قومی ادارہ امراضِ قلب کا تاریخی کارنامہ: 16 گھنٹے طویل اور کامیاب دل کی سرجری
اشاعت کی تاریخ: 12th, November 2025 GMT
data-id="863a0a8" data-element_type="widget" data-widget_type="theme-post-content.default">
کراچی: پاکستان کے قومی ادارہ برائے امراضِ قلب (NICVD) نے طبّی تاریخ میں ایک اہم سنگِ میل عبور کرتے ہوئے دل کی ایک نہایت پیچیدہ اور طویل سرجری کامیابی سے انجام دی ہے۔
16 سالہ مریض پر کیا جانے والا یہ آپریشن 16 گھنٹے تک جاری رہا اور اسے ترکیہ کے عالمی شہرت یافتہ کارڈیو ویسکیولر سرجن پروفیسر اورسے کِزل ٹیپے کی زیر نگرانی پاکستانی ماہر ڈاکٹروں کی ٹیم نے مکمل کیا۔
یہ سرجری، جسے ’ٹوٹل آرچ ریپلیسمنٹ ود فریزَن ایلیفینٹ ٹرنک ٹیکنیک‘ کہا جاتا ہے، پاکستان میں اپنی نوعیت کی پہلی کامیاب سرجری ہے۔ اس عمل میں مریض کے دل سے نکلنے والی بڑی شریان (آؤرٹا) کے خراب حصے کو کاٹ کر ایک مصنوعی نالی لگا دی گئی، تاکہ خون کی روانی دوبارہ معمول کے مطابق بحال ہو سکے۔
این آئی سی وی ڈی کے ترجمان کے مطابق یہ جدید طریقہ علاج دنیا کے صرف چند ترقی یافتہ ممالک میں ممکن ہوتا ہے۔ ترکیہ کے ماہر پروفیسر کِزل ٹیپے نے اس سرجری کی نگرانی کے دوران پاکستانی ڈاکٹروں کی کارکردگی کو قابلِ فخر اور عالمی معیار کے مطابق قرار دیا۔
انہوں نے بتایا کہ اس کامیابی نے یہ ثابت کر دیا ہے کہ پاکستان اب اُن ممالک کی صف میں شامل ہو چکا ہے جہاں انتہائی نایاب اور پیچیدہ کارڈیو ویسکیولر سرجریز ممکن ہیں۔
اس کامیاب آپریشن میں این آئی سی وی ڈی کے ماہر ڈاکٹرز خُزیمہ طارق، پروفیسر اسد بلال اعوان، ڈاکٹر فہد (ٹراما سینٹر کراچی) اور پروفیسر امین ایم خُواجہ (اینستھیزیولوجسٹ) شامل تھے، جنہوں نے انتہائی مہارت، صبر اور ٹیم ورک سے یہ کارنامہ انجام دیا۔
ترجمان کے مطابق مریض کی حالت اب مستحکم ہے اور وہ تیزی سے روبہ صحت ہے۔ یہ سرجری عام طور پر بیرونِ ملک کروانے پر تقریباً 60 لاکھ روپے کی لاگت آتی ہے، لیکن سندھ حکومت کی معاونت سے این آئی سی وی ڈی نے یہ آپریشن مکمل طور پر مفت انجام دیا۔
پروفیسر اورسے کِزل ٹیپے نے کہا کہ این آئی سی وی ڈی کی ٹیم کے ساتھ کام کرنا میرے لیے اعزاز کی بات ہے۔ یہ آپریشن انتہائی درستی اور ہم آہنگی کا تقاضا کرتا ہے اور پاکستانی ماہرین نے بہترین پیشہ ورانہ صلاحیتوں کا مظاہرہ کیا ہے۔
ڈاکٹر خُزیمہ طارق کے مطابق پاکستان میں پہلی کامیاب فروزن ایلیفینٹ ٹرنک سرجری این آئی سی وی ڈی کے لیے ایک تاریخی سنگِ میل ہے۔ یہ کامیابی دل کے علاج کے معیار کو نئی بلندیوں تک لے جائے گی اور عوام کو عالمی معیار کی سہولتیں ان کے اپنے ملک میں فراہم کرے گی۔
.ذریعہ: Jasarat News
کلیدی لفظ: آئی سی وی ڈی کے مطابق
پڑھیں:
امریکی تاریخ کا طویل ترین حکومتی شٹ ڈاؤن ختم کرنے کے لیے بل سینیٹ سے منظور
واشنگٹن: امریکی تاریخ کے سب سے طویل 41 روزہ حکومتی شٹ ڈاؤن کے خاتمے کے لیے امریکی سینیٹ نے سالانہ اخراجاتی بل منظور کرلیا۔
امریکی میڈیا کے مطابق سینیٹ میں ہونے والی ووٹنگ میں 60 ارکان نے بل کے حق میں جبکہ 40 نے مخالفت میں ووٹ دیا۔ حیران کن طور پر اپوزیشن ڈیموکریٹ کے 8 ارکان نے بھی بل کی حمایت کی، جس کے بعد حکومت کے دوبارہ فعال ہونے کی راہ ہموار ہوگئی ہے۔
تاہم، رپورٹ کے مطابق بل کو نافذالعمل ہونے کے لیے ابھی ایوانِ نمائندگان (ہاؤس آف ریپریزنٹیٹوز) سے حتمی منظوری درکار ہے، جہاں ری پبلکن پارٹی کو اکثریت حاصل ہے۔
شٹ ڈاؤن کے باعث لاکھوں سرکاری ملازمین تنخواہوں کے بغیر کام کرنے پر مجبور تھے، خوراک کی امدادی پروگرام معطل اور ایئر ٹریول سسٹم بری طرح متاثر ہوا۔
تجزیہ کاروں کا کہنا ہے کہ اگر ایوانِ نمائندگان سے بھی بل منظور ہوگیا تو امریکا میں طویل سیاسی بحران کے بعد سرکاری اداروں کا معمول بحال ہو جائے گا۔
چوہدری شجاعت سے فواد چوہدری کی وفد کے ہمراہ ملاقات، مل کر کام کرنے پر اتفاق