 30th, September 2025 GMT
امریکی صدر ڈونلڈ ٹرمپ نے فیلڈ مارشل عاصم منیر کی غیر معمولی تعریف کرتے ہوئے کہا ہے کہ وہ پاکستان میں بہت اہم شخصیت ہیں۔
امریکی محکمہ جنگ میں سینیئر امریکی جنرلز سے خطاب کے دوران ٹرمپ نے کہاکہ وزیراعظم پاکستان اور فیلڈ مارشل عاصم منیر ان سے ملاقات کے لیے آئے تھے، جہاں فیلڈ مارشل نے مجھے کہاکہ آپ نے پاک بھارت جنگ کو رکوا کر لاکھوں انسانی جانیں بچائیں۔
یہ بھی پڑھیں: امریکا میں فیلڈ مارشل عاصم منیر کا گرمجوش استقبال، ٹرمپ دور میں تعلقات کی حیران کن بحالی
ٹرمپ کے مطابق فیلڈ مارشل نے مزید کہاکہ اگر یہ جنگ چھڑ جاتی تو اس کے نتائج تباہ کن ہوتے۔
انہوں نے کہاکہ فیلڈ مارشل کی یہ بات میرے لیے ایک اعزاز کی حیثیت رکھتی ہے، اور ان کے یہ الفاظ میرے ساتھ موجود اعلیٰ فوجی حکام جن میں 2 جنرلز شامل تھے کے سامنے کہے گئے۔
اپنے خطاب میں ڈونلڈ ٹرمپ نے یہ بھی دعویٰ کیا کہ ان کے دور صدارت میں انہوں نے 7 جنگوں کا خاتمہ کیا، جن میں سے ایک جنگ کا تصفیہ حال ہی میں ہوا ہے۔
انہوں نے خاص طور پر پاک بھارت تنازع کا ذکر کرتے ہوئے کہا کہ یہ سب سے سنگین جنگ ہو سکتی تھی، جس میں ایٹمی ہتھیار استعمال ہونے کا خدشہ تھا۔
ٹرمپ کا کہنا تھا کہ اس کشیدگی کو کم کرنے کے لیے انہوں نے تجارت کو ایک مؤثر ہتھیار کے طور پر استعمال کیا اور دونوں ممالک سے کہا کہ جنگ کے بجائے تجارتی معاہدے کریں۔
انہوں نے کہاکہ اس ممکنہ جنگ میں 7 جنگی طیارے تباہ ہوئے تھے، اور دونوں ممالک چونکہ ایٹمی طاقتیں ہیں، اس لیے صورتحال بے حد خطرناک تھی۔
ٹرمپ کے بقول انہوں نے بروقت سفارتی مداخلت کر کے حالات کو کنٹرول کیا اور دونوں ممالک کو مذاکرات کی میز پر لانے میں کامیابی حاصل کی۔
یہ بھی پڑھیں: صدر ٹرمپ اور فیلڈ مارشل عاصم منیر کی غیرمعمولی ملاقات پر بھارت میں بے چینی، پروپیگنڈا فیکٹریاں سرگرم
امریکی صدر نے مزید کہا کہ امریکا آبدوزوں کی ٹیکنالوجی کے میدان میں روس اور چین سے کم از کم 25 سال آگے ہے۔ اس موقع پر انہوں نے واضح کیا کہ ان کی پالیسیوں سے اختلاف رکھنے والے جنرلز اگر ان کی باتیں ناپسند کرتے ہیں تو وہ اپنے عہدوں کو خیرباد کہہ کر جا سکتے ہیں۔
ٹرمپ نے روسی صدر ولادیمیر پیوٹن اور یوکرینی صدر ولادیمیر زیلنسکی کو مذاکرات کی میز پر بٹھانے کا عزم بھی دہرایا اور کہا کہ عالمی امن کے لیے یہ ایک اہم قدم ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امریکی صدر تعریفیں ڈونلڈ ٹرمپ سید عاصم منیر فیلڈ مارشل وی نیوز.ذریعہ: WE News
کلیدی لفظ: امریکی صدر تعریفیں ڈونلڈ ٹرمپ فیلڈ مارشل وی نیوز فیلڈ مارشل عاصم منیر ڈونلڈ ٹرمپ انہوں نے کہا کہ کے لیے
پڑھیں:
پاکستان ہمیشہ فلسطینی عوام کے ساتھ کھڑا رہا ہے، وزیراعظم
فائل فوٹووزیراعظم شہباز شریف نے کہا ہے کہ حماس کے بیان سے جنگ بندی کی نئی راہ ہموار ہوئی، پاکستان ہمیشہ فلسطینی عوام کے ساتھ کھڑا رہا ہے۔
اپنے ایک بیان میں وزیراعظم نے کہا کہ امریکی صدر ڈونلڈ ٹرمپ اور برادر ممالک کے شکر گزار ہیں۔ پاکستان تمام برادر ممالک کے ساتھ مل کر امن کے لیے کام کرے گا۔
واضح رہے کہ حماس نے امریکا کے صدر ڈونلڈ ٹرمپ کا 20 نکاتی غزہ امن منصوبہ بڑی حد تک قبول کرلیا ہے۔ حماس نے یرغمال اسرائیلی قیدیوں کی رہائی اور غزہ کا کنٹرول فلسطینی اتھارٹی کے سپرد کرنے پر آمادگی ظاہر کردی ہے۔
حماس کا کہنا ہے کہ وہ ہتھیار مستقبل کے فلسطینی حکمرانوں کے حوالے کرے گی، جبکہ برطانیہ کے سابق وزیراعظم ٹونی بلیئر کا مجوزہ کردار بھی مسترد کردیا ہے۔
ترقیاتی کاموں کو جلد از جلد مکمل کیا جائے‘ڈپٹی میئر