پی ٹی آئی نے پنجاب اسمبلی کیلیے نئے اپوزیشن لیڈر کے نام کا اعلان کردیا
اشاعت کی تاریخ: 30th, September 2025 GMT
پاکستان تحریک انصاف نے پنجاب اسمبلی میں اپوزیشن لیڈر کا اعلان کر دیا۔
پاکستان تحریک انصاف کی جانب سے جاری اعلامیے کے مطابق بانی چیئرمین عمران خان کی ہدایت پر معین قریشی اپوزیشن لیڈر پنجاب اسمبلی مقرر کیا گیا ہے۔
اس کے علاوہ حافظ فرحت عباس ڈپٹی اپوزیشن لیڈر پنجاب اسمبلی تعینات کیا گیا ہے۔
پی ٹی آئی کے مرکزی عہدیدار فردوس شمیم نقوی نے پنجاب اسمبلی میں اپوزیشن لیڈر اور ڈپٹی کی تقرری کا نوٹیفکیشن جاری کردیا۔
نوٹی فکیشن میں کہا گیا ہے کہ بانی چیئرمین کی ہدایت پر معین قریشی کو اپوزیشن لیڈر پنجاب اسمبلی نامزد کیا گیا ہے۔ دونوں کی تقرریاں تاحکم ثانی برقرار رہیں گی۔
واضح رہے کہ انسداد دہشت گردی سرگودھا کی عدالت نے 22 جولائی کو 9 مئی کے روز میانوالی میں احتجاج کے مقدمے میں اپوزیشن لیڈر پنجاب ملک احمد بچھر سمیت 32 ملزمان کو 10، 10 سال قید کی سزا سنائی تھی۔
عدالت کی جانب سے سزا سنائے جانے کے بعد الیکشن کمیشن آف پاکستان نے ملک احمد بچھر کی نااہلی کا نوٹی فکیشن جاری کیا تھا اور اُس کے بعد سے اپوزیشن لیڈر پنجاب اسمبلی کا عہدہ خالی تھا۔
.ذریعہ: Express News
کلیدی لفظ: اپوزیشن لیڈر پنجاب اسمبلی گیا ہے
پڑھیں:
ذوالفقار علی بھٹو جونیئر نے پیپلزپارٹی کیلیے نیا چیلنج کھڑا کردیا
data-id="863a0a8" data-element_type="widget" data-widget_type="theme-post-content.default">
251003-08-13
کراچی (رپورٹ /واجد حسین انصار ی) سندھ میں 17سال سے برسراقتدار پاکستان پیپلز پارٹی کے لیے بھٹو خاندان سے ہی ایک نیا چیلنج پیدا ہوگیا ،ساابق وزیراعظم ذوالفقار علی بھٹو کے پوتے ذوالفقار علی بھٹو جونیئر کی نئی سیاسی جماعت میں شمولیت کے لیے پارٹی کے اہم رہنماؤں اور اندرون سندھ سے تعلق رکھنے والی اہم شخصیات نے گرین سگنل دے دیا۔ذوالفقار جونیئر سندھ میں متبادل قیادت کے طور پر سامنے آرہے ہیں اور طویل عرصے سے صوبے میں قائم پیپلز پارٹی کی سیاسی مونوپلی کو چیلنج کرنے کے لیے تیار ہیں۔ تفصیلات کے مطابق سندھ کی سیاست میں اہم پیش رفت کا امکان ہے۔طویل عرصہ سے صوبے میں حکومت کرنے والی پاکستان پیپلزپارٹی کے لیے بھٹو خاندان سے ہی ایک نیا چیلنج پیدا ہوگیا ہے۔ سابق وزیراعظم ذوالفقار علی بھٹو کے پوتے اور مرتضیٰ بھٹو کے صاحبزادے ذوالفقار علی بھٹو جونیئر جنہوںنے چند عرصہ قبل ایک نئی سیاسی جماعت کے قیام کا اعلان کیا تھا اب اس کو متحرک کرنے کے لیے سرگرم ہوگئے ہیں۔ذرائع کا کہنا ہے کہ ذوالفقار علی بھٹو جونیئر کی نئی جماعت سوشلزم کے نعرے کے ساتھ اپنا منشو ر عوام کے سامنے پیش کرے گی۔ مجوزہ جماعت پیپلزپارٹی کے پرانے نعرے روٹی کپڑا اور مکان کو ایک نئی شکل میں عوام کے سامنے لائے گی۔ذرائع کا کہنا ہے کہ ذوالفقار علی بھٹو جونیئر نے نئی جماعت کے حوالے سے اپنا ہوم ورک مکمل کرلیا ہے اور اس حوالے سے ان کو اپنی ہمشیرہ فاطمہ بھٹو کی بھی بھرپور حمایت حاصل ہے اور جماعت کے باضابطہ قیام کے وقت وہ بھی اپنے بھائی کے ساتھ موجود ہوںگی۔ذرائع کا مزید کہنا ہے کہ ذوالفقار علی بھٹو جونیئر پاکستان پیپلزپارٹی کے اہم رہنماؤں اور اندرون سندھ کی اہم شخصیات نے ان کی پارٹی میں شمولیت کے حوالے سے یقین دہانی کروادی ہے۔پیپلزپارٹی کے ایسے رہنما جو وزارت اور عہدے نہ ملنے کے باعث پارٹی قیادت سے ناراض ہیں وہ بھی ذوالفقار علی بھٹو جونیئر کا ساتھ دے سکتے ہیں۔ ذرائع کا کہنا ہے کہ ذوالفقار علی بھٹو جونیئر کا کہنا ہے کہ اگر مستقبل قریب میں سندھ میں کسی ضمنی الیکشن کا انعقاد ہوتا ہے تو ذوالفقار علی بھٹو جونیئر اس الیکشن میں حصہ لے کر باقاعدہ اپنی انتخابی سیاست کا بھی آغاز کرسکتے ہیں۔
اٹلی میں معرکہ حق انٹرنیشنل سیمینار کا انعقاد، افواجِ پاکستان سے والہانہ اظہارِ محبت