دیہی خواتین ترقی کی حقیقی بنیاد ہیں، مریم نواز کا عالمی دن پر خصوصی پیغام
اشاعت کی تاریخ: 15th, October 2025 GMT
data-id="863a0a8" data-element_type="widget" data-widget_type="theme-post-content.default">
لاہور: وزیراعلیٰ پنجاب مریم نواز شریف نے دیہی خواتین کے عالمی دن کے موقع پر اپنے پیغام میں کہا ہے کہ یہ دن اُن خواتین کی عظیم محنت اور قربانیوں کے اعتراف کا دن ہے جو خاموشی سے پنجاب کی ترقی میں کلیدی کردار ادا کر رہی ہیں۔
انہوں نے کہا کہ دیہی خواتین نہ صرف اپنے گھروں کی بنیاد ہیں بلکہ زراعت، معیشت اور معاشرتی استحکام کی ریڑھ کی ہڈی بھی ہیں۔ مریم نواز نے کہا کہ پنجاب کی لہلہاتی فصلیں، آباد گھر اور مضبوط معیشت ان خواتین کی انتھک جدوجہد کا نتیجہ ہیں جو صبح سے شام تک اپنی محنت سے زمین کو زرخیز بناتی ہیں۔
وزیراعلیٰ نے اپنے پیغام میں کہا کہ دیہی خواتین محنت، محبت، احساسِ ذمہ داری اور قربانی کی زندہ مثال ہیں۔ انہوں نے کہا کہ دیہی عورت محض ایک محنت کش نہیں بلکہ پنجاب کی تعمیر و ترقی میں ایک اہم فیصلہ ساز اور متحرک کردار کی حامل ہے۔
مریم نواز شریف کا مزید کہنا تھا کہ ان کی حکومت دیہی خواتین کو صرف فارمر نہیں بلکہ معاشی طور پر بااختیار اور فیصلہ سازی کا حصہ بنانا چاہتی ہے تاکہ وہ اپنے خاندان اور علاقے کی تقدیر بدل سکیں۔
انہوں نے بتایا کہ حکومت پنجاب نے دیہی خواتین کے لیے متعدد اقدامات کیے ہیں، جن میں کسان کارڈ، لائیو اسٹاک کارڈ اور ہمت کارڈ جیسے منصوبے شامل ہیں جن سے ہزاروں خواتین مستفید ہو رہی ہیں۔
اسی طرح اسکل ڈویلپمنٹ پروگرام کے ذریعے دیہی خواتین کو ہنر مند بنا کر روزگار کے مواقع فراہم کیے جا رہے ہیں۔ مریم نواز نے کہا کہ بلاسود قرضے، کاروباری تربیت، لیپ ٹاپ کی فراہمی اور تعلیمی اسکالرشپس کے ذریعے دیہی بیٹیوں کی زندگیوں میں حقیقی تبدیلی لائی جا رہی ہے۔
وزیراعلیٰ پنجاب نے کہا کہ دیہی خواتین کے لیے تمام بنیادی مراکز صحت کو اپ گریڈ کیا جا رہا ہے تاکہ وہ بہتر طبی سہولیات حاصل کر سکیں۔ انہوں نے بتایا کہ خود روزگار کے فروغ کے لیے مویشی فراہم کیے جا رہے ہیں، جب کہ ورچوئل پولیس اسٹیشن قائم کیے گئے ہیں تاکہ خواتین کے حقوق کے تحفظ کو یقینی بنایا جا سکے۔
مریم نواز شریف نے اپنے پیغام کے اختتام پر کہا کہ ایک مضبوط، خودکفیل اور خوشحال پنجاب کی تعمیر دیہی خواتین کے کردار کے بغیر ممکن نہیں۔ وہ چاہتی ہیں کہ پنجاب کی ہر خاتون محفوظ، خودمختار اور ترقی کے سفر میں مردوں کے شانہ بشانہ نظر آئے۔
.
ذریعہ
ذریعہ: Jasarat News
کلیدی لفظ: دیہی خواتین کے کہا کہ دیہی مریم نواز نے کہا کہ پنجاب کی انہوں نے
پڑھیں:
بحرین نے اپنے شہریوں کو ایران اور عراق کے سفر سے روک دیا
اپنے ایک جاری بیان میں بحرینی وزارت داخلہ کا کہنا تھا کہ اس حکم کی مخالفت کرنے والوں کیخلاف سخت تادیبی کارروائی انجام دی جائے گی۔ اسلام ٹائمز۔ آج "بحرین" کی وزارت داخلہ نے نام نہاد علاقائی سیکورٹی خدشات کا حوالہ دیتے ہوئے، اپنے شہریوں کو تا حکم ثانوی "ایران" اور "عراق" کے سفر سے روک دیا۔ مذکورہ ملک کی وزارت داخلہ نے کہا کہ اس حکم کی مخالفت کرنے والوں کے خلاف سخت تادیبی کارروائی انجام دی جائے گی۔ بحرین نے الزام لگایا کہ اس نے یہ فیصلہ ایرانی جارحیت کے نتیجے میں پیدا ہونے والی موجودہ سیکیورٹی صورتحال کے پیش نظر کیا۔ جس کا مقصد ملک کی سلامتی کو برقرار رکھنا اور بحرینی شہریوں کی حفاظت کو یقینی بنانا ہے۔ حالانکہ یہ بات روز روشن کی طرح عیاں ہے کہ جنگِ رمضان کے دوران ایران کے خلاف کھلی امریکی و صیہونی جارحیت میں بحرین برابر کا شریک ہے۔ خطے کا سب سے بڑا امریکی اڈہ بھی اسی ملک میں موجود ہے۔ ان اڈوں کے خلاف ایران کی جوابی کاری ضربوں نے بحرین کو شدید متاثر کیا۔ جس کی وجہ سے اُسے اقتصادی مشکلات کا سامنا ہے۔ مزید برآں کہ درست سفارتی فیصلوں کی بجائے "منامہ" اپنی ہٹ دھرمی پر قائم ہے۔ جس سے اُسے مزید سنگین نتائج بھگتنا پڑ سکتے ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ