ایک ارب ڈالر سے تعمیر ہونے والا ’ٹرمپ پلازہ‘ منصوبہ، جدہ شہر کی نئی پہچان
اشاعت کی تاریخ: 3rd, October 2025 GMT
سعودی ڈویلپر دار گلوبل نے جدہ کے قلب میں کنگ عبدالعزیز روڈ پر ایک ارب ڈالر مالیت کے ’ٹرمپ پلازہ جدہ‘ منصوبے کا اعلان کیا ہے، جو شہر کے افق کو نئی پہچان دے گا۔ یہ منصوبہ ٹرمپ آرگنائزیشن کے ساتھ کمپنی کا دوسرا اشتراک ہے۔
یہ بھی پڑھیں:ٹرمپ آرگنائزیشن دبئی میں کون سی اہم عمارت تعمیر کرنے والی ہے؟
ٹرمپ پلازہ میں پرتعیش رہائشی فلیٹس، سروسڈ اپارٹمنٹس، گریڈ اے دفاتر اور ایکسکلوزو ٹاؤن ہاؤسز شامل ہوں گے۔ منصوبے میں مین ہیٹن کے ’سینٹرل پارک‘ سے متاثرہ جدید طرز کا لینڈ اسکیپ بھی بنایا جائے گا۔
دار گلوبل کے سی ای او زیاد الشاعر کے مطابق یہ سعودی عرب میں اپنی نوعیت کا پہلا اور سب سے زیادہ پرعزم منصوبہ ہے جو رہائش، کاروبار اور طرزِ زندگی کو ایک ساتھ یکجا کرے گا۔
یہ بھی پڑھیں:امریکا کے 47ویں منتخب صدر، ڈونلڈ ٹرمپ کے کیریئر پر ایک نظر
ٹرمپ آرگنائزیشن کے ایگزیکٹو نائب صدر ایرک ٹرمپ نے کا کہنا ہے کہ ہم سعودی عرب میں اپنی موجودگی کو بڑھانے پر فخر محسوس کرتے ہیں۔ ٹرمپ پلازہ جدید طرزِ رہائش اور عالمی معیار کی مہمان نوازی کی عکاسی کرے گا۔
اس سے قبل دسمبر میں ’ٹرمپ ٹاور جدہ‘ کا اعلان کیا گیا تھا جو بحیرۂ احمر کے ساحل پر 47 منزلہ پرتعیش منصوبہ ہے اور فی الحال پری کنسٹرکشن مرحلے میں ہے۔
ویژن 2030 کے تحت سعودی عرب میں لگژری ریئل اسٹیٹ سیکٹر تیزی سے فروغ پا رہا ہے، اور ماہرین کے مطابق ٹرمپ پلازہ جدہ اس شعبے میں نمایاں اضافہ کرے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹرمپ ٹرمپ پلازہ ٹرمپ ٹاور جدہ سعودی عرب.
ذریعہ
ذریعہ: WE News
کلیدی لفظ: ٹرمپ پلازہ ٹرمپ ٹاور ٹرمپ پلازہ
پڑھیں:
سٹیٹ بینک کے زرمبادلہ ذخائر میں 3 کروڑ 30 لاکھ ڈالر کا اضافہ
سٹیٹ بینک کی جانب سے جاری اعداد و شمار کے مطابق سٹیٹ بینک کے پاس موجود ذخائر 17 ارب 25 کروڑ 80 لاکھ ڈالر تک پہنچ گئے جبکہ ملک کے مجموعی زرمبادلہ ذخائر 60 لاکھ ڈالر کم ہو کر 22 ارب 66 کروڑ ڈالر کی سطح پر آ گئے ہیں۔ اسلام ٹائمز۔ گزشتہ ہفتے کے دوران زرمبادلہ کے ذخائر میں 3 کروڑ 30 لاکھ ڈالر کا اضافہ ریکارڈ کیا گیا۔ سٹیٹ بینک کی جانب سے جاری اعداد و شمار کے مطابق سٹیٹ بینک کے پاس موجود ذخائر 17 ارب 25 کروڑ 80 لاکھ ڈالر تک پہنچ گئے جبکہ ملک کے مجموعی زرمبادلہ ذخائر 60 لاکھ ڈالر کم ہو کر 22 ارب 66 کروڑ ڈالر کی سطح پر آ گئے ہیں۔ مرکزی بینک کے مطابق کمرشل بینکوں کے زرمبادلہ ذخائر میں 3 کروڑ 80 لاکھ ڈالر کی کمی ہوئی، جس کے بعد ان کے ذخائر 5 ارب 41 کروڑ ڈالر رہ گئے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار