شہرکےاندروان متوسط علاقوں کی سنی گئی
اشاعت کی تاریخ: 14th, October 2025 GMT
سٹی42:شہر کے اندرون اور متوسط علاقوں کی شنوائی کرتے ہوئے پنجاب حکومت نے 12 ارب روپے سے زائد لاگت کے شاہراہوں کی بحالی اور بیوٹیفکیشن کا بڑا پیکیج منظور کر لیا ہے۔ وزیراعلیٰ پنجاب مریم نواز شریف کی زیر صدارت اعلیٰ سطح اجلاس میں متعدد ترقیاتی منصوبوں کی اصولی منظوری دی گئی۔
اجلاس میں ریلوے اسٹیشن اور اس کے اطراف کی سڑکوں کی ازسرنو بحالی کی منظوری دی گئی، جبکہ چوکوں اور چوراہوں کی بیوٹیفکیشن اور ری ماڈلنگ منصوبوں کو بھی منظوری حاصل ہو گئی۔ ریلوے اسٹیشن سے آزادی انٹرچینج تک سڑک کی تعمیر و بحالی کا پراجیکٹ 10 ماہ میں مکمل ہوگا جس پر 1 ارب 20 کروڑ روپے لاگت آئے گی۔
لاہور ہائیکورٹ نے برادرِ نسبتی کے قتل میں سزا ئے موت پانیوالے کو بری کردیا
مصری شاہ اور اس کے گرد و نواح کی سڑکوں کی مرمت اور بہتری کا منصوبہ ایک سال میں مکمل کیا جائے گا، جس کی لاگت 6 ارب 95 کروڑ روپے سے زائد ہوگی۔ داتا دربار تا بھاٹی چوک ری ماڈلنگ منصوبے کے لیے 1 ارب 80 کروڑ روپے مختص کیے گئے ہیں۔ اس منصوبے کی تکمیل کی مدت 18 ماہ رکھی گئی ہے جبکہ 4 کنال زمین ایکوائر کی جائے گی۔
اسی طرح آؤٹ فال روڈ، ریٹی گن روڈ اور راوی روڈ کی تعمیر و بحالی پر 1 ارب 30 کروڑ روپے خرچ ہوں گے۔ داتا دربار پراجیکٹ کی فنڈنگ ایل ڈی اے کرے گا جبکہ دیگر تمام منصوبوں کے اخراجات پنجاب حکومت برداشت کرے گی۔
پنجاب کےتما م ٹال پلازوں پرپرچی ختم،مکمل ڈیجیٹلائزیشن کافیصلہ
ٹیپا کو ہدایت دی گئی ہے کہ وہ وزیراعلیٰ کی منظوری کے بعد تمام منصوبوں کا پی سی ون تیار کرکے منصوبہ بندی و ترقیات (پی اینڈ ڈی) سے باقاعدہ منظوری حاصل کرے۔
ذریعہ: City 42
پڑھیں:
آج ملک بھر میں انٹرنیٹ سست یا بند رہے گا، بحالی میں 18 گھنٹے لگنے کا امکان
data-id="863a0a8" data-element_type="widget" data-widget_type="theme-post-content.default">
کراچی: پاکستان میں آج منگل کے روز انٹرنیٹ استعمال کرنے والوں کو سست روی اور جزوی بندش کا سامنا کرنا پڑے گا۔
بین الاقوامی انٹرنیٹ کیبل نیٹ ورک میں اہم مرمتی کام کا آغاز ہو چکا ہے۔ اس حوالے سے پی ٹی سی ایل تکنیکی ٹیم کے مطابق یہ ٹیکنیکل سرگرمی عالمی سطح پر بچھائی گئی زیرِ سمندر کیبل میں نصب ایک اہم رپیٹر کی مرمت کے لیے کی جا رہی ہے۔
ترجمان کے مطابق بین الاقوامی کیبل کنسورشیم نے اس کام کی مرمت آج 14 اکتوبر کو صبح 11 بجے شروع کرنے کا شیڈول جاری کیا ہے، جو تقریباً 18 گھنٹے تک جاری رہنے کا امکان ہے۔ اس دوران ملک کے مختلف حصوں میں انٹرنیٹ کی رفتار متاثر ہو سکتی ہے، جبکہ بعض علاقوں میں سروس جزوی طور پر معطل بھی رہ سکتی ہے۔
پی ٹی سی ایل کے ترجمان کا کہنا ہے کہ یہ مرمتی عمل مستقبل میں انٹرنیٹ نیٹ ورک کو مزید مستحکم اور مؤثر بنانے کے لیے ضروری ہے۔ یہ کام سروس کے معیار اور تسلسل کو برقرار رکھنے کے لیے ناگزیر ہے، جس کے دوران صارفین کو عارضی مشکلات کا سامنا ہو سکتا ہے۔
ترجمان نے صارفین سے پیشگی معذرت کرتے ہوئے یقین دہانی کرائی ہے کہ جیسے ہی مرمت مکمل ہوگی، سروس کو مکمل طور پر بحال کر دیا جائے گا۔ کمپنی کا کہنا ہے کہ مرمتی عمل کے اختتام کے بعد انٹرنیٹ کی رفتار اور کارکردگی پہلے سے بہتر ہو جائے گی۔
اس دوران ماہرین کا مشورہ ہے کہ صارفین غیر ضروری ڈاؤن لوڈ، آن لائن گیمز اور ویڈیو اسٹریمنگ سے گریز کریں تاکہ سروس میں کم سے کم رکاوٹ پیش آئے۔
ملک بھر میں شہری سہولیات کو مزید بہتر بنایا جائے گا ، محسن نقوی