پاکستان، چین کے درمیان آبی تحفظ کیلئے 5 ارب یوآن کا معاہدہ
اشاعت کی تاریخ: 13th, October 2025 GMT
اسلام آباد (این این آئی)پاکستان کی سائکلون ٹیکناجی اور چین کی شانشی واٹر ڈویلپمنٹ اینڈ کنسٹرکشن گروپ کے درمیان5 ارب یوآن کے آبی تحفظ کے معاہدے پر دستخط ہو گئے، یہ تعاون پاکستان کے آبی نظم و نسق کے شعبے میں خاص طور پر آبپاشی کے غیر مؤثر نظام اور موسمیاتی تبدیلیوں جیسے اہم چیلنجز سے نمٹنے کے حوالے سے بڑی تبدیلیوں کا پیش خیمہ ثابت ہوگا۔چائنہ اکنامک نیٹ کے مطابق معاہدے کے تحت، دونوں ممالک پاکستان بھر میں جامع آبی تحفظ اور اسمارٹ واٹر مینجمنٹ کے منصوبے مشترکہ طور پر تیار کریں گے۔دونوں فریق پاکستان بھر میں آبی تحفظ اور سمارٹ واٹر مینجمنٹ کے منصوبوں پر مشترکہ طور پر کام کریں گے۔ اس شراکت داری میں چین کی جدید انجینئرنگ مہارت اور پاکستان کی زمینی صلاحیتوں کو یکجا کیا جائے گا تاکہ غذائی تحفظ اور پائیدار ترقی کے لیے اہم فرسودہ انفراسٹرکچر کو جدید بنایا جا سکے۔ چائنہ اکنامک نیٹ کے مطابق سائکلون ٹیکنالوجی کے ایک سینئر نمائندے نے کہا کہ یہ شراکت داری چین کی تکنیکی برتری اور پاکستان کی ترقیاتی ترجیحات کے درمیان ایک عملی پْل کا کردار ادا کرتی ہے۔ ہمارا مقصد اسمارٹ اور ڈیٹا پر مبنی واٹر مینجمنٹ سسٹمز متعارف کرانا ہے‘ جو ملک بھر میں مؤثر اور پائیدار ہو۔ چائنہ اکنامک نیٹ کے مطابق سائکلون ٹیکنالوجی کے سی ای او، توصیف عباس نے کہا کہ پاکستان کے آبی انفراسٹرکچر کو متعدد ساختی رکاوٹوں کا سامنا ہے، جن میں پرانے آبپاشی نظام، پانی کی غیر مؤثر تقسیم، اور ناکافی ذخیرہ گاہیں شامل ہیں۔ خاص طور پر خشک سالی کے دوران، جبکہ ڈیٹا پر مبنی سیلابی نظام موسمی خطرات سے نمٹنے میں مدد دے گا۔ جدید ذہین کنٹرول سسٹمز بھی متعارف کرائے جائیں گے جو دریا کے بہاؤ، بارش اور زیر زمین پانی کی حقیقی وقت میں نگرانی کر سکیں گے ایسی ٹیکنالوجی جو سیلاب سے متاثرہ علاقوں میں نہایت اہم ثابت ہوئی ہے۔
.
ذریعہ
ذریعہ: Nawaiwaqt
پڑھیں:
دوسرا ون ڈے: آسٹریلیا کا پاکستان کو جیت کیلئے 232 رنز کا ہدف
ایک روزہ سیریز کے دوسرے میچ میں آسٹریلیا نے پاکستان کو جیت کے لیے 232 رنز کا ہدف دے دیا۔
لاہور میں جاری میچ میں پاکستان کی دعوت پر پہلے بیٹنگ کرتے ہوئے آسٹریلیا کی ٹیم مقررہ 50 اوورز میں 9 وکٹوں کے نقصان پر 231 رنز بنا سکی۔
آسٹریلیا کی جانب سے کیمرون گرین اور کپتان جوش انگلس 51 رنز بنا کر آؤٹ ہوئے۔ میٹ رینشا 43، اولیور پیک 31، میتھیو شارٹ 15، مارنس لبوشین 5، میتھیو کوہنمن 5 اور ایلکس کیرے 0 کے انفرادی اسکور پر آؤٹ ہوئے۔
پاکستان کی جانب سے کپتان شاہین شاہ آفریدی نے 3 جبکہ عرفات منہاس، ابرار احمد اور حارث رؤف نے 2، 2 کھلاڑیوں کو آؤٹ کیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ