امن کا سارا بوجھ حماس پر ڈالنا ٹھیک نہیں، اسرائیل کو حملے بند کرنا ہونگے، رجب طیب اردوان
اشاعت کی تاریخ: 8th, October 2025 GMT
آذربائیجان سے واپسی پر صحافیوں سے گفتگو کرتے ہوئے ترک صدر کا کہنا تھا کہ صدر ٹرمپ کی امن کوششوں کی حمایت کرتے ہیں۔ رجب طیب اردوان کا کہنا تھا کہ غزہ کو فلسطین کا حصہ ہی رہنا چاہیئے، غزہ کا انتظام فلسطینیوں کے پاس ہی ہونا چاہیئے۔ اسلام ٹائمز۔ ترک صدر رجب طیب اردوان نے کہا ہے کہ امن کا سارا بوجھ صرف حماس یا فلسطینیوں پر ڈالنا ٹھیک نہیں ہے، ٹرمپ کے منصوبے کے باوجود اسرائیل امن کی راہ میں بنیادی رکاوٹ بنا ہوا ہے۔ آذربائیجان سے واپسی پر صحافیوں سے گفتگو کرتے ہوئے ترک صدر کا کہنا تھا کہ اسرائیل کو امن کے لیے اپنے حملے بند کرنا ہوں گے، مصر میں غزہ جنگ بندی مذاکرات نہایت اہم ہیں، امید ہے کہ جلد اچھی خبر ملے گی۔ ترک صدر کا کہنا تھا کہ ترکیے حماس کے ساتھ رابطے میں ہے، حماس کو سمجھا رہے ہیں کہ فلسطین کے مستقبل کے لیے سب سے موزوں راستہ کیا ہے، امریکی صدر ٹرمپ نے ترکیے سے حماس سے رابطہ کرنے اور انہیں قائل کرنے کو کہا تھا۔ صدر ٹرمپ کی امن کوششوں کی حمایت کرتے ہیں۔ رجب طیب اردوان کا کہنا تھا کہ غزہ کو فلسطین کا حصہ ہی رہنا چاہیئے، غزہ کا انتظام فلسطینیوں کے پاس ہی ہونا چاہیئے۔
ان کا کہنا تھا کہ شام میں کردوں کی زیر قیادت ایس ڈی ایف کو اپنے وعدوں پر قائم رہنا چاہیئے اور شامی ریاستی نظام میں ضم ہونا چاہیئے، ترکیے کا صبر و تحمل اور وقار پر مبنی مؤقف کمزوری نہیں سمجھا جانا چاہیئے۔ ترک صدر اردوان نے مزید بتایا کہ انہوں نے امریکی صدر ٹرمپ سے ملاقات میں ایف-35 طیاروں کے پروگرام سے ترکیے کو نکالے جانے کا مسئلہ واضح طور پر اٹھایا ہے۔ ان کا کہنا تھا کہ ترکیے کو پروگرام سے ہٹانے کی کوئی جائز وجہ نہیں ہے، امید ہے کہ ایف-35 کا معاملہ حل ہو جائے گا اور امریکا کی جانب سے عائد پابندیاں بھی ختم کر دی جائیں گی۔ اردوان نے وائٹ ہاؤس کے دورے کو امریکا اور ترکیے کے تعلقات میں ایک نئے دور کا آغاز قرار دیا۔
ذریعہ: Islam Times
کلیدی لفظ: رجب طیب اردوان کا کہنا تھا کہ
پڑھیں:
پورا پاکستان آئین پر حملے کیخلاف باہر نکلیں،اپوزیشن اتحاد کا یوم سیاہ پر احتجاج
آئین کو توڑا گیا حلیہ بگاڑا گیا عوام پاکستان کے آئین کو بچائیں، آئی ایم ایف نے اعلان کیا ہے کہ یہ چوروں کی حکومت ہے اس حکومت نے 5 ہزار ارب روپے کی کرپشن کی ہے،محمود خان اچکزئی
حکومت اسٹیبلشمنٹ کی پیروکار بنی ہوئی ہے، آئین میں ترمیم کا فائدہ بڑی شخصیات کو ہوتا ہے،عمران کی رہائی کوئی مشکل نہیں لیکن ہم خان کیلئے انصاف چاہتے ہیں، اسد قیصرودیگر رہنمائوں کا خطاب
تحریک تحفظ آئین پاکستان کے سربراہ محمود خان اچکزئی نے کہاہے کہ آئین کو توڑا گیا حلیہ بگاڑا گیا عوام پاکستان کے آئین کو بچائیں، آئی ایم ایف نے اعلان کیا ہے کہ یہ چوروں کی حکومت ہے اس حکومت نے 5 ہزار ارب روپے کی کرپشن کی ہے۔ حکومت اسٹیبلشمنٹ کی پیروکار بنی ہوئی ہے۔پاکستان کے آئین میں جب بھی ترمیم ہوتی تو اس کا فائدہ بڑی شخصیات کو ہوتا ہے۔ ہارا ہوا نواز شریف حکومت میں بیٹھ کر قانون تبدیل کر رہا ہے،عمران کی رہائی کوئی مشکل نہیں لیکن ہم خان کے لیے انصاف چاہتے ہیں، یہ ملک بنا نا ری پبلک بنا ہوا ہے، عدالتوں کے پاس اختیارات ہی نہیں ہیں ۔تحریک تحفظ آئین پاکستان کے سربراہ محمود خان اچکزئی کی سربراہی میں جمعہ کو فیصل مسجد کے سامنے شاہرائے فیصل پر یوم سیاہ کے حوالے سے احتجاجی مظاہرہ کیاگیا۔مظاہرے میں تحریک تحفظ آئین پاکستان کے جنرل سیکرٹری اسد قیصر، رہنماعلامہ راجہ ناصر عباس،پی ٹی آئی رہنما سلمان اکرم راجہ،مصطفی نواز کھوکھر سمیت دیگر رہنما شریک ہوئے۔ مظاہرے سے خطاب کرتے ہوئے تحریک تحفظ آئین پاکستان کے سربراہ محمود خان اچکزئی نے کہاکہ تمام لوگوں کا شکریہ جو اس تحریک میں شامل ہوئے آئی ایم ایف نے اعلان کیا ہے کہ یہ چوروں کی حکومت ہے آئی ایم ایف نے بتایا ہے کہ اس حکومت نے 5 ہزار ارب روپے کی کرپشن کی ہے ججوں کے ساتھ ملا کر اس حکومت نے اقتدار حاصل کیااللہ کا حکم ہے کہ جابر حکمرانوں کے خلاف آواز بلند کروہم اپنا کام کر رہے ہیںانشا اللہ ہماری جیت جلد ہوگی۔انہوں نے کہاکہ ہم اپنا احتجاج ہر شہر میں جاری رکھیں گے ہم اپنی محنت جاری رکھیں گے کامیابی اللہ دے گاہم کسی سے لڑنا نہیں چاہتے ہم غاصبوں کو نہیں چھوڑیں گے پاکستان ہمارا ملک پے، ہم نے یہاں رہنا ہے آئین کو توڑا گیا ہے، آئین کا حلیہ بگاڑا گیا ہے عوام کو دعوت دیتے ہیں آئیں پاکستان کے آئین کو بچائیں۔ ایم ڈیلیوایم کے سربراہ علامہ راجہ ناصر عباس نے کہاکہ میڈیا پر پیکا ایکٹ کے زریعے ظلم ہوا، پارلیمنٹ سے ایم این ایز کو اٹھایا گیا، اس وقت ایسے لوگ بیٹھائے ہوئے ہیں جو صاف وشفاف الیکشن نہیںکروا سکتے، ہرطرف ظلم کا ماحول ہے، اللہ نے کہا ہے کہ ظلم کے آگے کبھی سر نہیں جھکانا، اگر آپ سر جھکائیں گے تو آپ پراور ظلم بڑھائیں گے، ظالم کا مقابلہ کرنا ہم سب کی ذمہ داری ہے، عوامی طاقت اور پر امن جدوجہد کے ذریعے ان کو روکنا ہے، عوام کو ڈرانا بھی ظلم ہے۔ یہ آوازیں اب چپ نہیں ہو ںگیں، لبوں پر تالے نہیں لگیں گے، ہم اس کو نہیں مانتے، استثنیٰ بھی ظلم کا ایک راستہ ہے، ہم تم کو جوابدہی کے کٹہرے میں کھڑا کریں گے، انشااللہ حق جیتے گا اور باطل ہارے گا، جیت ہمارا مقدر ہے۔ہم ظلم کے خلاف سر نہیں جھکائیں گے اس وقت پورے ملک میں ظلم کیا جارہا ہے ظالم تب پیچھے ہٹے گا جب اس کا مقابلہ کریں گے ظالم نے رات کو بتیاں بند کرکہ لوگوں کو گولیاں ماریںاللہ نے ہماری ڈیوٹی لگائی ہے کہ ہم ظلم کے مقابلے میں باہر نکلیںہم ظلم کا مقابلہ کریں گے۔ پاکستان تحریک انصاف کے جنرل سیکرٹری سلمان اکرم راجہ نے کہاکہ پاکستان کے 25 کڑوڑ عوام اس نظام سے تنگ ہیں ظلم ختم ہونے کو ہے اللہ تعالی نے عوام کو شعور دے دیا ہے عوام اب باہر نکلے گے عوام کا ووٹ چوری کیا گیاہم اپنا پیغام لے کر عوامی عدالت میں جاتے رہیں گے۔ تحریک تحفظ آئین پاکستان کے رہنماسابق سینیٹرمصطفی نواز کھوکھر نے کہاکہ ہمیں یہ آئین اور دستور قبول نہیں ہے، ہمارے کندھوں پر ذمہ داری ہے کہ باہر نکلیں اور اسے رد کریں، ملک بھر میں اس وقت ریلیاں ہو رہی ہیں لوگ احتجاج کر رہے ہیں، اس ملک میں جبر کے ماحول کو ہم رد کرتے ہیں، عوامی پٹیشن کیزرعے ہم اس کو رد کریں گے، تمام سیاسی قیدیوں کو رہا کیا جائے، عدلیہ اور میڈیا کو بحال کیا جائے۔مصطفی نواز کھوکھر نے کہاکہ ہمیں جبر قبول نہیں 26ویں اور 27ویں آئینی ترمیم ملک پر بوجھ ہے اب چیزیں ناقابل برداشت ہوچکی ہیںیہ احتجاج صرف ابتدا ہے۔ ہمارا احتجاج پر امن ہے ہم پر امن رہیں گے یہ حکومت عوام کی نمائندہ نہیں ہے اس حکومت کو مزید اقتدار میں رہنے کا حق نہیں ہے ہم عوامی تحریک شروع کر رہے ہیںعدلیہ اور صحافت کو آزاد کیا جائے،بانی پی ٹی آئی سمیت تمام سیاسی قیدیوں کو رہا کیا جائے۔
قابض صہیونی رژیم خطے پر تسلط قائم رکھنے کیلئے امریکہ کا آلہ ہے، حزب اللہ لبنان