نیپال میں 2 سالہ آریاتارا شاکیہ نئی زندہ دیوی ’کمارى‘ منتخب
اشاعت کی تاریخ: 1st, October 2025 GMT
نیپال میں 2 سالہ بچی آریاتارا شاکیہ کو ملک کی نئی زندہ دیوی ’کمارى‘ منتخب کرلیا گیا۔ یہ تقریب نیپال کے سب سے بڑے ہندو تیوہار ’دشین‘ کے دوران منعقد ہوئی، جس میں بچی کو ان کے گھر سے کٹھمنڈو کے مندر تک جلوس کی صورت میں عقیدت و احترام کے ساتھ لے جایا گیا۔
کمارى، جسے ’کنواری دیوی‘ بھی کہا جاتا ہے، وہ بچی ہوتی ہے جسے ہندو اور بدھ مت دونوں مذاہب کے ماننے والے زندہ دیوی تصور کرتے ہیں۔ روایت کے مطابق موجودہ کمارى بلوغت کو پہنچنے پر عام انسان قرار دی جاتی ہے اور اس کی جگہ نئی بچی کو چُنا جاتا ہے۔
مزید پڑھیں:ہریدوار: مانسا دیوی مندر میں بھگدڑ، 6 افراد ہلاک، متعدد زخمی
زندہ دیوی کے انتخاب کے لیے بچیوں کی عمر 2 سے 4 سال کے درمیان ہونا لازمی ہے جبکہ ان کی صحت اور جسمانی خدوخال بے داغ سمجھے جاتے ہیں۔
تقریب کے دوران آریاتارا شاکیہ کے قدموں کو عقیدت مندوں نے اپنے ماتھے سے چھوا اور پھول و نذرانے پیش کیے۔ وہ آئندہ کئی برس تک مندر میں قیام کریں گی اور مذہبی تیوہاروں کے دوران جلوس میں شامل ہوں گی۔ کمارى ہمیشہ سرخ لباس زیب تن کرتی ہیں، بالوں کو اونچی چوٹی میں باندھتی ہیں اور پیشانی پر تیسری آنکھ بنائی جاتی ہے۔
مزید پڑھیں:سری دیوی کی والدہ نے’فلم مسٹر انڈیا‘ کا کتنا معاوضہ طلب کیا تھا؟
سابقہ کمارى ترشنا شاکیہ، جو اب 11 برس کی ہیں، اس موقع پر مندر کے پچھلے دروازے سے پالکی میں روانہ ہوئیں۔ کمارى کی زندگی محدود اور مخصوص ہوتی ہے، تاہم حالیہ برسوں میں روایات میں تبدیلی کے بعد انہیں نجی اساتذہ سے تعلیم اور جدید سہولتوں کی اجازت دی گئی ہے۔
حکومت سبکدوش کمارى کو ماہانہ وظیفہ بھی فراہم کرتی ہے تاکہ وہ عام زندگی میں واپسی آسانی سے گزار سکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
’کنواری دیوی‘ آریاتارا شاکیہ زندہ دیوی کمارى ترشنا شاکیہ نیپال.ذریعہ: WE News
کلیدی لفظ: کنواری دیوی زندہ دیوی نیپال زندہ دیوی
پڑھیں:
ٹام کروز کا 45 سالہ انتظار ختم، بالآخر پہلا آسکر مل گیا
ہالی ووڈ کے مقبول ترین ایکشن ہیرو ٹام کروز کو بالآخر اُن کے طویل اور شاندار کیریئر کے اعتراف میں پہلا اعزازی آسکر ایوارڈ دے دیا گیا۔ یہ وہ اعزاز ہے جس کا انتظار انہوں نے تقریباً ساڑھے چار دہائیوں تک کیا۔
اتوار کی شام لاس اینجلس میں ہونے والی سالانہ گورنرز ایوارڈز کی پروقار تقریب میں اکیڈمی آف موشن پکچر آرٹس اینڈ سائنسز نے ٹام کروز کو یہ ٹرافی پیش کی، اور حاضرین نے انہیں ایک منٹ تک کھڑے ہو کر داد دی۔
63 سالہ اداکار کو اپنے پورے کیریئر میں بہترین اداکاری کے لیے چار بار نامزدگیاں ملیں لیکن وہ کبھی آسکر جیت نہ سکے۔ اس بار بھی انہیں کسی فلمی کردار پر ایوارڈ نہیں ملا، بلکہ ان کی مجموعی خدمات، اثر انگیزی اور سینما میں غیر معمولی شراکت کے احترام میں یہ اعزاز دیا گیا۔
ٹرافی وصول کرتے ہوئے ٹام کروز نے مسکراتے ہوئے کہا ’’فلمیں بنانا صرف میرا کام نہیں، یہ میرا وجود ہے۔‘‘
انہوں نے اپنے فلمی سفر کے دوران ساتھ رہنے والے تمام ہدایتکاروں، فنکاروں اور ساتھی ٹیم کا شکریہ بھی ادا کیا۔
اس سال اعزازی آسکر پانے والوں میں ٹام کروز کے ساتھ مزید نام بھی شامل رہے، جن میں مشہور کوریوگرافر ڈیبی ایلن، ویژنری پروڈکشن ڈیزائنر وین تھامس اور معروف گلوکارہ ڈولی پارٹن شامل ہیں۔
امن جرگہ کے حوالے سے فائنل ڈرافٹ تیار، تمام فریقین کو اعتماد میں لے لیا گیا: شفیع جان