اقصیٰ مارچ: ٹی ایل پی کے کارکنان کے خلاف پولیس نے کریک ڈاؤن کیوں کیا؟
اشاعت کی تاریخ: 9th, October 2025 GMT
تحریک لبیک پاکستان کے اعلان کردہ ’لبیک اقصیٰ‘ مارچ کو روکنے کے لیے پنجاب پولیس نے لاہور میں ایک بڑا کریک ڈاؤن شروع کر دیا ہے۔
یہ بھی پڑھیں: تحریک لبیک کا فیض آباد دھرنا، جڑواں شہروں کے لوگ کیا کہتے ہیں؟
ٹی ایل پی کے مطابق 2 کارکن ہلاک اور 80 سے زائد زخمی ہو گئے ہیں۔ ٹی ایل پی نے جمعہ 10 اکتوبر کو فلسطین پر اسرائیلی مظالم کے خلاف لاہور سے اسلام آباد تک مارچ کی کال دی ہوئی ہے تاہم پولیس نے بدھ اور جمعرات کی درمیانی شب ٹی ایل پی کے لاہور مرکز، مسجد رحمت العالمین، پر چھاپہ مارا جس سے صورتحال کشیدہ ہو گئی۔
تشدد اور جھڑپیںتحریک لیبک پاکستان کے مطابق پنجاب پولیس نے ملتان روڈ پر واقع ٹی ایل پی کے مرکز کو گھیرے میں لے لیا ہے اور بدھ سے شروع ہوکر جمعرات کی رات تک آپریشن جاری رہا۔
پارٹی کا کہنا ہے کہ پولیس نے آنسو گیس، لاٹھی چارج اور مبینہ طور پر براہ راست فائرنگ کی جس کے جواب میں کارکنوں نے پتھراؤ کیا۔
مزید پڑھیں: ٹی ایل پی مارچ، اسلام آباد کے راستوں پر کنٹینرز پہنچا دیے گئے
ٹی ایل پی کے ترجمان صدام حسین کا وی نیوز سے بات کرتے ہوئے کہنا تھا کہ پولیس نے رات کے اندھیرے میں ہمارے مرکز پر حملہ کیا، 2 کارکنوں کو گولیاں مار کر ہلاک کیا اور 80 سے زائد کو زخمی کر دیا۔ انہوں نے مزید کہا کہ ہمارے 2 ہزار سے زیادہ کارکنوں کو حراست میں لے لیا گیا ہے۔
مزید پڑھیں: فیکٹ چیک: کیا سربراہ ٹی ایل پی سعد رضوی نے ڈی چوک کریک ڈاؤن کی مذمت کی؟
پولیس نے ملتان روڈ کو آئل ٹینکرز اور کنٹینرز لگا کر بند کر دیا ہے اور مرکز کے اطراف سیکیورٹی سخت کر دی گئی۔ دوسرے شہروں سے آنے والے کارکنوں کو مرکز تک رسائی روک دی گئی لیکن ٹی ایل پی کے حامیوں کی بڑی تعداد اس مرکز کے پاس موجود ہے
پنجاب پولیس کا مؤقفلاہور میں پولیس اور ٹی ایل پی کارکناں کے ساتھ جاری جھڑپوں کے حوالے سے پولیس حکام کا کہنا ہے کہ ٹی ایل پی کے کارکنان مشتعل ہیں اور اگر کوئی احتجاج کے نام پر افرتفری پھیلائے گا اور قانون توڑے گا تو ہم وہ نہیں ہونے دیں گے۔
پولیس نے بتایا کہ ٹی ایل پی کے کارکنان کے پتھراؤ کی وجہ سے کئی پولیس اہکار زخمی ہو چکے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹی ایل پی لبیک اقصیٰ لبیک تحریک پاکستان.
ذریعہ
ذریعہ: WE News
کلیدی لفظ: ٹی ایل پی لبیک اقصی لبیک تحریک پاکستان ٹی ایل پی کے پولیس نے
پڑھیں:
دہشتگردی کے خاتمے تک فتنۃ الخوارج و فتنۃ الہندوستان کے خلاف کارروائیاں جاری رہیں گی، فیلڈ مارشل
پاک فوج کے شعبہ تعلقات عامہ (آئی ایس پی آر) سے جاری بیان کے مطابق فیلڈ مارشل عاصم منیر نے جنرل ہیڈکوارٹرز (جی ایچ کیو) راولپنڈی میں 20ویں نیشنل ورکشاپ بلوچستان کے شرکا سے خطاب کیا اور کہا کہ دہشت گردی کے خاتمے تک فتنہ الخوارج اور فتنہ الہندوستان کے خلاف کارروائیاں جاری رہیں گی۔
انہوں نے کہا کہ سیکیورٹی فورسز اور قانون نافذ کرنے والے اداروں کی مسلسل کوششیں، عوام کی غیرمتزلزل حمایت کے ساتھ بلوچستان میں پائیدار امن کے قیام کو یقینی بنائیں گی۔
فیلڈ مارشل نے اس عزم کا اعادہ کیا کہ فتنہ الخوارج اور فتنہ الہندوستان کے خلاف کارروائیاں دہشت گردی اور اس کے سہولت کاروں کے مکمل خاتمے تک پوری قوت کے ساتھ جاری رہیں گی، پاکستان میں جہاں بھی دہشت گردوں کا انفرا اسٹرکچر ملکی سلامتی کے لیے خطرہ بنے گا، اسے ختم کرنے کے لیے اپنے غیرمتزلزل عزم پر قائم ہے۔
انہوں نے کہا کہ بیرونی سرپرستی میں کام کرنے والے پراکسی عناصر مسلسل بلوچستان میں بدامنی، عدم استحکام اور امن کو سبوتاژ کرنے کی کوشش کر رہے ہیں تاہم مسلح افواج عوام کی یک جہتی اور ثابت قدمی کے ساتھ ان مذموم عزائم کو ناکام بنائیں گی۔
فیلڈ مارشل عاصم منیر نے بلوچستان کو پاکستان کا فخر قرار دیا اور کہا کہ یہ صوبہ بے پناہ قدرتی وسائل، محب وطن، باصلاحیت اور باہمت عوام سے مالا مال ہے، جو بلوچستان کی اصل طاقت ہیں۔
فیلڈ مارشل نے کہا کہ وفاقی اور صوبائی حکومتیں بلوچستان کی سماجی و معاشی ترقی کے لیے عوام دوست اور جامع منصوبوں پر عمل پیرا ہیں، جن کا مقصد صوبے کی تقدیر بدلنا ہے۔
انہوں نے قومی یک جہتی کے فروغ میں سول سوسائٹی، جامعات، میڈیا اور نوجوانوں کے مثبت کردار کو سراہا اور کہا کہ ملک کو درپیش چیلنجز سے نمٹنے اور روشن مستقبل کی بنیاد رکھنے کے لیے قومی اتحاد، استقلال اور مشترکہ کوششیں ناگزیر ہیں۔
آئی ایس پی آر کے مطابق جی ایچ کیو میں تقریب کے اختتام پر شرکا کے ساتھ تفصیلی سوال و جواب کا سیشن بھی منعقد ہوا، جس میں شرکا نے پاکستان کے استحکام، ترقی، امن اور خودمختاری کے لیے اپنے عزم کا اعادہ کیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار