یونیورسٹی آف مینجمنٹ اینڈ ٹیکنالوجی کے طلبہ اور اساتذہ کا لاہور گیریژن کا دورہ
اشاعت کی تاریخ: 15th, October 2025 GMT
لاہور:
یونیورسٹی آف مینجمنٹ اینڈ ٹیکنالوجی لاہور کے طلبہ اور اساتذہ نے لاہور گیریژن کا دورہ کرکے پاک فوج کے ساتھ معلوماتی اور یادگار دن گزارا۔
طلبہ نے یادگارِ شہداء پر حاضری دیکر وطن پر جان نچھاور کرنے والے جانبازوں کی عظیم قربانیوں کو خراجِ عقیدت پیش کیا۔
طلبہ و طالبات نے آرمی میوزیم لاہور کا بھی معلوماتی دورہ کیا اور دفاعی تاریخ سے آگاہی حاصل کی۔
گیریژن کمانڈر لاہور نے طلبہ سے ملاقات کی اور ان کے سوالات کے جوابات دیے، طلبہ نے پاک فوج کے نظم و ضبط، حب الوطنی اور پیشہ ورانہ مہارت کو بے حد سراہا۔
طلبا اور اساتذہ کا وفد واہگہ بارڈر پر پرچم اتارنے کی شاندار تقریب میں بھی شریک ہوا، شرکاء نے واہگہ بارڈر پر قومی جوش و ولولے سے بھرپور پرچم کشائی کی تقریب کو بھرپور سراہا۔
شرکاء نے اس یادگار دن کے بہترین انتظام پر پاک فوج کا شکریہ ادا کیا اور قومی جذبے کے فروغ کے لیے ایسی سرگرمیاں مستقل بنیادوں پر جاری رکھنے کے عزم کا اظہار کیا۔
.ذریعہ: Express News
پڑھیں:
راولپنڈی سالڈ ویسٹ مینجمنٹ کمپنی نے شہریوں پر کوڑا ٹیکس نافذ کردیا
راولپنڈی سالڈ ویسٹ مینجمنٹ کمپنی نے شہریوں، تاجروں اور دکانداروں پر کوڑا ٹیکس نافذ کر دیا ہے۔
کمپنی کی جانب سے گھروں، دکانوں، پلازوں اور کوڑھی مالکان کو 500 سے 5 ہزار روپے تک کے بل تقسیم کیے جا رہے ہیں۔
ذرائع کے مطابق کوڑا ٹیکس یکم ستمبر سے لاگو کیا گیا، جبکہ اکتوبر میں وصولی کے لیے بل بھیجنے کا عمل شروع ہو چکا ہے۔ چھوٹے گھروں پر 500 روپے ماہانہ اور دکانوں پر 1100 روپے ماہانہ ٹیکس عائد کیا گیا ہے۔
ٹیکس کے نفاذ پر شہریوں اور دکانداروں نے شدید احتجاج کرتے ہوئے کوڑا ٹیکس کے بل جمع نہ کرانے کا اعلان کر دیا ہے۔ انجمن تاجراں کمرشل مارکیٹ کا کہنا ہے کہ “صفائی کا نظام بہتر نہیں، شہر فلتھ ڈپو بنا ہوا ہے، ایسے میں ٹیکس نہیں دیں گے۔”
دوسری جانب مسلم لیگ (ن) کے تاجر قائدین نے بھی دکانداروں کے سامنے بے بسی ظاہر کر دی۔ راولپنڈی ویسٹ مینجمنٹ کمپنی نے خبردار کیا ہے کہ جو ٹیکس ادا نہیں کرے گا اس کے خلاف چالان اور بھاری جرمانہ کیا جائے گا۔ تاجروں نے کوڑا ٹیکس کے بل عدالت میں چیلنج کرنے کا اعلان کیا ہے۔
نواب شاہ ، ایچ آئی وی کے کیسز میں تشویشناک اضافہ