مانچسٹر: یہودی عبادت گاہ کے باہر حملہ، 2 افراد ہلاک، مشتبہ حملہ آوربھی مارا گیا
اشاعت کی تاریخ: 2nd, October 2025 GMT
برطانیہ میں شمالی مانچسٹر کی ایک یہودی عبادت گاہ کے باہر ہونے والے حملے میں 2 افراد جاں بحق ہو گئے جب کہ پولیس کی فائرنگ سے مشتبہ حملہ آور کو بھی ہلاک کر دیا گیا۔
یہ بھی پڑھیں: غزہ میں ہر گھنٹے 3 خواتین اور 5 بچے شہید ہورہے ہیں، رپورٹ
واقعہ یومِ کپور (Yom Kippur) کے روز پیش آیا جو یہودیوں کا مقدس ترین دن تصور کیا جاتا ہے۔
گریٹر مانچسٹر پولیس کے مطابق جمعرات کی صبح 9:30 بجے کے قریب ہیٹن پارک ہیبرو کانگریگیشن سناگاگ، کرمسل میں ایک کار نے لوگوں کو روند ڈالا اور ایک شخص پر چاقو سے حملہ کیا گیا۔
پولیس نے بتایا کہ حملے کے فوراً بعد مشتبہ شخص کو گولی ماری گئی جسے حملہ آور سمجھا جا رہا ہے۔ حالاں کہ پولیس نے احتیاطی وجوہات کی بنا پر مشتبہ شخص کی موت کی باضابطہ تصدیق نہیں کی کیونکہ اس کے جسم پر مشکوک اشیا پائی گئیں جس پر بم ڈسپوزل یونٹ کو طلب کیا گیا۔ مزید 3 افراد شدید زخمی حالت میں اسپتال منتقل کیے گئے ہیں۔
پولیس کا ردِعمل اور الرٹ جاریپولیس کے مطابق، صبح 9:38 پر فائرنگ کی گئی اور 9:41 پر ایمبولینس پہنچی جس نے گاڑی اور چاقو کے حملے سے زخمی افراد کو طبی امداد دی۔
پولیس نے واقعے کو دہشت گردی کا واقعہ قرار دیتے ہوئے ’پلیٹو‘ الرٹ جاری کیا جو کہ برطانیہ میں کسی جاری دہشتگرد حملے کی صورت میں ایمرجنسی سروسز کے لیے استعمال ہونے والا قومی کوڈ ورڈ ہے۔
برطانوی وزیرِ اعظم کا سخت ردعمل، دورہ ڈنمارک مختصر کر دیاواقعے کے بعد، وزیرِ اعظم کیئر اسٹارمر نے یورپی سیاسی اجلاس (European Political Community Summit) میں شرکت کو مختصر کرتے ہوئے کوپن ہیگن (ڈنمارک) سے فوری وطن واپسی کا اعلان کیا۔
توقع ہے کہ وہ کوبرا اجلاس میں شرکت کریں گے جو قومی ہنگامی صورتحال میں اعلیٰ حکام کا خصوصی اجلاس ہوتا ہے۔
مزید پڑھیے: اسرائیل حماس جنگ کے دوران غزہ میں 21 ہزار بچے معذوری کا شکار ہوگئے، اقوام متحدہ کا انکشاف
اسٹارمر نے کہا کہ میں مانچسٹر کی عبادت گاہ پر حملے سے شدید افسردہ ہوں۔ یومِ کپور جیسے مقدس دن پر ایسا واقعہ پیش آنا اسے اور زیادہ ہولناک بنا دیتا ہے۔
I’m appalled by the attack at a synagogue in Crumpsall.
The fact that this has taken place on Yom Kippur, the holiest day in the Jewish calendar, makes it all the more horrific.
My thoughts are with the loved ones of all those affected, and my thanks go to the emergency…
— Keir Starmer (@Keir_Starmer) October 2, 2025
انہوں نے عبادت گاہوں پر اضافی سیکیورٹی تعینات کرنے کا اعلان کیا۔
مسلم کونسل آف بریٹین کی بھی مذمتبادشاہ چارلس سوئم نے واقعے پر گہرے دکھ کا اظہار کیا۔
ربی جوناتھن رومن نے خبردار کیا کہ ایسے واقعات سے مذہبی نفرت کے خطرات بڑھ سکتے ہیں۔
مزید پڑھیں: غزہ میں پانی حاصل کرنے کے لیے جمع 6 بچے اسرائیلی حملوں میں شہید، 24 گھنٹوں میں 139 ہلاکتیں
مسلم کونسل آف برٹین نے اس حملے کی بلا مشروط مذمت کی اور کہا کہ یومِ کپور کے دن ایسا ہونا اسے اور زیادہ تکلیف دہ بناتا ہے۔
سوشل میڈیا اور ویڈیوزسوشل میڈیا پر گردش کرنے والی ویڈیوز میں دیکھا جا سکتا ہے کہ مسلح پولیس اہلکاروں نے سڑک پر گرے ایک شخص پر ہتھیار تان رکھے ہیں اور عوام کو پیچھے ہٹنے کی ہدایات دی جا رہی ہیں۔
ایک ویڈیو میں فائرنگ کی آواز بھی سنائی دیتی ہے جس کے بعد شخص دوبارہ زمین پر گرتا ہے۔ قریبی علاقے میں ایک اور شخص کو خون میں لت پت دیکھا گیا۔
احتیاطی اقداماتلندن میٹروپولیٹن پولیس نے عبادت گاہوں، یہودی مراکز اور ایسے علاقوں میں جہاں یہودی آبادی زیادہ ہے اضافی سیکیورٹی تعینات کر دی ہے۔
یہ بھی پڑھیے: غزہ: بچے خاندان کے مرحومین کے پاس جانے کی ضد کیوں کرنے لگے؟
اگرچہ لندن میں خطرے کی سطح میں اضافے کی کوئی اطلاع نہیں، مگر احتیاطی تدابیر کے طور پر یہ اقدامات کیے جا رہے ہیں۔
یومِ کپور: ایک اہم موقع پر حملہیہ حملہ ایک ایسے دن پیش آیا جب سناگاگ عام طور پر عبادت گزاروں سے بھرے ہوتے ہیں۔
مزید پڑھیں: اسرائیل غزہ میں بھوک کو ہتھیار کے طور پر استعمال کر رہا ہے، ایمنسٹی انٹرنیشنل کا دعویٰ
یومِ کپور یہودیوں کے لیے ویسا ہی اہم ہے جیسا کہ مسیحیوں کے لیے کرسمس بس فرق صرف یہ کہ یہ دن خوشی کا نہیں بلکہ روحانی غور و فکر، معافی اور روزہ رکھنے کا دن ہوتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
مانچسٹر مانچسٹر میں قتل مانچسٹر میں یہودی قتلذریعہ: WE News
کلیدی لفظ: مانچسٹر میں قتل مانچسٹر میں یہودی قتل پولیس نے کے لیے
پڑھیں:
کارروائی میں غلطی سے ایک شخص ہلاک ہوا، برطانوی پولیس کی تصدیق
برطانوی پولیس نے کہا ہے کہ مانچسٹر میں سینیگاگ حملے کے دوران پولیس کی کارروائی میں غلطی سے ایک متاثرہ شخص ہلاک جبکہ ایک زخمی بھی پولیس کی فائرنگ سے ہوا۔
یہ واقعہ یوم کپور کے موقع پر پیش آیا جب ایک برطانوی نژاد شامی شہری نے گاڑی راہگیروں پر چڑھا دی اور پھر چاقو سے حملہ کیا، حملہ آور پولیس کی فائرنگ میں مارا گیا۔
یہ بھی پڑھیں: مانچسٹر: یہودی عبادت گاہ کے باہر حملہ، 2 افراد ہلاک، 2 ملزمان گرفتار
برطانوی پولیس کے مطابق ہلاک ہونے والوں میں سے ایک کو گولی لگی جو ممکنہ طور پر پولیس کی کارروائی کے دوران لگی۔ پولیس نے بتایا کہ دونوں متاثرین دروازے کے قریب موجود تھے اور حملہ آور کو اندر داخل ہونے سے روکنے کی کوشش کررہے تھے۔
حملہ آور کی شناخت 35 سالہ جہاد الشامی کے طور پر کی گئی۔ اس کے اہلخانہ نے اپنے بیان میں کہا ہے کہ وہ اس ’سنگین اور شرمناک عمل‘ سے لاتعلقی ظاہر کرتے ہیں۔
برطانوی حکومت نے اس واقعے کے بعد ملک میں بڑھتے ہوئے یہودی مخالف واقعات پر قابو پانے کے لیے مزید اقدامات کرنے کا اعلان کیا ہے۔
یہ بھی پڑھیں: اسرائیل: چاقو حملے میں ایک شخص ہلاک،4 زخمی
وزیرِ اعظم کیئر اسٹارمر نے جائے وقوعہ کا دورہ کیا اور پولیس و ریسکیو اہلکاروں کی تعریف کی۔ نائب وزیرِ اعظم ڈیوڈ لیمی جب متاثرین کے لیے منعقدہ اجتماع میں شریک ہوئے تو کچھ مظاہرین نے ان سے فلسطین کے حق میں جاری مظاہروں کو بند کرنے کا مطالبہ کیا۔
برطانیہ اور دیگر مغربی ممالک میں گزشتہ 2 برس کے دوران غزہ میں جاری جنگ کے بعد یہودی مخالف واقعات میں نمایاں اضافہ ریکارڈ کیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news چاقو حملہ سینیگاگ لندن پولیس
اٹلی کی ضد اور فلسطین