سعد رضوی کے گھر پر چھاپے میں برآمد کرنسی، سونے اور دیگر سامان کی تفصیلات جاری
اشاعت کی تاریخ: 14th, October 2025 GMT
لاہور میں پولیس اور حساس اداروں نے تحریک لبیک پاکستان (ٹی ایل پی) کے سربراہ سعد رضوی کے گھر پر چھاپہ مار کارروائی کے دوران برآمد ہونے والے سامان کی تفصیلات جاری کردی ہیں۔
یہ کارروائی پولیس، ایف آئی اے اور این سی سی آئی اے کی مشترکہ ٹیم نے کی، جس میں گھر سے بھاری مقدار میں سونا، چاندی، ملکی و غیر ملکی کرنسی اور قیمتی اشیا تحویل میں لی گئیں۔
سعد رضوی کے گھر پنجاب پولیس کے حالیہ ریڈ کے دوران برآمد ہونے والی ملکی و غیر ملکی کرنسی، طلائی زیورات، قیمتی گھڑیوں، پرائز بانڈز و دیگر سامان کی تفصیلات۔۔۔۔#PunjabPolice pic.
— Punjab Police Official (@OfficialDPRPP) October 14, 2025
رپورٹ کے مطابق گھر سے کل 11 کروڑ 42 لاکھ روپے مالیت کی ملکی و غیر ملکی کرنسی برآمد ہوئی، جس میں بھارتی کرنسی، امریکی ڈالر، یورو، پاؤنڈ اور سعودی ریال سمیت دیگر ممالک کی کرنسیاں شامل ہیں۔
پولیس کی جانب سے مزید بتایا گیا کہ ایک کلو 922 گرام سونا اور 989 گرام چاندی بھی برآمد ہوئی ہے۔
چھاپے کے دوران مختلف برانڈز کی 69 گھڑیاں،445 گرام وزنی 28 چوڑیاں اور کڑے، 490 گرام سونے کے 12 بریسلیٹ، 24 ہار، چینیں اور لاکٹس بھی حاصل کیے گئے۔
مزید تفصیلات کے مطابق 355 گرام سونے کی 46 انگوٹھیاں، 6 بریسلیٹ، 72 مختلف زیورات اور 460 گرام چاندی کا تاج اور 32 چاندی کی انگوٹھیاں بھی برآمد کی گئیں۔
حکام کے مطابق چھاپے کے دوران بڑی تعداد میں پرائز بانڈز بھی قبضے میں لیے گئے ہیں، جبکہ برآمد شدہ سامان کی تفصیلی رپورٹ اعلیٰ حکام کو ارسال کردی گئی ہے۔
یہ بھی پڑھیں: ٹی ایل پی احتجاج میں گاڑیاں جلانے کی ویڈیوز وائرل، ’ریاست کو انتشار پسندوں سے سختی سے نمٹنا ہوگا‘
واضح رہے کہ گزشتہ روز پولیس نے مریدکے میں تحریک لبیک پاکستان کے احتجاجی شرکا کو ایک آپریشن کے دوران منتشر کردیا تھا، جس کے بعد دعویٰ کیا جارہا تھا کہ سعد رضوی اور انس رضوی بھی گرفتاری ہوگئے ہیں، تاہم پولیس کا کہنا ہے کہ ان کی گرفتاری عمل میں نہیں آئی تاہم ٹریس کر لیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews تحریک لبیک پاکستان ٹی ایل پی دفتر چھاپہ سونا ملکی و غیرملکی کرنسی وی نیوز
ذریعہ
ذریعہ: WE News
کلیدی لفظ: تحریک لبیک پاکستان ٹی ایل پی دفتر چھاپہ ملکی و غیرملکی کرنسی وی نیوز ملکی کرنسی سعد رضوی کے دوران سامان کی
پڑھیں:
سونے کی قیمت میں اضافہ، فی تولہ سونا 4 لاکھ 33 ہزار 836 روپے ہوگیا
کراچی: پاکستان میں سونے کی قیمت میں اضافہ مسلسل دوسرے روز بھی جاری رہا، جس کے بعد مقامی صرافہ بازاروں میں فی تولہ سونا 4 ہزار 600 روپے مہنگا ہو گیا۔
آل پاکستان صرافہ جیمز اینڈ جیولرز ایسوسی ایشن کے مطابق اضافے کے بعد 24 قیراط فی تولہ سونے کی نئی قیمت 4 لاکھ 33 ہزار 836 روپے مقرر کی گئی ہے۔
ایسوسی ایشن کے مطابق 10 گرام سونے کی قیمت میں بھی 3 ہزار 944 روپے کا اضافہ ریکارڈ کیا گیا، جس کے بعد نئی قیمت 3 لاکھ 71 ہزار 944 روپے ہو گئی۔
دوسری جانب چاندی کی قیمت میں بھی معمولی اضافہ دیکھا گیا۔ فی تولہ چاندی 7 روپے اضافے کے بعد 6 ہزار 403 روپے جبکہ 10 گرام چاندی 6 روپے مہنگی ہو کر 5 ہزار 489 روپے کی سطح پر پہنچ گئی۔
یاد رہے کہ گزشتہ روز بھی سونے کی قیمت میں نمایاں اضافہ ہوا تھا، جب فی تولہ سونا 4 ہزار 700 روپے مہنگا ہو کر 4 لاکھ 29 ہزار 236 روپے تک پہنچ گیا تھا، جبکہ 10 گرام سونے کی قیمت 4 ہزار 29 روپے اضافے کے بعد 3 لاکھ 68 ہزار روپے ہوگئی تھی۔
عالمی مارکیٹ میں بھی قیمتی دھاتوں کے نرخ بڑھنے کا رجحان برقرار ہے۔ بین الاقوامی مارکیٹ میں فی اونس سونے کی قیمت 46 ڈالر اضافے کے بعد 4 ہزار 114 ڈالر ریکارڈ کی گئی، جبکہ چاندی کی عالمی قیمت 0.07 ڈالر اضافے سے 59.24 ڈالر فی اونس تک پہنچ گئی۔
ماہرین کا کہنا ہے کہ عالمی منڈی میں سونے کی قیمتوں میں اضافے، امریکی ڈالر کی نقل و حرکت، شرح سود اور جغرافیائی کشیدگی جیسے عوامل مقامی مارکیٹ پر بھی براہِ راست اثر انداز ہوتے ہیں، جس کے باعث پاکستان میں سونے کی قیمتوں میں مسلسل اتار چڑھاؤ دیکھا جا رہا ہے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی