پہلا ٹی ٹوئنٹی: ٹم رابنسن کی سنچری رائیگاں، آسٹریلیا 6 وکٹ سے فتحیاب
اشاعت کی تاریخ: 1st, October 2025 GMT
پہلے ٹی ٹوئنٹی میچ میں آسٹریلیا نے نیوزی لینڈ کو 6 وکٹ سے شکست دے دی۔
ماؤنٹ مینگنوئی میں کھیلے گئے میچ میں آسٹریلیا نے ٹاس جیت کر نیوزی لینڈ کو پہلے بیٹنگ کرنے کی دعوت تو اس کی ابتدائی تین وکٹیں صرف چھ رنز پر گر گئیں۔
بعد ازاں ٹم رابنسن نے ڈیرل مچل (34)کے ساتھ 92 اور بیون جیکبس (20)کے ساتھ 64 رنز کی شراکت داری کرکے ٹیم کا اسکور چھ وکٹوں کے نقصان پر 181 رنز تک پہنچادیا۔
رابنسن نے اپنی پہلی ٹی ٹوئنٹی انٹرنیشنل سنچری اسکور کی۔ انہوں نے پانچ چھکوں اور چھ چوکوں کی مدد سے 66 گیندوں پر 106 رنز بنائے اور ناقابل شکست رہے۔
Tim Robinson, you beauty! A maiden international century ???? #NZvAUS pic.
آسٹریلیا کی جانب سے بین ڈوریشس نے دو جبکہ جوش ہیزل ووڈ اور میتھیو شارٹ نے ایک ایک وکٹ حاصل کی۔
آسٹریلیا نے 182 رنز کا ہدف باآسانی چار وکٹوں کے نقصان پر 16.3 اوورز میں حاصل کرلیا۔ کپتان مچل مارش 85 رنز بناکر نمایاں رہے۔
ٹریوس ہیڈ 31، میتھیو شارٹ 29 اور ایلکس کیری سات رنز بناکر آؤٹ ہوئے۔ ٹم ڈیوڈ 21 اور مارکس اسٹوئنس چار رنز بناکر ناٹ آؤٹ رہے۔
نیوزی لینڈ کی جانب سے میٹ ہینری نے دو جبکہ فولکس اور جیمی سن نے ایک ایک وکٹ حاصل کی۔
Plenty of fire from Australia in that chase!
1-0 up in the series ▶️ https://t.co/P2ExQX0Ozy #NZvAUS pic.twitter.com/3ALkoffa25
آسٹریلیا کو تین ٹی ٹوئنٹی میچز کی سیریز میں 0-1 کی برتری حاصل ہوگئی ہے۔ دونوں ٹیموں کے مابین دوسرا ٹی ٹوئنٹی تین اکتوبر کو کھیلا جائے گا۔
ذریعہ
ذریعہ: Express News
کلیدی لفظ: ٹی ٹوئنٹی
پڑھیں:
خیبر پختونخوا، گلگت بلتستان، پنجاب اور کشمیر میں تیز بارشوں کی پیشگوئی، لینڈ سلائیڈنگ کا خدشہ
محکمہ موسمیات کے مطابق موسلادھار بارشوں کے باعث اسلام آباد/راولپنڈی، پشاور، نوشہرہ، گجرات، گوجرانوالہ، لاہور، سیالکوٹ، ساہیوال، خانیوال، ملتان اور فیصل آباد میں نشیبی علاقے زیر آب آنے کا خدشہ ہے۔ اسلام ٹائمز۔ آئندہ چوبیس گھنٹوں کے دوران موسلادھار بارشوں کے سبب خیبر پختونخوا، گلگت بلتستان، مری، گلیات اور کشمیر کے پہاڑی علاقوں میں لینڈ سلائیڈنگ کا خدشہ ہے۔ محکمہ موسمیات نے اس حوالے سے انتباہ جاری کردیا جس میں کہا ہے کہ آئندہ چوبیس گھنٹوں کے دوران کشمیر، مری، گلیات، شمال مشرقی پنجاب، اسلام آباد، خیبر پختونخوا، گلگت بلتستان، ڈیرہ غازی خان کے پہاڑی ندی نالوں اور شمال مشرقی بلوچستان کے مقامی/ بر ساتی ندی نالوں میں طغیانی کا خدشہ ہے۔ محکمہ موسمیات کے مطابق موسلادھار بارشوں کے باعث اسلام آباد/راولپنڈی، پشاور، نوشہرہ، گجرات، گوجرانوالہ، لاہور، سیالکوٹ، ساہیوال، خانیوال، ملتان اور فیصل آباد میں نشیبی علاقے زیر آب آنے کا خدشہ ہے۔ موسلادھار بارش، تیز آندھی اور آسمانی بجلی گرنے کے باعث کمزور تعمیرات (سولر پینلز، بجلی کے کھمبے، بل بورڈز وغیرہ) کو نقصان پہنچنے کا خدشہ ہے۔
پاکستان نے ورلڈ کپ 2028 کیلیے براہ راست کوالیفائی کر لیا