وزیراعلیٰ پنجاب مریم نواز کی تقریر کے خلاف پاکستان پیپلز پارٹی کا قومی اسمبلی سے واک آئوٹ، اعظم نذیرتارڑ کی معذرت
اشاعت کی تاریخ: 30th, September 2025 GMT
وفاقی وزیر برائے قانون وانصاف اعظم نذیرتارڑنے کہاہے کہ مسلم لیگ ن اورپی پی پی کے درمیان اختلاف رائے گھر کی بات ہے،ہمارااتحادنظریاتی ہے۔منگل کو قومی اسمبلی کا اجلاس اسپیکر ایاز صادق کی زیرصدارت ہوا ، سید نویدقمرکے نکتہ اعتراض کے جواب میں انہوں نے کہاکہ ہم معذرت خواہ ہیں کہ اگرکسی کی دل آزادی ہوئی ہے، سیاست میں گرمی سردی چلتی ہے،یہ لفظی جنگ ہے اورسیاست میں ایسا ہوتا ہے،ہم گھرمیں بیٹھ کریہ مسئلہ حل کریں گے، ہم جمہوریت اورملک کومضبوط کریں گے، ہمارااتحاد نظریاتی اورنیک نیتی کی بنیاد پر ہے اوریہی وجہ ہے کہ ہمیں سعودی عرب سے اقوام متحدہ تک کامیابیاں مل رہی ہے،ہمارااتحاد جمہوریت اور پاکستان کی مضبوطی کیلئے ہے۔انہوں نے کہاکہ پاکستان کے 25کروڑ عوام کوخادم الحرمین الشریفین نے محافظین حرمین شریفین بنادیا ہے۔قبل ازیں سیدنویدقمرنے نکتہ اعتراض پرکہاکہ اس وقت ہماراملک بہت بڑے سیلاب کی صورتحال کاسامناکررہاہے،میرے اپنے حلقے میں درمیانے درجے کاسیلاب ہے،بہت سارے دیہات اوراراضی زیرآب ہے جس پرفصلیں کھڑی تھیں۔انہوں نے کہا کہ لوگ نہ صرف پریشان ہیں بلکہ ملکی قیادت کی طرف دیکھ رہے ہیں کہ مشکل میں پھنسے افراد کے لیے حکومت اورقیادت کیاکررہی ہے اوران کوکیاریلیف مل رہاہے۔ان کا کہنا تھا کہ آج ایک رپورٹ آئی ہے جس میں ایف اے او نے کہاہے کہ ربیع کی فصلوں کونقصان ہوگا، اس وقت بحالی کی ضرورت ہے۔انہوں نے کہاکہ تقریریں کرنے سے مسائل حل نہیں ہوں گے،ان لوگوں پررحم کیا جائے جن کی ذمہ داری ہم پرآئی ہے۔ سید نوید قمر نے کہا کہ گزشتہ چنددنوں میں جوبیانات آئے ہیں اورجس سطح پربات چلی گئی ہے وہ کسی صورت مناسب نہیں ، بلاول بھٹوزرداری متاثرہ علاقوں میں گئے اورانہوں نے وزیراعلی پنجاب کی تعریف بھی کی۔انہوں نے کہاکہ پنجاب میں ماضی قریب میں یہ پہلا سیلاب تھا، سندھ اس سے ہرسال متاثرہوتاہے، ہم نے سیلاب سے یہ سبق سیکھا ہے کہ سیلاب کے بعد لوگوں کی زندگی کی فوری بحالی ہونی چاہیے۔ان کا کہنا تھا کہ اگرعالمی بینک کے تعاون سے سندھ میں سیلاب کے بعد گھروں کی تعمیرکامنصوبہ کامیاب ہواہے تواس کے بعد دیگرادارے بھی معاونت کیلئے سامنے آئے ہیں۔انہوں نے کہاکہ ہم اتحادی ہونے کے ناطے مشورہ دے سکتے ہیں اس پرتنقید نہیں ہونی چاہیے،لوگوں کی پریشانیاں دورہونی چاہئیں۔ان کا کہنا تھا کہ ہمیں وزیراعلی پنجاب کی تقریر پرافسوس ہوا، دریائے سندھ پورے ملک کاہے اوراس سے پوراملک فائدہ اٹھاتا ہے۔انہوں نے کہاکہ ان حالات میں ہمارے لئے مشکل ہورہاہے کہ ہم حکومتی بینچوں پربیٹھے رہیں ، اگرعزت سے ہماری بات سنی جائے توہم ساتھ دیں گے۔انہوں نے اس موقع پرپی پی پی کے اراکین کے ہمراہ ایوان سے واک آئوٹ بھی کیا۔
.
ذریعہ
ذریعہ: Nawaiwaqt
کلیدی لفظ: انہوں نے کہاکہ
پڑھیں:
وزیر اعظم شہباز شریف سے چینی کاروباری وفد کی ملاقات، بزنس ٹو بزنس شراکت داری سے پاک چین دوستی مزید مستحکم ہو گی ، وزیر اعظم
سٹی 42:وزیر اعظم شہباز شریف سے چینی کاروباری وفد کی ملاقات،وزیر اعظم نے کہا بزنس ٹو بزنس شراکت داری سے پاک چین دوستی مزید مستحکم ہو گی ۔
وزیراعظم محمد شہباز شریف سے چینی کمپنی فیمسنFAMSUN کے چیف ایگزیکٹو افسر جیک چین Jack Chen کی قیادت میں وفد کی ملاقات ہوئی ۔ وزیراعظم نے وفد کو پاکستان آمد پر خوش آمدید کہا
وزیر اعظم نے کہا پاکستان اور چین مثالی دوست ہیں، جن کے درمیان معاشی شراکت داری اور دوستانہ تعلقات وقت کے ساتھ مزید مضبوط ہو رہے ہیں۔دونوں ممالک کے درمیان بزنس ٹو بزنس شراکت داری سے یہ دوستی مزید مستحکم ہو گی ۔وزیر اعظم نے چینی کمپنی کا پاکستان میں اجناس کے سٹوریج کے مراکز کو اسٹیٹ آف آرٹ مراکز میں تبدیل کرنے کے منصوبے کا خیر مقدم کیا۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
اس منصوبے سے ملک میں زراعت کے سیکٹر میں جدید ترین ٹیکنالوجی آئے گی اور تجارتی سرگرمیوں کو فروغ ملے گا۔ پاکستان کی افرادی قوت کی ہنر مندی اور تربیت کو ان منصوبوں کا حصہ بنایا جائے۔
جیک چین نے پاکستان میں پرتپاک میزبانی پر وزیراعظم اور حکومت پاکستان کا شکریہ ادا کیافیمسن کے چیف ایگزیکٹو نے وزیراعظم سے انکے حالیہ دورہء چین کے دوران اپنی ہونے والی ملاقات کا بھی ذکر کیا، جس کے نتیجے میں وہ پاکستان کا دورہ کررہے ہیں اور غذائی تحفظ کے حوالے سے قابل عمل منصوبے پر بات چیت کی جارہی ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
جناب جیک چین نے کہا کہ فیمسن پاکستان میں غذائی تحفظ کے حوالے سے بہتر سٹوریج مراکز، ٹیکنالوجی ٹرانسفر اور تربیت فراہم کرنے میں دلچسپی رکھتی ہے۔بریفنگ میں بتایا کہ فیمسن پاکستان میں گرین سائلوز کے قیام کے حوالےسے ڈیمانسٹریشن سینٹر قائم کرے گی سٹوریج سینٹرز کو جدید گرین سائلوز میں بدلا جائے گا ۔فیمسن اور گرین پاکستان انیشئیٹو کے درمیان مفاہمتی یادداشت پر دستخط ہو چکے ہیں
ملاقات میں وفاقی وزیر قومی غذائی تحفظ رانا تنویر حسین، وفاقی وزیر تجارت جام کمال خان، وزیر مملکت برائے خزانہ و ریلوے بلال اظہر کیانی، معاون خصوصی ہارون اختر اور متعلقہ اعلیٰ سرکاری افسران بھی موجود تھے۔فیمسن زراعت، جانوروں کی خوراک اور فوڈ پراسیسنگ کے حوالے سے چین کی بڑی کمپنیوں میں شمار ہوتی ہے۔
بارشی پانی کی نکاسی نہ ہونے سے گاڑیاں اور موٹرسائیکلیں بند، شہری شدید مشکلات کا شکار
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی