پاکستان نے افغان حکومت سے ٹی ٹی پی سمیت تمام دہشتگرد گروپوں کے خلاف سخت کارروائی کا مطالبہ کردیا
اشاعت کی تاریخ: 10th, October 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: پاکستان نے افغانستان کی حکومت سے مطالبہ کیا ہے کہ وہ تحریکِ طالبان پاکستان (ٹی ٹی پی) اور دیگر دہشتگرد گروپوں کے خلاف فوری اور مؤثر کارروائی کرے، تاکہ سرحد پار سے ہونے والی دہشتگرد سرگرمیوں کا خاتمہ یقینی بنایا جا سکے۔
ترجمان دفترِ خارجہ شفقت علی خان نے ہفتہ وار پریس بریفنگ میں کہا کہ پاکستان، افغان حکومت کے ساتھ اس معاملے کو مسلسل سفارتی سطح پر اٹھاتا رہا ہے۔ انہوں نے واضح کیا کہ پاکستان افغانستان کی خودمختاری کا احترام کرتا ہے، تاہم بارہا یہ زور دیا گیا ہے کہ افغان سرزمین کو پاکستان کے خلاف استعمال نہ ہونے دیا جائے۔
ترجمان نے مزید کہا کہ پاکستان نے اسرائیلی افواج کی جانب سے گلوبل صمود فلاٹیلا پر حملے کی سخت مذمت کی ہے۔ ان کے مطابق سابق سینیٹر مشتاق احمد اسرائیلی حراست سے آزاد ہو چکے ہیں، جبکہ حکومت پاکستان نے جنگ بندی کے لیے قطر، مصر اور سعودی عرب کے کردار کو سراہا ہے۔
دفترِ خارجہ کے ترجمان نے بتایا کہ ڈپٹی وزیرِاعظم اسحاق ڈارکی اپنے ایرانی ہم منصب سے فون پر گفتگو ہوئی، جس میں دوطرفہ تعلقات کے فروغ اور علاقائی تعاون کے امکانات پر تبادلہ خیال کیا گیا۔ اسی طرح اسحاق ڈار نے سعودی وزیرِ خارجہ سے بھی رابطہ کیا، جس میں غزہ کی صورتحال، حماس کے ردعمل اور امن کی کوششوں پر بات چیت کی گئی۔
شفقت علی خان نے مزید بتایا کہ سعودی پاکستان مشترکہ بزنس کونسل کے چیئرمین شہزادہ منصور ایک اعلیٰ سطحی سعودی وفد کے ہمراہ اسلام آباد پہنچ چکے ہیں۔ ملاقاتوں میں تجارت، سرمایہ کاری اور پاکستان کی اقتصادی ترقی کے ایجنڈے پر تفصیلی غور کیا جا رہا ہے۔
ترجمان کا کہنا تھا کہ پاکستان خطے میں امن، استحکام اور باہمی تعاون کے فروغ کے لیے اپنی سفارتی کوششیں جاری رکھے گا۔
ذریعہ
ذریعہ: Jasarat News
کلیدی لفظ: پاکستان نے کہ پاکستان
پڑھیں:
اسحاق ڈار کا کویتی وزیر خارجہ سے رابطہ‘ بیلجیئم میں تعینات پاکستانی سفیر کی ملاقات
اسلام آباد (خبر نگار خصوصی) نائب وزیرِاعظم و وزیرِ خارجہ سینیٹر محمد اسحاق ڈار نے کویت کے وزیرِ خارجہ شیخ جراح جابر الاحمد الصباح سے ٹیلیفونک گفتگو کی جس میں خطے اور دنیا میں جاری بدلتی ہوئی صورتحال پر تبادلہ خیال کیا گیا۔کویتی وزیرِ خارجہ شیخ جراح جابر الاحمد الصباح نے پاکستان کے مسلسل مصالحتی کردار اور امریکہ و ایران کے درمیان روابط و مذاکرات میں سہولت کاری کی کوششوں کو سراہااور علاقائی امن و سلامتی کے فروغ میں پاکستان کے تعمیری کردار کی تعریف کی۔دفتر خارجہ سے جاری بیان کے مطابق نائب وزیرِاعظم و وزیرِخارجہ نے اس عزم کا اعادہ کیا کہ پاکستان سفارتکاری اور مسلسل مذاکرات کو خطے میں پائیدار امن و استحکام کے حصول کا بہترین راستہ سمجھتا ہے اور اس کی حمایت جاری رکھے گا۔ دونوں جانب نے پاکستان اور کویت کے درمیان مضبوط برادرانہ تعلقات کی بھی توثیق کی اور آئندہ بھی قریبی رابطے برقرار رکھنے پر اتفاق کیا۔ علاوہ ازیں نائب وزیراعظم و وزیر خارجہ سینیٹر محمد اسحاق ڈار سے بیلجیم میں پاکستان کے سفیر رحیم حیات قریشی نے ملاقات کی۔ دفتر خارجہ کے مطابق نائب وزیراعظم نے یورپی یونین کی اعلیٰ نمائندہ نائب صدر کے حالیہ دورہ پاکستان کے مثبت نتائج کو مدنظر رکھتے ہوئے سفیر کو ہدایت کی کہ وہ اس دورے کے دوران طے پانے والی مفاہمتوں پر عملدرآمد کی پیروی جاری رکھیں اور یورپی یونین کے ساتھ تعاون کو مزید وسعت دینے کیلئے کوششیں تیز کریں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ