سعد رضوی کے گھر سے کروڑوں روپے، غیر ملکی کرنسی برآمد، پنجاب پولیس نے تفصیلات جاری کردیں
اشاعت کی تاریخ: 14th, October 2025 GMT
data-id="863a0a8" data-element_type="widget" data-widget_type="theme-post-content.default">
لاہور: پنجاب پولیس نے تحریک لبیک پاکستان (ٹی ایل پی) کے سربراہ سعد حسین رضوی کے گھر پر چھاپے کے دوران برآمد ہونے والے سامان کی تفصیلی فہرست جاری کر دی ہے، جس میں بھاری مقدار میں ملکی و غیر ملکی کرنسی، سونا، پرائز بانڈز، قیمتی گھڑیاں اور دیگر قیمتی اشیاء شامل ہیں۔
پنجاب پولیس کے ترجمان کے مطابق لاہور میں سعد رضوی کی رہائش گاہ پر کارروائی کے دوران 14 کروڑ 44 لاکھ روپے نقد برآمد ہوئے، اس کے علاوہ 50 ہزار بھارتی کرنسی نوٹ سمیت مختلف ممالک کی غیر ملکی کرنسی بھی ضبط کی گئی ہے۔
پولیس حکام کے مطابق برآمد ہونے والی غیر ملکی کرنسی میں برطانیہ، کینیڈا، سعودی عرب، اور متحدہ عرب امارات کی کرنسی شامل ہے، جس کی مجموعی مالیت 25 لاکھ روپے سے زائد بتائی گئی ہے۔
ترجمان پنجاب پولیس نے مزید بتایا کہ چھاپے کے دوران 6 کروڑ 34 لاکھ روپے سے زائد مالیت کے طلائی زیورات اور سونا بھی برآمد ہوا، جب کہ متعدد پرائز بانڈز اور قیمتی گھڑیاں بھی ضبط کرلی گئیں۔
پولیس کا کہنا ہے کہ چھاپے کی کارروائی مکمل قانونی تقاضوں کے ساتھ کی گئی اور تمام برآمد شدہ سامان کو تحویل میں لے کر ریکارڈ کا حصہ بنایا گیا ہے۔
ذرائع کے مطابق کارروائی کے بعد پولیس کی ٹیم نے برآمد شدہ کرنسی اور زیورات کا مکمل تخمینہ تیار کرکے رپورٹ اعلیٰ حکام کو پیش کردی ہے، جب کہ معاملے کی مزید تحقیقات جاری ہیں تاکہ برآمد شدہ مال کے ذرائع کا پتہ لگایا جا سکے۔
تحریک لبیک پاکستان (ٹی ایل پی) کی جانب سے تاحال اس کارروائی پر کوئی باضابطہ ردعمل سامنے نہیں آیا، پارٹی کے قریبی ذرائع کا کہنا ہے کہ پولیس کی کارروائی سیاسی انتقام کی ایک اور کڑی ہے اور عدالت سے رجوع کرنے پر غور کیا جا رہا ہے۔
ذریعہ: Jasarat News
کلیدی لفظ: غیر ملکی کرنسی پنجاب پولیس کی کرنسی
پڑھیں:
وزیراعلیٰ پنجاب مریم نواز نے رائیونڈ اجتماع کے لیے خصوصی ہدایات جاری کردیں
وزیراعلیٰ مریم نواز شریف نے رائیونڈ اجتماع کے لیے تمام ممکنہ سہولتیں فراہم کرنے اور بہترین انتظامات کی ہدایت کردیں۔ تمام اہم سڑکوں کی مرمت اور 3 دن الیکٹرک بس چلانے کی ہدایت۔
وزیراعلیٰ پنجاب مریم نواز شریف سے مرکز تبلیغی جماعت رائیونڈ کے شوریٰ اراکین نے ملاقات کی۔ ملاقات کرنے والے وفد میں ڈاکٹر ندیم اشرف، مولانا امجد فاروق، مولانا محمد امیر، امتیاز احمد غنی اور ارشد شامل تھے۔
وزیراعلیٰ مریم نواز شریف نے رائیونڈ اجتماع کے لیے تمام ممکنہ سہولتیں فراہم کرنے اور بہترین انتظامات کی ہدایت کی۔ انہوں نے ڈی سی لاہور، سی سی پی او، ڈی آئی جی اور سی ٹی او کو خود رائیونڈ جا کر انتظامات کا جائزہ لینے کا حکم دیا۔
وزیراعلیٰ نے اجتماع کے ایام کے دوران خصوصی صفائی مہم، سڑکوں کی مرمت اور عرقِ گلاب کے چھڑکاؤ کی ہدایات بھی جاری کیں۔ انہوں نے رائیونڈ کی 3 اہم سڑکوں کی فوری تعمیر و بحالی کا حکم بھی دیا، جبکہ راستوں پر پیچ ورک کا عمل بھی فوراً مکمل کرنے کی ہدایت دی۔
الیکٹرو بس سروس کا اعلانوزیراعلیٰ نے رائیونڈ اجتماع کے موقع پر 3 روز کے لیے الیکٹرو بس سروس چلانے کا اعلان کیا۔ یہ بسیں ریلوے اسٹیشن اور ایئرپورٹ سے براہِ راست رائیونڈ اجتماع گاہ تک چلائی جائیں گی تاکہ ملکی و غیر ملکی شرکاء کو آسانی فراہم کی جا سکے۔
تبلیغی جماعت کے اکابرین کی خراجِ تحسینتبلیغی جماعت کے اکابرین نے وزیراعلیٰ پنجاب کی عوامی خدمت، صاف ستھرا پنجاب مہم، الیکٹرو بس منصوبے اور 90 ہزار گھروں کی تعمیر جیسے منصوبوں کو قابلِ تعریف اور قابلِ تقلید قرار دیا۔
انہوں نے کہا کہ کوئی چھوٹے شہر میں گرین بس جیسی سروس کا سوچ بھی نہیں سکتا تھا، مگر مریم نواز شریف نے اسے حقیقت بنا دیا ہے۔
اکابرین نے شہروں اور دیہات میں صفائی کے بہتر نظام، سیلاب متاثرین کی مدد، اور عوامی فلاح کے منصوبوں کو قابلِ تحسین قرار دیا۔
انہوں نے کہا کہ اب بیرونِ ملک لوگ پاکستان کے بارے میں مثبت بات کرتے ہیں، یہ تبدیلی حکومتِ پنجاب کی عوامی خدمت کا نتیجہ ہے۔
وزیراعلیٰ مریم نواز شریف نے مرکز رائیونڈ کی دینی خدمات کو خراجِ تحسین پیش کیا اور کہا کہ مخلوقِ خدا کی خدمت، خالقِ کائنات کی عبادت کے جذبے سے کرتی ہوں۔ صدقِ دل سے عوام کی خدمت کرنا چاہتی ہوں، اور یقین رکھتی ہوں کہ جب نیت خالص ہو تو اللہ تعالیٰ وسائل خود مہیا کرتا ہے۔
انہوں نے مزید کہا کہ مخالفین کی باتوں پر صبر کرتی ہوں، مگر بعض اوقات عوام کے سامنے حقیقت بیان کرنا ضروری ہوتا ہے۔ ہمارا مقصد سیاست نہیں، خدمت ہے۔
مریم نواز شریف نے بتایا کہ نواز شریف صاحب نے بھی تبلیغی جماعت کے اکابرین سے ملاقات کی خواہش کا اظہار کیا ہے۔
خصوصی دعا کی درخواستوزیراعلیٰ نے ملاقات کے اختتام پر ملک و قوم کی سلامتی، امن و امان اور سیلاب زدگان کی بحالی کے لیے خصوصی دعا کی درخواست کی۔
تبلیغی جماعت کے اکابرین نے وزیراعلیٰ پنجاب کی کامیابی، عوامی خدمت کے جذبے اور پائیدار ترقی کے لیے دعا کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سونے کی قیمت میں ریکارڈ اضافہ، فی تولہ قیمت بلند ترین سطح پر پہنچ گئی