داؤد یونیورسٹی انتظامیہ کا آمرانہ رویہ قبول نہیں، اسلامی جمعیت طلبہ کا پٹیشن دائر کرنے کا اعلان
اشاعت کی تاریخ: 3rd, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی:اسلامی جمعیت طلبہ کراچی کاکہنا ہےکہ داؤد یونیورسٹی کےوائس چانسلر اور انتظامیہ کے آمرانہ رویے کو کسی صورت قبول نہیں کیا جائے گا، معاملہ عدالت میں اٹھایا جائے گا اور سندھ ہائی کورٹ میں پٹیشن دائر کی جائے گی۔
داود یونیورسٹی کے سامنے پریس کانفرنس کرتے ہوئے ناظم اسلامی جمعیت طلبہ کراچی نے کہاکہ معلم کے منصب کا غلط اور ناجائز فائدہ اٹھانے کی ہر صورت تردید کی جائے ، وائس چانسلر کے فیصلوں سے چار بچوں کے مستقبل کو نظر انداز نہیں کیا جا سکتا۔
اُن کا کہنا تھا کہ طلبہ قوم کے مستقبل کے معمار ہیں اور ان کے حقوق کے تحفظ کے لیے ہر فورم استعمال کیا جائے گا، اسلامی جمعیتِ طلبہ نے 30 ستمبر کو شہر میں پُر امن احتجاجی مظاہرے کیے جن میں نہ کہیں ٹائر جلائے گئے اور نہ کسی کو جانی یا مالی نقصان پہنچا۔
ناظم کراچی نے واضح کیا کہ جمعیت ایک منظم اور پُر امن طلبہ تنظیم ہے اور انتظامیہ کی جانب سے اُن پر عائد کیے گئے تشدد کے الزامات بے بنیاد اور جھوٹے ہیں، مظاہروں کی تمام ویڈیوز سوشل میڈیا پر موجود ہیں جن میں انتظامیہ اور وائس چانسلر کے رویے کو دیکھا جا سکتا ہے۔
پریس کانفرنس کرتے ہوئے ناظم کراچی نے کہاکہ طلبہ نے متعدد بار معافی نامے اور وضاحتیں جمع کروائیں مگر انتظامیہ نے انہیں قبول نہیں کیا، جس کے بعد طلبہ نے قانونی راستہ اپنانے کا فیصلہ کیا ہے۔
ناظمِ کراچی نے کہا کہ تعلیمی اداروں میں موجود کالی بھیڑوں کی نشاندہی کر کے انہیں منظرِ عام پر لایا جائے گا اور تعلیمی اداروں کو امن و شفافیت کی راہ پر لایا جائے گا۔
ناظم کراچی اسلامی جمعیت طلبہ نے بین الاقوامی واقعات پر بھی بات کرتے ہوئے گلوبل صمود فلوٹیلا پر اسرائیلی کارروائی کو سنگین عالمی جرم قرار دیتے ہوئے اعلان کیا کہ اس کے خلاف اظہارِ یکجہتی کے طور پر شہر بھر کے تعلیمی اداروں میں مظاہرے کیے جائیں گے۔
انہوں نے کہا کہ بنگلہ دیش، سری لنکا اور نیپال کے طلبہ انقلاب کی طرز پر پاکستانی طلبہ بھی پُرعزم ہیں اور اپنے حقوق کے تحفظ کے لیے ہر فورم استعمال کریں گے۔
پریس کانفرنس میں واضح کیا گیا کہ آئندہ چند روز میں سندھ ہائی کورٹ میں دائر کی جانے والی پٹیشن اور عدالت سے حاصل کی جانے والی کاروائی کے بارے میں عوامی سطح پر آگاہی دی جائے گی جبکہ طلبہ تنظیم احتجاجی اور قانونی دونوں راستے یک ساتھ جاری رکھے گی۔
ذریعہ: Jasarat News
کلیدی لفظ: اسلامی جمعیت طلبہ جائے گا
پڑھیں:
ملٹی نیشنل کمپنی پراکٹر اینڈ گیمبل کا پاکستان میں مینوفیکچرنگ اور کمرشل آپریشن بند کرنے کا اعلان
کراچی ( اُردو پوائنٹ اخبارتازہ ترین۔ 02 اکتوبر2025ء ) معروف ملٹی نیشنل کمپنی پراکٹر اینڈ گیمبل (P&G) نے پاکستان میں آپریشن بند کرنے کا اعلان کردیا۔ پروپاکستانی کے مطابق عالمی کمپنی پراکٹر اینڈ گیمبل (P&G) نے اعلان کیا ہے کہ وہ جیلٹ پاکستان سمیت یہاں اپنے مینوفیکچرنگ اور کمرشل آپریشنز کو ختم کردے گی، کمپنی اس کے بجائے پاکستانی صارفین کی خدمت جاری رکھنے کے لیے تھرڈ پارٹی ڈسٹری بیوٹر ماڈل پر چلے گی، یہ فیصلہ ترقی کو تیز کرنے اور مزید قدر پیدا کرنے کے لیے کمپنی کی عالمی حکمت عملی کا حصہ ہے۔ کمپنی کا کہنا ہے کہ پاکستان میں اس وقت تک معمول کے کاروبار کو جاری رکھا جائے گا جب تک کہ منتقلی مکمل نہیں ہو جاتی، اس عمل میں کئی ماہ بھی لگ سکتے ہیں، تاہم منتقلی کی منصوبہ بندی فوری طور پر شروع ہو جائے گی جس میں بنیادی توجہ اپنے ملازمین کی مدد پر مرکوز ہے، وہ عملہ جن کے کردار متاثر ہوں گے انہیں پاکستان سے باہر کمپنی کے دیگر آپریشنز میں مواقع کے لیے غور کیا جائے گا یا وہ مقامی قوانین اور کمپنی کی پالیسیوں کے مطابق علیحدگی کے پیکج حاصل کریں گے۔(جاری ہے)
بتایا گیا ہے کہ کئی آپشنز کا جائزہ لینے کے بعد P&G نے نتیجہ اخذ کیا کہ تھرڈ پارٹی ڈسٹری بیوٹر کے ساتھ کام کرنا اس کی مصنوعات کو پاکستان میں دستیاب رکھنے کا سب سے زیادہ عملی طریقہ ہے، کمپنی نے اپنے ملازمین، شراکت داروں اور صارفین کا گزشتہ برسوں کے دوران تعاون کے لیے شکریہ ادا کرتے ہوئے کہا کہ ’ان تمام سالوں میں آپ کی مدد کے لیے آپ کا شکریہ جس نے پاکستان میں P&G کو جہاں تک ہم کر سکتے تھے لے جانے میں ہماری مدد کی ہے‘۔ معلوم ہوا ہے کہ جیلیٹ ایل ایل سی نے جیلیٹ پاکستان لمیٹیڈ اور اس کے بورڈ آف ڈائریکٹرز کو پراکٹر اینڈ گیمبل کے پاکستان میں اپنے کاروباری آپریشنز کو عالمی تنظیم نو کی حکمت عملی کے تحت بند کرنے کے فیصلے کے بارے میں باضابطہ طور پر مطلع کیا ہے جس کا مقصد ترقی اور قدر کی تخلیق کو تیز کرنا ہے، کمپنی نے پاکستان سٹاک ایکسچینج (PSX) کو ایک نوٹیفکیشن میں کہا کہ جیلیٹ پاکستان لمیٹید جلد ہی ملک میں اپنے کاروبار کو ختم کرنے کے لیے ضروری اقدامات کا جائزہ لینے کے لیے بورڈ کا اجلاس بلائے گا۔ نوٹیفکیشن میں مزید کہا گیا کہ اس جائزے میں ضرورت پڑنے پر پاکستان سٹاک ایکسچینج سے جیلیٹ پاکستان لمیٹیڈ کی ممکنہ ڈی لسٹنگ شامل ہوگی، اس بات کو یقینی بناتے ہوئے کہ تمام اقدامات متعلقہ قانونی اور ریگولیٹری تقاضوں کی تعمیل کرتے ہیں، پی اینڈ جی کی مصنوعات پاکستان میں دستیاب رہیں گی لیکن اب ان کی فراہمی کمپنی کی طرف سے براہ راست مینوفیکچرنگ اور فروخت کی بجائے علاقائی آپریشنز اور مقامی تقسیم کاروں کے ذریعے کی جائے گی۔
ترقیاتی کاموں کو جلد از جلد مکمل کیا جائے‘ڈپٹی میئر