پی ٹی آئی سینیٹرز کا قائم مقام چیئرمین سینیٹ سیدال خان ناصر کے استعفی کا مطالبہ
اشاعت کی تاریخ: 9th, October 2025 GMT
پاکستان تحریک انصاف (پی ٹی آئی) کے سینیٹرز کی جانب سے قائم مقام چئیرمین سیدال خان ناصر کے خلاف سینیٹ میں شدید احتجاج کیا گیا۔ پی ٹی آئی سینیٹرز نے سیدال خان ناصر کے استعفی کا مطالبہ کیا۔
سینیٹ کا اجلاس قائم مقام چئیرمین سیدال خان ناصر کی زیر صدارت شروع ہوا تو پی ٹی آئی کے سینیٹر ہمایوں مہمند نے کہا گزشتہ اجلاس کے دن آپ کا سینیٹ اجلاس میں اچھا کردار نہیں تھا۔ مجھے آپ پر اعتبار اور بھروسہ نہیں کہ آپ اس چئیر پر بیٹھیں۔
سینیٹر ہمایوں مہمند نے کہا کہ آپ ایسے نہیں جو اپنے ساتھی سینیٹرز کی عزت کا خیال کریں۔ آپ سینیٹ چیئرمین کی نشست سے اتریں۔
سینیٹر طاہر خلیل سندھو نے کہا کہ اس دن چیئرمین صاحب آپ کو بھی گالیاں دی گئی تھیں۔ تحقیقات کیلئے کمیٹی بنا دیں۔
پی ٹی آئی ارکان نے قائم مقام چیئرمین سیدال خان ناصر کے خلاف احتجاج کرتے ہوئے ان کے خلاف نعرے لگائے کہ ڈپٹی چیئرمین استعفیٰ دو، اجلاس کے دوران پی ٹی آئی ارکان ڈیسک بجاتے رہے۔
تحریک انصاف کے ہنگامے کے دوران سینیٹ میں وفقہ سوالات جاری رہا، اس دوران پیپلز پارٹی کا بائیکاٹ بھی جاری رہا اور پیپلز پارٹی ارکان سینیٹ میں نہیں آئے۔
پی ٹی آئی کے احتجاج کے دوران مسلم لیگ ن کے سینیٹز ایوان سے چلے گئے اور سینیٹر عبدالقادر نے کورم کی نشاندہی کر دی۔ ایوان میں گھنٹیاں بجائی گئیں۔
پی ٹی آئی ارکان نے کہا کہ ایوان میں کورم پورا ہے سیدال خان ناصر نے کہا ہماری کوشش تھی بلوچستان پر بات کرتے لیکن آپ نے دھمال ڈال دیا۔ آپ دھمال جاری رکھیں۔
سینیٹ کا اجلاس جمعہ گیارہ بجے تک ملتوی کر دیا گیا۔
.ذریعہ: Jang News
کلیدی لفظ: سیدال خان ناصر کے پی ٹی آئی نے کہا
پڑھیں:
برازیل: کوپ 30 موسمیاتی کانفرنس کے مقام پر آتشزدگی
data-id="863a0a8" data-element_type="widget" data-widget_type="theme-post-content.default">
برازیلیا (انٹرنیشنل ڈیسک) برازیل کے شہر بیلیم میں جاری کوپ 30 موسمیاتی کانفرنس کے مقام پر آتشزدگی کے باعث مندوبین کو دوسری جگہ منتقل کردیا گیا۔ خبررساں اداروں کے مطابق بیلیم میں کوپ 30 کے کانفرنس سینٹر میں آگ لگی، جس کے بعد مندوبین کو بحفاظت نکالا گیا اور کسی قسم کا جانی نقصان نہیں ہوا ہے۔برازیل کی وزارت سیاحت نے بتایا کہ کانفرنس سینٹر میں لگی آگ پر قابو پالیا گیا ہے اور کسی کو نقصان نہیں پہنچا ہے۔کانفرنس کے منتظمین نے بھی تصدیق کردی ہے کہ آگ پر قابو پالیا گیا ہے اور برازیل کے فائر بریگیڈ نے کانفرنس کے مقام کو مکمل طور پر خالی کرنے کا حکم دے دیا ہے۔سیکیورٹی اسٹاف کا کہنا تھا کہ الرٹ عین اس جگہ پر کیا گیا جہاں دنیا بھر سے آئے ہوئے کئی ممالک اور اداروں کے نمائندے موجود تھے۔ رپورٹ میں بتایا گیا کہ مندوبین، مبصرین اور صحافیوں نے اپنے بیگز اور دیگر سامان اٹھایا اور باہر نکل گئے ۔ فوری طور پر واضح نہیں کہ مندوبین مباحثہ جاری رکھیں گے یا مؤخر کیا جائے گا۔ جائے وقوع کی ٹی وی فوٹیج میں دیکھا جاسکتا ہے کہ سابقہ ائرپورٹ کے مقام پر قائم کانفرنس سینٹر کے اندر سے آگ کے شعلے اور دھواں بلند ہو رہا ہے۔ واضح رہے کہ ایمزون سٹی میں جاری کانفرنس جمعہ کو شیڈول کے مطابق اختتام پزیر ہو رہی تھی لیکن تقریباً کانفرنس میں شریک 200 ممالک کے درمیان موسمیاتی فنڈنگ بڑھانے اور فوسل فیولز سے دور جانے جیسے مسائل پر اتفاق رائے حاصل کرنے کے لیے مقرر کردہ بدھ کی خود ساختہ آخری تاریخ پر اجلاس مکمل نہ ہو سکا۔
وزیراعظم، چیئرمین پی سی بی اور وزیراعلیٰ سندھ کی قومی کرکٹ ٹیم کی شاندار کامیابی پر تہنیتی پیغامات