خوشحال پنجاب کی تعمیر دیہی خواتین کے بغیر ممکن نہیں: مریم نواز
اشاعت کی تاریخ: 15th, October 2025 GMT
لاہور (نیوزڈیسک) وزیراعلیٰ پنجاب مریم نواز شریف نے کہا ہے کہ دیہی خواتین محنت، محبت، احساس ذمہ داری اور قربانی کی زندہ مثال ہیں، ایک مضبوط، خودکفیل اور خوشحال پنجاب کی تعمیر دیہی خواتین کے کردار کے بغیر ممکن نہیں۔
دیہی خواتین کے عالمی دن پر اپنے پیغام میں وزیراعلیٰ مریم نواز شریف کا کہنا تھا کہ دیہی خواتین کے حقوق کا دن منانے کا مقصد دیہاتی خواتین کی محنت اور کاوشوں کا اعتراف کرنا ہے، دیہی خواتین کی عظمت، قربانی اور انتھک محنت کو خراجِ تحسین پیش کرتے ہیں۔
انہوں نے کہا کہ دیہی خواتین محنت، محبت، احساس ذمہ داری اور قربانی کی زندہ مثال ہیں، دیہی خواتین کی محنت سے پنجاب کی زمین لہلہاتی ہے، گھر آباد ہوتے ہیں اور معیشت مستحکم ہوتی ہے، دیہی عورت محض ایک محنت کش نہیں بلکہ پنجاب کی ترقی میں اپنا کردار ادا کر رہی ہے، دیہی خاتون سمیت ہر عورت کا تحفظ میری ریڈ لائن ہے۔
ان کا کہنا تھا کہ چاہتی ہوں کہ دیہی خواتین صرف فارمر نہ رہیں بلکہ خود فیصلہ ساز اور معاشی قوت بنیں، ایک مضبوط، خودکفیل اور خوشحال پنجاب کی تعمیر دیہی خواتین کے کردار کے بغیر ممکن نہیں۔
وزیراعلیٰ پنجاب نے کہا کہ حکومت پنجاب نے دیہی خواتین کیلئے نئے مواقع، آسان سہولیات، ہنر مندی کے پروگرام لانچ کئے ہیں، دیہی خواتین کسان کارڈ، لائیو سٹاک کارڈ، ہمت کارڈ سے مستفید ہو رہی ہیں، دیہی خواتین کیلئے تمام بنیادی مراکز صحت کو اپ گریڈ کیا جا رہا ہے۔
ان کا کہنا تھا کہ کاروبار کے لئے بلاسود قرضے، لیپ ٹاپ اور تعلیمی سکالرشپ سے دیہی بیٹیوں کی زندگیوں میں حقیقی تبدیلی آ رہی ہے۔
مریم نواز شریف نے مزید کہا کہ دیہی خواتین کو ترقی کے دور میں شریک کرنے کیلئے سکل ڈویلپمنٹ پروگرام کا آغاز کر رہے ہیں، دیہی خواتین کے خود روزگارکیلئے مویشی مہیا کئے جا رہے ہیں، ورچوئل پولیس سٹیشن ہر طبقہ کی خواتین کے حقوق کا تحفظ یقینی بنانے کیلئے قائم کیا گیا ہے۔
دیہی خواتین کا عالمی دن
خیال رہے کہ دنیا کے دیگر ممالک کی طرح پاکستان میں بھی آج دیہی خواتین کا عالمی دن منایا جا رہا ہے جن کی بدولت معاشرے اور معیشت میں بہتری پیدا ہو رہی ہے۔
دیہی خواتین صرف گھروں تک محدود نہیں بلکہ محنت مزدوری کر کے مردوں کے شانہ بشانہ کام کر رہی ہیں تاہم حالیہ سیلاب کے باعث زرعی شعبے میں نقصان ہونے کی وجہ سے خواتین کیلئے روزگار کا حصول مشکل ہوگیا ہے جبکہ سخت محنت کے باوجود مناسب اجرت نہ ملنے پر دیہی خواتین نے حکومت سے مؤثر اقدامات کرنے کا مطالبہ کیا ہے۔
دیہی خواتین کے عالمی دن کے موقع پر ضلعی انتظامیہ کا کہنا ہے کہ دیہی خواتین ملکی ترقی میں اہم کردار ادا کرتی ہیں تاہم سیلاب سے متاثرہ خواتین کی ہر ممکن مدد کی جائے گی جبکہ نقصان کا تخمینہ لگانے کیلئے سروے کا عمل بھی مکمل کر لیا گیا ہے۔
.
ذریعہ
ذریعہ: Daily Mumtaz
کلیدی لفظ: دیہی خواتین کی دیہی خواتین کے مریم نواز پنجاب کی عالمی دن کا کہنا
پڑھیں:
گلگت بلتستان سی پیک کا مرکز ہے: نواز شریف
مسلم لیگ ن کے صدر نواز شریف —فائل فوٹومسلم لیگ ن کے صدر نواز شریف کا کہنا ہے کہ گلگت بلتستان سی پیک کا مرکز ہے، کسی پارٹی نے یہاں کسی منصوبے کی اینٹ بھی نہیں لگائی، جس جی بی کو میں سینے سے لگا کر رکھتا تھا۔
گلگت میں کارکنوں سے خطاب کرتے ہوئے انہوں نے کہا ہے کہ ایئر پورٹ کے باہر اس کی سڑکوں کا حلیہ دیکھا تو افسوس ہوا، جو منصوبے ہم نے شروع کیے تھے وہ مکمل کیوں نہیں ہوئے؟ آخر وہ پیسہ کہاں لگایا گیا؟
نواز شریف کا کہنا ہے کہ جو سڑک میں نے شروع کی اسے خنجراب تک پہنچنا چاہیے تھا، ووٹ ملتا ہے یا نہیں، اللّٰہ جانتا ہے، ہم آپ کو ان چیزوں سے محروم نہیں کر سکتے۔
اجلاس میں وزیر اعظم شہباز شریف، وزیراعلیٰ پنجاب مریم نواز اور حمزہ شہباز سمیت پارٹی کے پارلیمانی رہنماؤں نے شرکت کی۔
انہوں نے کہا کہ آپ ووٹ دیں گے یا نہیں دیں گے، میں تب بھی آپ کے لیے بات کروں گا، شہباز شریف اور مریم نواز دونوں کو کہوں گا کہ یہاں آئیں، ایئر پورٹ کو بڑا کر کے یہاں بوئنگ طیارے آنے چاہیے تھے۔
ان کا کہنا ہے کہ شہباز شریف سے کہوں گا کہ ایئر پورٹ کو بڑا کریں گے، میں ہر دوسرے تیسرے مہینے یہاں آتا جاتا رہوں گا اور منصوبوں کی نگرانی کروں گا۔
اس سے قبل نواز شریف بذریعہ طیارہ گلگت پہنچے تھے، وفاقی وزیر امیر مقام، سابق وزیرِ اعلیٰ حافظ حفیظ الرحمٰن نے ایئر پورٹ پر ان کا استقبال کیا۔
وفاقی وزراء خواجہ آصف، احسن اقبال، رانا ثناء اللّٰہ، سینیٹر پرویز رشید، پنجاب کی وزیر مریم اورنگزیب، سینیٹر انوشہ رحمٰن، کاظم پیرزادہ نواز شریف کے ہمراہ گلگت پہنچے ہیں۔
ترجمان مسلم لیگ ن شمس میر کے مطابق نواز شریف گلگت بلتستان میں ن لیگ کے امیدواروں، صوبائی، ڈویژنل اور ضلعی عہدیداران سے ملاقاتیں اور خطاب کریں گے۔
واضح رہے کہ گلگت بلتستان اسمبلی کی 24 نشستوں پر الیکشن 7 جون کو ہو گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ