امریکا میں بچوں کے کینسر پر ریسرچ کے لیے مصنوعی ذہانت استعمال کرنے کا فیصلہ
اشاعت کی تاریخ: 1st, October 2025 GMT
data-id="863a0a8" data-element_type="widget" data-widget_type="theme-post-content.default">
واشنگٹن: امریکی صدر ڈونلڈ ٹرمپ نے ایک اہم اعلان کرتے ہوئے کہا ہے کہ بچوں میں کینسر کی تحقیق اور علاج کے لیے آرٹیفیشل انٹیلیجنس (AI) کو استعمال کیا جائے گا۔
اس مقصد کے لیے انہوں نے ایک ایگزیکٹو آرڈر پر دستخط بھی کر دیے ہیں جس کے تحت کینسر ریسرچ میں جدید ترین ٹیکنالوجی کو مرکزی حیثیت دی جائے گی۔ صدر ٹرمپ کے مطابق امریکا اب اس میدان میں چین سے بھی آگے نکل چکا ہے اور ان کی حکومت سائنس اور معیشت دونوں میں انقلاب برپا کرنے کے لیے آرٹیفیشل انٹیلیجنس کو مزید فروغ دے گی۔
صدر ٹرمپ نے میڈیا سے گفتگو کرتے ہوئے کہا کہ صرف 8 ماہ میں ان کی حکومت نے بے شمار ریکارڈ قائم کیے ہیں اور اس وقت امریکا میں سرمایہ کاری کی مالیت 17 ٹریلین ڈالر تک پہنچ چکی ہے۔
انہوں نے سابق صدر جو بائیڈن کو تنقید کا نشانہ بناتے ہوئے کہا کہ ان کے دور میں سرمایہ کاری ایک ٹریلین ڈالر سے بھی کم رہی۔ ٹرمپ کے مطابق ان کی حکومت کی پالیسیوں کی بدولت سرمایہ کاروں کا اعتماد بحال ہوا ہے، روزگار کے نئے مواقع پیدا ہو رہے ہیں اور اب ملک کو ہنرمند افراد کی اشد ضرورت ہے۔
صدر ٹرمپ نے مزید بتایا کہ حکومت نے عوام کو AI اور دیگر جدید مہارتیں سکھانے کے لیے 500 ملین ڈالر مختص کیے ہیں تاکہ زیادہ سے زیادہ افراد اس نئے انقلاب سے فائدہ اٹھا سکیں۔ ان کا کہنا تھا کہ امریکا غیر قانونی طور پر ملک میں موجود افراد کے علاج کا بوجھ نہیں اٹھا سکتا، بلکہ وسائل کو اپنے شہریوں اور قانونی رہائشیوں کے لیے استعمال کیا جائے گا۔
انہوں نے اپنے وژن کی وضاحت کرتے ہوئے مزید کہا کہ مقصد صرف امریکا کو اقتصادی طاقت بنانا نہیں بلکہ سائنس، ٹیکنالوجی اور تحقیق میں عالمی قیادت دلانا بھی ہے۔ کینسر جیسے مہلک مرض کے خلاف جنگ میں آرٹیفیشل انٹیلیجنس ایک بڑا کردار ادا کرے گی اور اس کے مثبت و دیرپا نتائج آنے والے برسوں میں سامنے آئیں گے۔
ٹرمپ نے زور دیا کہ امریکا کو مستقبل کے چیلنجز سے نمٹنے کے لیے نہ صرف مضبوط معیشت بلکہ سائنسی برتری بھی درکار ہے اور اس مقصد کے لیے ان کی حکومت ہر ممکن اقدامات کرے گی۔
ٹرمپ کا یہ اعلان اس وقت سامنے آیا ہے جب دنیا بھر میں کینسر کا پھیلاؤ انسانی صحت کے بڑے چیلنجز میں شمار کیا جا رہا ہے۔
ماہرین کے مطابق اگر تحقیق اور ٹیکنالوجی کو یکجا کیا جائے تو ایسے امراض کا علاج مزید مؤثر اور آسان ہوسکتا ہے۔ ٹرمپ کے اس بیان کو امریکی معیشت، سائنس اور ہیلتھ سیکٹر کے مستقبل کے لیے ایک اہم سنگ میل قرار دیا جا رہا ہے۔
.
ذریعہ
ذریعہ: Jasarat News
کلیدی لفظ: ان کی حکومت کے لیے
پڑھیں:
پاسداران انقلاب کی برطانیہ کو امریکا کی مدد پر فوجی بیسز نشانہ بنانے کی دھمکی
ایرانی پاسداران انقلاب نے برطانیہ کو دھکمی دی ہے کہ اگر ایران پر امریکا اور اسرائیل کے حملوں میں ملوث ہوئے تو جارحیت کے استعمال ہونے والے کسی بھی بیس پر ہمارے حملے جائز ہوں گے اور برطانیہ کو اپنے ماضی کو مزید خراب نہ کرے۔
ایرانی میڈیا کی رپورٹ کے مطابق پاسداران انقلاب نے بیان میں کہا کہ برطانیہ نے ایران پر حالیہ امریکا اور اسرائیل کے حملوں میں بڑا کردار ادا کیا ہے لہٰذا ہم برطانوی حکومت جو ہمارے خطے کے لوگوں کی تقدیر خراب کرنے کی بنیادی وجہ ہے، کو تنبیہ کر رہے ہیں کہ وہ اپنے ماضی پر مزید بوجھ مت ڈالیں۔
پاسداران انقلاب نے کہا کہ امریکی بحری فورسز بحیریہ ہند میں فعال ہے مگر ان کے کروز میزائل کا ذخیرہ ختم ہوگیا ہے اور اسی لیے وہ انگلینڈ آر اے ایف فیئرفورڈ سے بی ون بمبار استعمال کرنا شروع کردیا ہے۔
بیان میں کہا گیا کہ حملہ آور امریکی فوج جنگ کے آغاز کے بعد بحر ہند میں موجود اپنے بحری جہازوں سے کروز میزائل داغنے پر انحصار کر رہی تھی مگر ان جہازوں کے میزائلوں کا ذخیرہ ختم ہونے کے بعد کل برطانیہ کے فیرفورڈ فضائی اڈے سے پرواز کرنے والے بی ون طیاروں کے استعمال پر مجبور ہو گئی ہے۔
پاسداران انقلاب نے زور دیتے ہوئے کہا کہ جیسا کہ وزارت خارجہ کے عہدیداروں نے بھی واضح کیا ہے کہ ایرانی سرزمین کے خلاف استعمال ہونے والا کوئی بھی بیس ہمارے لیے نشانہ بنانے کے جائز ہدف ہوگا۔
مزید کہا گیا کہ برطانیہ کا اسلامی ممالک کی تقسیم، ان ممالک میں بڑے پیمانے پر قتل عام، آمرانہ حکومتوں کے قیام اور سب سے بڑھ کر فلسطین پر قبضے کو منظم کرنے اور اس کی سرپرستی کرتے ہوئے اسرائیل کے قیام جیسے سانحے کو جنم دینے کا ایک سیاہ ریکارڈ ہے۔
خیال رہے کہ پاسداران انقلاب کی جانب سے برطانیہ کو دھمکی ایک ایسے وقت میں دی گئی ہے جب ایران اور امریکا کے درمیان لڑائی اپنے عروج پر ہے دونوں اطراف سے ایک دوسرے کی تنصیبات پر حملے کیے جا رہے ہیں۔
برطانیہ پہلے ہی نئے قانون کے تحت پاسداران انقلاب کو قومی سلامتی کے لیے خطرہ قرار دے چکا ہے جبکہ ایران نے اس اقدام کو جارحانہ قرار دیتے ہوئے جواب میں اسی طرح کا اقدام کرنے کا عزم ظاہر کر دیا ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع