گلشن اقبال ٹاؤن میں خدمت کا سفر جاری‘ سڑکوں کی استر کاری
اشاعت کی تاریخ: 9th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) چیئرمین گلشن اقبال ٹاؤن ڈاکٹر فواد احمد نے کہا ہے کہ عوامی سہولت کے پیش نظر گلشن اقبال ٹاؤن انتظامیہ شب و روز ترقیاتی کاموں میں مصروف عمل ہے۔ یونیورسٹی روڈ پر جاری بی آر ٹی منصوبے کے باعث گلشن اقبال کی اندرونی گلیوں میں ٹریفک کا دباؤ پہلے ہی بڑھ چکا ہے، جبکہ کراچی واٹر اینڈ سیوریج کارپوریشن کی غفلت کے سبب شہر کی اندرونی اور بیرونی سڑکیں کھنڈرات کا منظر پیش کر رہی ہیں۔ برسات کے بعد سڑکوں کی بحالی کے کام کا آغاز کردیا گیا ہے،اضافی ترقیاتی کام کرنے پڑ رہے ہیں جس کی اہم وجہ بی آر ٹی پروجیکٹ کی تعمیر میں ناقص حکمت عملی ہے اگر یہ پروجیکٹ بروقت مکمل ہو جاتا تو کء مسائل ازخود ختم ہو جاتے موجودہ صورتحال میں ضرورت اس امر کی ہے کہ سندھ حکومت کے ساتھ کراچی واٹر اینڈ سیوریج کارپوریشن اپنی ذمہ داریاں پوری۔ ان خیالات کا اظہار انہوں نے وائس چیئرمین ابراہیم صدیقی کے ہمراہ رات گئے یوسی 3 گلشن اقبال بلاک 5 میں راشد منہاس روڈ تا چلڈرن ہسپتال تک جاری سڑک کی استرکاری کے کاموں کا جائزہ لیتے ہوئے کیا۔ اس موقع پر چیئرمین نے متعلقہ محکموں کو ہدایت دی کہ ترقیاتی کام معیاری مواد اور تکنیکی مہارتوں کو استعمال میں لا کر مکمل کیے جائیں۔
ذریعہ: Jasarat News
کلیدی لفظ: گلشن اقبال
پڑھیں:
جھوٹی اور گمراہ معلومات کے سدباب کےلئے میڈیا میٹرز فارڈیموکریسی کا’’ ڈس انفو‘‘ پروجیکٹ کا آغاز
data-id="863a0a8" data-element_type="widget" data-widget_type="theme-post-content.default">
کراچی(اسٹاف رپورٹر)میڈیا میٹرز فار ڈیموکریسی (MMfD) نے “پروجیکٹ ڈِس اِنفو” کا آغاز کیا ہے، جس کا مقصد نیوزرومز کو جھوٹی اور گمراہ کن معلومات (Disinformation) کے بڑھتے ہوئے خطرات سے محفوظ اور مؤثر بنانا ہے۔
تیزی سے پھیلنے والے گمراہ کن مواد کے اس دور میں، جب غلط خبریں بغیر تصدیق کے عوام تک پہنچ جاتی ہیں، “پروجیکٹ ڈِس اِنفو” نیوزرومز کے لیے ایک جامع اور عملی حکمتِ عملی پیش کرتا ہے تاکہ وہ اس چیلنج کا بہتر طور پر مقابلہ کر سکیں اور معلومات کی درستگی کو یقینی بنائیں۔
میڈیا میٹرز فار ڈیموکریسی گزشتہ ایک دہائی سے صحافیوں کی تربیت، ویریفکیشن ٹول کٹس، فیکٹ چیکنگ ٹیکنالوجیز (جیسے “فیکٹر”) اور پالیسی ریسرچ کے ذریعے میڈیا کے معیار کو بہتر بنانے کے لیے سرگرم ہے۔ تاہم، تنظیم کا کہنا ہے کہ جھوٹی معلومات کے پھیلاؤ میں تیزی اور پیچیدگی کے باعث اب صرف انفرادی مہارتیں کافی نہیں رہیں۔
اسی تناظر میں “پروجیکٹ ڈِس اِنفو” ادارہ جاتی سطح پر ایسے طریقۂ کار متعارف کرانے کی تجویز دیتا ہے جو نیوزرومز میں ویریفکیشن، ادارتی خودمختاری اور شفافیت کو روزمرہ کے کاموں کا مستقل حصہ بنا دیں۔
میڈیا میٹرز کے ایگزیکٹو ڈائریکٹر اسد بیگ کے مطابق پروجیکٹ ڈِس اِنفو کا مقصد وقتی ردعمل کے بجائے ادارہ جاتی پائیدار تحفظ قائم کرنا ہے۔ ہم چاہتے ہیں کہ نیوزرومز اپنی ساکھ بحال کریں اور صحافت پر عوام کا اعتماد دوبارہ قائم ہو۔یہ منصوبہ پاکستان کے میڈیا ماحول کو مدنظر رکھتے ہوئے تیار کیا گیا ہے، تاہم اس کے تجویز کردہ ادارتی معیارات جنوبی ایشیا سمیت دیگر خطوں میں بھی قابلِ عمل ہیں جہاں جھوٹی معلومات تیزی سے بڑھتا ہوا مسئلہ بن چکی ہیں۔ا
گلوکار زوبین گارگ کی موت، ساتھی گلوکارہ کو گرفتار کرلیا گیا