سکھرپریس کلب اوریونین آف جرنلسٹس کی سینئرصحافی طفیل رند کے قتل کی مذمت
اشاعت کی تاریخ: 9th, October 2025 GMT
data-id="863a0a8" data-element_type="widget" data-widget_type="theme-post-content.default">
سکھر(نمائندہ جسارت)سکھر پریس کلب اور سکھر یونین آف جرنلسٹس نے میرپور ماتھیلو کے سینئر صحافی طفیل رند کے بیہمانہ قتل واقعے کی سخت الفاظ میں مذمت، و گھرے دکھ کا اظہار کرتے ہوئے فوری طور پر قاتلوں گرفتاری کا مطالبہ کیا ہے۔پاکستان فیڈرل یونین آف جرنلسٹس کے سیکریٹری فنانس لالا اسد پٹھان، ممبر ایف ای سی نصراللہ وسیر، سکھر یونین آف جرنلسٹس کے صدر سلیم سہتو اور جنرل سیکریٹری جاوید جتوئی سکھر پریس کلب کے صدر آصف ظہیر خان لودھی جنرل سیکرٹری امداد بوزدار، نائب صدور شہزاد تابانی احقر شاہ رضوی، فنانس سیکریٹری لالا شہباز خان، سمیت مجلس عاملہ کے تمام اراکین نے کہا ہے کہ میرپور ماتھیلو میں سینئر صحافی طفیل رند کا قتل انتہائی افسوسناک واقعہ ہے جس کی شدید الفاظ میں مذمت اور قاتلوں کی فوری طور پر گرفتاری کا مطالبہ کرتے ہیں، سکھر یونین آف جرنلسٹس کے تمام عہدیداران و ممبران شہید صحافی طفیل رند کے اہلخانہ کے غم میں برابر کی شریک ہیں اور یہ یقین دلاتے ہیں کہ طفیل رند کے قاتلوں کا پیچھا کرکے انہیں کیفر کردار تک پہنچائیں گے، جاری کردہ بیان میں کہا گیا ہے کہ صحافیوں کے تحفظ کے بلند و بانگ دعوئوں اور کھوکھلے قوانین کے باوجود عملی طور پر صحافی بے یارو مددگار اور ہر لمحہ بندوق کے نشانے پر ہیں حکومت وقت صحافیوں کو تحفظ فراہم کرنے میں ناکام ہوچکی ہے جسکے باعث دن دہاڑے شاہرائوں پر صحافیوں کو قتل کیا جا رہا ہے ۔
ذریعہ: Jasarat News
کلیدی لفظ: یونین ا ف جرنلسٹس صحافی طفیل رند طفیل رند کے
پڑھیں:
صحافی طفیل رند قاتلانہ حملے میں جاں بحق، خوف سے بھتیجی بھی چل بسی
وزیراعلیٰ سندھ نے گھوٹکی میں صحافی طفیل رند کے قتل پر اظہار افسوس کرتے ہوئے کہا ہے کہ صحافیوں پر حملے آزادی صحافت پر حملے ہیں، وزیراعلیٰ سندھ نے آئی جی سے واقعے کی رپورٹ طلب کرلی۔ اسلام ٹائمز۔ گھوٹکی میں میرپور ماتھیلو پریس کلب کے جنرل سیکرٹری طفیل رند قاتلانہ حملے میں جاں بحق ہو گئے جبکہ موقع پر موجود بھتیجی خوف سے جان کی بازی ہار گئی۔ پولیس کے مطابق طفیل رند بچوں کو سکول چھوڑنے جا رہے تھے کہ ملزمان نے ان پر فائرنگ کر دی، طفیل رند پر میر پور ماتھیلو کے علاقے جروار روڈ مسو واہ پر فائرنگ کی گئی۔ پولیس کا کہنا ہے کہ فائرنگ سے طفیل رند جاں بحق ہو گئے، ان کے جسد خاکی کو ڈی ایچ کیو ہسپتال میرپور ماتھیلو منتقل کر دیا گیا ہے اور واقعے کی تحقیقات کی جا رہی ہیں۔
وزیراعلیٰ سندھ مراد علی شاہ نے گھوٹکی میں صحافی طفیل رند کے قتل پر اظہار افسوس کرتے ہوئے کہا ہے کہ صحافیوں پر حملے آزادی صحافت پر حملے ہیں، وزیراعلیٰ سندھ نے آئی جی سے واقعے کی رپورٹ طلب کرلی۔ علاوہ ازیں چچا پر فائرنگ ہونے کے خوف سے 10 سالہ بھتیجی بھی جان کی بازی ہار گئی، بچی رینا اپنے چچا کے ساتھ موٹر سائیکل پر سوار ہو کر سکول جا رہی تھی کہ ملزمان نے فائرنگ کر دی۔ پولیس کے مطابق چچا پر فائرنگ ہونے کے بعد بچی شدید خوف زدہ تھی اور وہ یہ صدمہ برداشت نہ کر سکی اور جان کی بازی ہار گئی۔
یہ کووڈ نہیں، پریشان نہ ہوں بس علامات کا فرق جانیں