صائم ایوب نمبرون ٹی ٹوئنٹی آل راؤنڈر، ہاردک پانڈیا کو پیچھے چھوڑ دیا
اشاعت کی تاریخ: 1st, October 2025 GMT
پاکستان کے نوجوان کرکٹر صائم ایوب نے بھارت کے ہاردک پانڈیا کو پیچھے چھوڑتے ہوئے پہلی مرتبہ آئی سی سی ٹی ٹوئنٹی آل راؤنڈر رینکنگ میں نمبر ون پوزیشن حاصل کرلی ہے۔
ایشیا کپ میں شاندار کارکردگیصائم ایوب نے ایشیا کپ کے دوران گیند کے ساتھ شاندار کارکردگی دکھائی اور 8 وکٹیں حاصل کیں۔
ان شاندار کوششوں کی بدولت وہ 4 درجے ترقی پاتے ہوئے پانڈیا کو پیچھے چھوڑ کر نمبر ون آل راؤنڈر بن گئے۔ پانڈیا اب دوسرے نمبر پر ہیں اور ان کے پوائنٹس ایوب سے 8 ریٹنگ پوائنٹس کم ہیں۔
پاکستان کے محمد نواز بھی 4 درجے ترقی کرکے 13ویں نمبر پر پہنچ گئے، جبکہ سری لنکا کے چریتھ اسالنکا 3 درجے ترقی کے بعد 30ویں پوزیشن پر آگئے۔
بیٹنگ رینکنگ میں بھارت کا دباؤدوسری جانب بیٹنگ رینکنگ میں بھارت کے اوپنر ابھشیک شرما نے نئی تاریخ رقم کی ہے۔
انہوں نے 931 ریٹنگ پوائنٹس کے ساتھ گزشتہ 5 برسوں کا پرانا ریکارڈ توڑ دیا۔ اس سے قبل انگلینڈ کے ڈیوڈ ملان نے 2020 میں 919 پوائنٹس حاصل کیے تھے۔
یہ بھی پڑھیں:ٹرافی دینے کے لیے پہلے بھی تیار تھا، اب بھی ہوں، میرے دفتر آئیں اور ٹرافی لے لیں، محسن نقوی نے بھارتی ٹیم پر واضح کردیا
ابھشیک سیمی فائنل میں سری لنکا کے خلاف نصف سنچری کی بدولت یہ اعزاز حاصل کرنے میں کامیاب رہے۔
بیٹنگ میں ابھشیک کے بعد انگلینڈ کے فل سالٹ دوسرے اور بھارت کے تیلاگ ورما تیسرے نمبر پر ہیں۔ سری لنکا کے پاتھم نسانکا پانچویں، کُسل پریرا نویں، پاکستان کے صاحبزادہ فرحان 13ویں اور بھارت کے سنجو سیمسن 31ویں نمبر تک ترقی کر گئے۔
بولنگ رینکنگبولنگ میں بھارت کے ورن چکرورتی بدستور نمبر ون پوزیشن پر موجود ہیں۔ انہوں نے ایشیا کپ میں 7 وکٹیں حاصل کیں اور اپنی برتری برقرار رکھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت پاکستان ٹی ٹوئنٹی سری لنکا صائم ایوب کرکٹ ہاردک پانڈیا.
ذریعہ
ذریعہ: WE News
کلیدی لفظ: بھارت پاکستان ٹی ٹوئنٹی سری لنکا صائم ایوب کرکٹ ہاردک پانڈیا صائم ایوب بھارت کے سری لنکا
پڑھیں:
کالم نگار کو بیوروکریسی کے بارے میں مبینہ ریمارکس پر نوٹس صرف مؤقف حاصل کرنے کے لیے جاری کیا گیا تھا، اس پر کوئی ایف آئی آر درج نہیں کی گئی، سینیٹ کی قائمہ کمیٹی برائے اطلاعات و نشریات کے اجلاس میں این سی سی آئی کی بریفنگ
اسلام آباد (ڈیلی پاکستان آن لائن)سینیٹر سرمد علی کی قائم مقام صدارت میں پی ٹی وی ہیڈ کوارٹر اسلام آباد میں سینیٹ کی قائمہ کمیٹی برائے اطلاعات و نشریات کا اجلاس منعقد ہوا جس میں این سی سی آئی اے کی جانب سے سوشل میڈیا کے اعداد و شمار اور میٹا کی جانب سے قابلِ اعتراض مواد ہٹانے کے حوالے سے بریفنگ دی گئی۔ این سی سی آئی اے نے واضح کیا کہ اس سے قبل کمیٹی کو جو اعداد و شمار فراہم کیے گئے تھے، وہ میٹا کے عوامی سطح پر دستیاب ڈیٹا پر مبنی تھے۔ کمیٹی نے اس وضاحت کو قبول کیا اور تصدیق شدہ حقائق کی بنیاد پر ذمہ دارانہ رپورٹنگ کی ضرورت پر زور دیا۔
کمیٹی نے بیوروکریسی کے بارے میں مبینہ متنازعہ ریمارکس پر ایک اخبار کے کالم نگار کو نوٹس جاری کرنے کے معاملے کا بھی جائزہ لیا۔ این سی سی آئی اے نے کمیٹی کو بتایا کہ یہ نوٹس پاس (PAS) افسران ایسوسی ایشن کے صدر کی طرف سے درج کرائی گئی شکایات کے بعد صرف کالم نگار کا مؤقف حاصل کرنے کے لیے جاری کیا گیا تھا۔ مزید آگاہ کیا گیا کہ پیکا کے تحت کوئی ایف آئی آر درج نہیں کی گئی، کالم نگار نے تاحال نوٹس کا جواب نہیں دیا، اور یہ مضمون اخبار کے ای پیپر سے ہٹا دیا گیا ہے، اگرچہ یہ کالم نگار کے فیس بک پیج پر اب بھی دستیاب ہے۔
سینیٹ کی قائمہ کمیٹی برائے اطلاعات و نشریات کا اجلاس،فلم "بلھا" پر پابندی یا نام تبدیلی کی سفارش، صحافیوں کے ہاؤسنگ کوٹے اور پیکا کیسز پر اہم فیصلے
بحث کے دوران اراکین نے پارلیمنٹ میں دی گئی حکومت کی اس یقین دہانی کو دہرایا کہ پیکا کا استعمال اخبارات اور ٹیلی ویژن کی ویب سائٹس یا ڈیجیٹل پلیٹ فارمز کے خلاف نہیں کیا جائے گا کیونکہ ان کے منظم کردہ مواد کو بالترتیب پریس کونسل اور پیمرا کنٹرول کرتے ہیں۔ سینیٹر پرویز رشید نے اس بات پر زور دیا کہ حقائق واضح کرنے کے لیے کالم نگار کو نوٹس کا جواب دینے کا کہا جائے۔ کمیٹی نے متفقہ طور پر مشاہدہ کیا کہ ہر فرد کی عزت اور تقدس کا احترام کیا جانا چاہیے۔ مشاورت کے بعد، قائم مقام چیئرمین نے این سی سی آئی اے کو ہدایت کی کہ وہ شکایت اور شکایات کنندہ دونوں کو پریس کونسل آف پاکستان کے پاس بھیجیں، جو کہ شائع شدہ کالم کا جائزہ لینے اور اس معاملے پر فیصلہ کرنے والا مناسب فورم ہے۔
کمیٹی نے صوبائی حکام سے پیکا کے مقدمات کی این سی سی آئی اے کو منتقلی کا بھی جائزہ لیا۔ سینیٹر وقار مہدی کے سوال پر این سی سی آئی اے کے حکام نے کمیٹی کو بتایا کہ سندھ سے اب تک صرف نو مقدمات منتقل کیے گئے ہیں، جبکہ دیگر صوبوں میں مقدمات کی منتقلی کا عمل ابھی باقی ہے۔ تفصیلی غوروخوض کے بعد، سینیٹر سرمد علی نے ہدایت کی کہ تمام متعلقہ صوبائی حکام کو خطوط بھیجے جائیں تاکہ عمل درآمد کے لیے سینیٹ کی ذیلی کمیٹی برائے اطلاعات و نشریات کی سفارشات اور رپورٹ کے ساتھ زیر التوا مقدمات کی منتقلی کو تیز کیا جا سکے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار