ملائیشیا سے تجارتی معاہدے خوش آئند ہیں، شیخ عمر ریحان
اشاعت کی تاریخ: 10th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی (کامرس رپورٹر) پاکستان وناسپتی مینوفیکچررز ایسوسی ایشن(پی وی ایم اے) کے چیئرمین شیخ عمر ریحان نے وزیراعظم شہباز شریف کے حالیہ دورہ ملائیشیا کو خوش آئند قرار دیتے ہوئے کہا ہے کہ وناسپتی گھی اور کوکنگ آئل کی صنعت پاکستان اور ملائیشیا کے درمیان سب سے بڑی تجارتی کڑی ہے۔انہوں نے کہا کہ ملائیشیا پاکستان کا پام آئل کا سب سے بڑا سپلائر ہے، اور دونوں ممالک کے درمیان خوردنی تیل کی تجارت کا حجم اربوں روپے پر مشتمل ہے اور یہ صنعت پیٹرولیم مصنوعات کے بعد سب سے زیادہ ٹیکس ادا کرنے والا شعبہ ہے۔شیخ عمر ریحان نے کہا کہ وزیراعظم کے دورے کے دوران تعلیم، سیاحت، ہلال فوڈ، چھوٹے و درمیانے کاروبار (SMEs) اور انسدادِ بدعنوانی کے شعبوں میں چھ اہم معاہدے طے پائے، جبکہ ہلال گوشت کی برآمد کے لیے 200 ملین ڈالر کا معاہدہ بھی ہوا ہے جو ایک بڑی کامیابی ہے۔ انہوں نے کہا کہ اعلیٰ حکام ملائیشین حکومت سے مشاورت کرکے گھی انڈسٹری کے معاملات اور آزاد تجارت معاہدے (ایف ٹی اے) کی پیچیدگیوں کو درست کریں تاکہ دو طرفہ تجارت آسان ہو۔ چیئرمین پی وی ایم اے نے کہا کہ پاکستان اور ملائیشیا کے درمیان تعلقات باہمی اعتماد پر مبنی ہیں، ملائیشیا ایک ترقی یافتہ ملک میں تبدیل ہوگیا ہے اور وزیراعظم انور ابراہیم کی سربراہی میں ملائیشیا کی پاکستان کے ساتھ تجارت اور سرمایہ کاری بڑھانے کے مشترکہ منصوبوں کو فروغ ملے گا،جس سے دونوں ممالک بھرپورفائدہ اٹھا سکتے ہیں، اور امکان ہے کہ گھی اور کوکنگ آئل انڈسٹری کو اس تعاون سے مزید سہولیات ملیں جس سے یہ شعبہ مزید مستحکم ہو اور عوام کو مناسب قیمت پر مصنوعات دستیاب ہو سکیں۔ شیخ عمر ریحان نے مزید کہا کہ دونوں ممالک کے مابین تجارت بڑھانے کیلئے صرف حکومت کو ہی نہیں نجی شعبے کو بھی جدوجہد کرنا ہوگی،اس طرح معاشی تعاون و ترقی کے نئے مواقع پیدا ہوسکیں گے۔ پی وی ایم ایحکومت اور ملائشین اداروں کے ساتھ مکمل تعاون کے لیے تیار ہے تاکہ دونوں ممالک کے درمیان برآمدات، سرمایہ کاری اور روزگار میں نمایاں اضافہ کیا جاسکے۔
ذریعہ
ذریعہ: Jasarat News
کلیدی لفظ: دونوں ممالک کے درمیان نے کہا کہ
پڑھیں:
ایران اور عراق کے درمیان دوطرفہ تعاون بڑھانے کیلئےمعاہدے
( ویب ڈیسک ) ایران اور عراق نے دوطرفہ تعاون بڑھانے کے لیے چار معاہدوں اور مفاہمت کی یادداشتوں پر دستخط کردیے۔
عراقی وزیراعظم کے دورہ تہران کے موقع پر معاہدوں پر دستخط کیے گئے، یہ معاہدے خسروی خانقین بغداد ریلوے کی تعمیر، بغداد اورتہران کو سسٹر سٹیز بنانے، پبلک ایڈمنسٹریشن میں تعاون، تربیت اور ہیومن ریسورس مینجمنٹ سے متعلق کیے گئے۔
معاہدے ایران کے صدر مسعود پزشکیان اور عراقی وزیراعظم علی الزیدی کی موجودگی میں کیے گئے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
صدر مسعود پزشکیان کا کہنا ہے کہ عراق سمیت پڑوسی ممالک سے تعلقات کو مضبوط بنانا ترجیح ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع