اسرائیل نے غزہ پر حملے روکنے کا مطالبہ بمباری میں اُڑا دیا
اشاعت کی تاریخ: 6th, October 2025 GMT
اسرائیلی فوجی حملوں میںمزید 66 فلسطینی شہید اور 265 زخمی ،بھوک سے 2 بچے دم توڑ گئے
گزشتہ رات اسرائیل نے غزہ اور دیگر علاقوں پر درجنوں فضائی حملے اور توپوں سے گولا باری کی
اسرائیل نے امریکی صدر ٹرمپ کا غزہ پر حملے روکنے کا مطالبہ بمباری میں اُڑا دیا، غزہ پر اسرائیلی حملے جاری ہیں، 24 گھنٹوں میں اسرائیلی فوجی حملوں میں مزید 66 فلسطینی شہید اور 265 زخمی ہوئے ہیں۔گزشتہ رات بھی اسرائیل نے غزہ شہر اور دیگر علاقوں پر درجنوں فضائی حملے اور توپوں سے گولا باری کی۔ 2 سالہ جنگ میں فلسطینی شہدا کی تعداد 67 ہزار سے تجاوز کرگئی ہے۔اس کے علاوہ اسرائیل کے جبری قحط سے بھی مزید 2 بچے دم توڑ گئے، بھوک کی شدت سے انتقال کرنے والوں کی تعداد 154 بچوں سمیت 459 ہوگئی۔اسرائیلی فوج نے فلسطینیوں کو غزہ شہر واپس آنے سے خبردار کرتے ہوئے کہا ہے کہ غزہ شہر اب بھی خطرناک جنگی علاقہ ہے، فلسطینی اپنی حفاظت کے لیے جنوب کی طرف جائیں۔
ذریعہ: Juraat
کلیدی لفظ: اسرائیل نے
پڑھیں:
ڈونلڈ ٹرمپ کا ایک بار پھر پاک-بھارت جنگ روکنے میں اہم کردار ادا کرنے کا دعویٰ
data-id="863a0a8" data-element_type="widget" data-widget_type="theme-post-content.default">
امریکی صدر ڈونلڈ ٹرمپ نے ایک بار پھر پاک بھارت جنگ رکوانے کا کریڈٹ لے لیا۔
غیر ملکی میڈیا رپورٹس کے مطابق امریکی صدر ڈونلڈ ٹرمپ نے ایک بار پھر عالمی تنازعات ختم کرنے میں اپنے کردار کا دعویٰ کرتے ہوئے کہا ہے کہ انہوں نے دنیا بھر میں متعدد بڑی جنگوں کو روکنے میں مرکزی کردار ادا کیا۔
بین الاقوامی میڈیا کے مطابق سعودی ولی عہد محمد بن سلمان سے ملاقات کے دوران میڈیا سے گفتگو میں صدر ٹرمپ نے کہا کہ انہیں فخر ہے کہ انہوں نے آٹھ جنگیں روک کر دنیا کو بڑے بحرانوں سے بچایا۔
انہوں نے پاکستان اور بھارت کے درمیان جاری کشیدگی کا بھی ذکر کیا اور دعویٰ کیا کہ اس تنازعے کو وہ ایک ممکنہ بڑی جنگ میں بدلنے سے روکنے میں کامیاب ہوئے، اور اب دونوں ممالک مثبت اقدامات کی جانب بڑھ رہے ہیں۔
روسی صدر ولادیمیر پیوٹن اور یوکرین تنازع کے حوالے سے بات کرتے ہوئے صدر ٹرمپ نے کہا کہ روس یوکرین کے ساتھ جنگ ختم کرنے میں اضافی وقت لے رہا ہے، تاہم امید ہے کہ اس محاذ پر بھی جلد پیش رفت ممکن ہوگی۔
یاد رہے کہ امریکی صدر کی دعوت پر سعودی ولی عہد محمد بن سلمان سرکاری دورے پر واشنگٹن پہنچے، جہاں صدر ٹرمپ نے اُن کا پُرتپاک استقبال کیا۔ وائٹ ہاؤس میں ملاقات کے دوران امریکی فضائیہ کے لڑاکا طیاروں نے سعودی ولی عہد کو سلامی دی اور صدر ٹرمپ نے انہیں کابینہ کے اراکین سے بھی متعارف کرایا۔
پیٹرول 2روپے فی لیٹر سستا اور ڈیزل 9 روپے 50پیسے مہنگا ہونے کا امکان