حکومت نے عوام یا پارلیمنٹ کو امریکا سے نئے تعلقات کی نوعیت نہیں بتائی، رضا ربانی
اشاعت کی تاریخ: 6th, October 2025 GMT
میاں رضا ربانی(فائل فوٹو)۔
سابق چیئرمین سینیٹ میاں رضا ربانی نے کہا ہے کہ حکومت نے عوام یا پارلیمنٹ کو امریکا سے نئے تعلقات کی نوعیت نہیں بتائی، عوام کا حق ہے کہ وہ خارجہ پالیسی کی تفصیلات اور سمت سے آگاہ ہوں۔
اپنے ایک بیان میں میاں رضا ربانی نے کہا کہ تاریخ شاہد ہے امریکا کبھی بھی قابل بھروسہ دوست ثابت نہیں ہوا، نایاب معدنیات یو ایس اسٹریٹیجک میٹلز کو دینے کے معاہدوں کا میڈیا سے پتہ چل رہا ہے۔
انھوں نے کہا کہ معلومات ذرائع ابلاغ کے ذریعے موصول ہونا افسوسناک ہے، حقیقی اسٹیک ہولڈرز صوبوں کو بذریعہ باہمی مفادات کونسل میں اعتماد میں لیا جانا چاہیے تھا۔
یہ بھی پڑھیے الیکشن کمیشن نے اسپیکر کے پی اسمبلی کے اختیارات کو سلب کیا ہے: رضا ربانی سرکاری ملازمین کے الاؤنسز پر نظرثانی کیلئے بنائی کمیٹی ایسے ارکان پر مشتمل ہے جو براہ راست مستفید ہونگے، رضا ربانیسابق چیئرمین سینیٹ نے کہا کہ حکومت تسلیم ہی نہیں کر رہی کہ آئین کے آرٹیکل 172 کے تحت صوبے معدنیات کے آدھے مالک ہیں، صوبوں نے وفاقی حکومت کے متعارف کرائے گئے معدنیاتی قانون کو بھی مسترد کر دیا ہے۔
رضا ربانی نے کہا کہ عالمی میڈیا سے یہ جان کر بھی تشویش ہو رہی ہے کہ پسنی بندرگاہ واشنگٹن کو دی جا سکتی ہے۔
انھوں نے کہا کہ اس کے خطے کے دیگر ممالک کے ساتھ تعلقات پر انتہائی سنگین اثرات مرتب ہوں گے، حکومت کو فوری اپنی نئی امریکی پالیسی کے مختلف پہلوؤں پر پارلیمنٹ کو اعتماد میں لینا چاہیے۔
.ذریعہ: Jang News
کلیدی لفظ: نے کہا کہ
پڑھیں:
کوئٹہ، 20 گھنٹے بحال رہنے کے بعد انٹرنیٹ سروسز دوبارہ بند
ایک ہفتے سے کوئٹہ میں موبائل انٹرنیٹ سروسز بند تھے، گزشتہ روز انٹرنیٹ سروسز کو بحال کیا گیا، تاہم 20 گھنٹے گزرنے کے بعد انٹرنیٹ سروسز کو دوبارہ بند کر دیا گیا۔ اسلام ٹائمز۔ حکومت بلوچستان نے کوئٹہ میں موبائل انٹرنیٹ سروسز کو 20 گھنٹوں کے لئے بحال رکھنے کے بعد دوبارہ بند کر دیا۔ تفصیلات کے مطابق گزشتہ ایک ہفتے سے کوئٹہ میں موبائل انٹرنیٹ سروسز بند تھے، گزشتہ روز انٹرنیٹ سروسز کو بحال کیا گیا، تاہم 20 گھنٹے گزرنے کے بعد انٹرنیٹ سروسز کو دوبارہ بند کر دیا گیا۔ ایڈیشنل سیکرٹری داخلہ حمزہ شفقات نے اس سے قبل سکیورٹی خدشات کے پیش نظر انٹرنیٹ بند کرنے کا حکم دیتے ہوئے کہا تھا کہ انٹرنیٹ سروسز مزید معطل رہ سکتے ہیں۔ دوسری جانب عوام الناس کی جانب سے حکومتی اقدامات پر سخت تنقید کی جا رہی ہے۔ آنلائن کاروبار سے وابستہ افراد، طلباء اور دیگر افراد کو شدید مشکلات کا سامنا کرنا پڑ رہا ہے، تاہم حکومت عوامی رائے سے بے نیاز نظر آ رہی ہے۔ عوام الناس کا کہنا ہے کہ حکومت بلوچستان اور محکمہ داخلہ مکمل طور پر ناکام ہو گئی ہے۔ اب ان کا کام صرف عوام کو تکلیف پہنچانا رہ گیا ہے۔
پاک روس سیکیورٹی مشاورتی اجلاس، علاقائی امن و تعاون پر گفتگو