وفاقی وزیر انجینئر امیر مقام کی اقوام متحدہ کے ہائی کمشنر برائے مہاجرین سے ملاقات؛عالمی سطح پر مزید تعاون اور ٹھوس اقدامات کی ضرورت پر زور
اشاعت کی تاریخ: 6th, October 2025 GMT
سٹی 42: وفاقی وزیر انجینئر امیر مقام نے اقوام متحدہ کے ہائی کمشنر برائے مہاجرین، جناب فلیپو گرانڈی کے ساتھ وفد کی سطح پر ملاقات کی۔
وفاقی وزیر برائے سیفران، امور کشمیر و گلگت بلتستان، انجینئر امیر مقام نے اقوام متحدہ کے ہائی کمشنر برائے مہاجرین، جناب فلیپو گرانڈی کے ساتھ وفد کی سطح پر ملاقات کی۔وفاقی وزیر انجینئر امیر مقام نے پاکستان میں مہاجرین، بالخصوص افغان مہاجرین سے متعلق انسانی بنیادوں پر اقوام متحدہ کے ادارہ برائے مہاجرین (UNHCR) کی مسلسل معاونت کو سراہا۔
ڈی جی آئی ایس آئی لیفٹیننٹ جنرل عاصم ملک کے عہدے میں توسیع
انہوں نے کہا کہ پاکستان گزشتہ 46 برسوں سے لاکھوں مہاجرین کی فراخ دلی سے میزبانی کرتا آ رہا ہے۔انہوں نے اس بات پر زور دیا کہ پاکستان میں مقیم مہاجرین کو وہی سہولیات فراہم کی جا رہی ہیں جو پاکستانی شہریوں کو حاصل ہیں، جن میں صحت، تعلیم، بینکاری، پانی و صفائی اور روزگار کے مواقع شامل ہیں۔انہوں نے UNHCR اور بین الاقوامی برادری کی حمایت پر اظہارِ تشکر کیا، تاہم اس بات پر تشویش کا اظہار بھی کیا کہ بین الاقوامی برادری کی معاونت میں کمی آ رہی ہے۔ انہوں نے پائیدار حل کے حصول کے لیے عالمی سطح پر مزید تعاون اور ٹھوس اقدامات کی ضرورت پر زور دیا۔
گوجرانوالہ کے دو مسافروں کی جعلی ویزا پر بیرون ملک جانے کی کوشش ناکام
انہوں نے کہا، "ہم بین الاقوامی برادری، بالخصوص UNHCR کی حمایت کے شکر گزار ہیں اور ان سے اپیل کرتے ہیں کہ وہ پاکستان میں مہاجرین کی معاونت جاری رکھیں۔"انہوں نے اس عزم کا اعادہ کیا کہ حکومتِ پاکستان ہر اُس اقدام یا کوشش کی مکمل حمایت کرے گی جو اس دیرینہ مسئلے کے قابلِ عمل اور قابلِ ترجیح حل کی جانب لے جائے۔
سوشل میڈیا کے مواد کو ریگولیٹ کرنے کے لیے قوانین میں اضافے کا اعلان ؛ سزائیں بھی بڑھ گئیں
.
ذریعہ
ذریعہ: City 42
کلیدی لفظ: اقوام متحدہ کے برائے مہاجرین وفاقی وزیر انہوں نے
پڑھیں:
مشرق وسطیٰ کی صورتحال کنٹرول سے باہر ہوتی جارہی ہے، سیکریٹری جنرل اقوام متحدہ
نیویارک:اقوام متحدہ کے سیکریٹری جنرل انتونیو گوتریس نے خبردار کیا ہے کہ مشرق وسطیٰ کی صورتحال تیزی سے قابو سے باہر ہوتی جا رہی ہے اور پورا خطہ ایک ایسے خطرناک موڑ پر پہنچ چکا ہے جس کے نتائج ناقابلِ تصور ہو سکتے ہیں۔
سلامتی کونسل کے اجلاس سے خطاب کرتے ہوئے انتونیو گوتریس نے کہا کہ مشرقِ وسطیٰ ناقابلِ تصور تباہی کے کنارے پر کھڑا ہے اور خطہ مسلسل وسیع ہوتے ہوئے تصادم کے دائرے میں کھنچتا جا رہا ہے۔
انہوں نے کہا کہ صورتحال قابو سے باہر ہو رہی ہے ایک بحران دوسرے بحران کو جنم دے رہا ہے جبکہ ہر روز نئی کشیدگی مزید خطرناک حالات پیدا کر رہی ہے۔
اقوامِ متحدہ کے سربراہ کے مطابق جیسے جیسے تنازع پھیل رہا ہے ویسے ویسے سیاسی مقاصد پس منظر میں چلے جا رہے ہیں اور تصادم خود ہی ایک مستقل بحران کی شکل اختیار کرتا جا رہا ہے۔
انہوں نے عالمی برادری پر زور دیا کہ مزید کشیدگی کو روکنے اور خطے میں امن و استحکام کے لیے فوری اور مؤثر اقدامات کیے جائیں کیونکہ موجودہ حالات نہ صرف مشرقِ وسطیٰ بلکہ عالمی امن کے لیے بھی سنگین خطرہ بن سکتے ہیں۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی