نیپرا نے نیشنل گرڈ کمپنی پر ایک کروڑ روپے جرمانہ کر دیا
اشاعت کی تاریخ: 28th, November 2025 GMT
نیپرا نے نیشنل گرڈ کمپنی کو ایک کروڑ روپے جرمانہ کر دیا، جرمانہ قواعد اور سیفٹی اصولوں کی خلاف ورزی سمیت بجلی ترسیلی منصوبوں کی بروقت تکمیل نہ کرنے پر کیا گیا ہے۔
نیپرا کے مطابق نیشنل گرڈ کمپنی کی طرف سے قوائد اور سیفٹی اصولوں پر عمل درآمد سمیت جھمپیر گرڈ اسٹیشن پر کام مکمل نہ کرنے کے خلاف کارروائی کرتے ہوئے کمپنی کو شوکاز جاری کیا گیا تھا۔
بجلی ترسیلی کمپنی کو سماعت کے مواقع بھی فراہم کئے گئے کمپنی کے سندھ میں جھمپیر-II گرڈ اسٹیشن میں اہم کام ادھورے نکلے جس کے بعد ترسیلی کمپنی کو جرمانہ کیا گیا ہے اور ایک ماہ میں نامزد بینک میں جمع کرانے کی ہدایت کی گئی ہے۔
نیپرا نے حکم دیا کہ جھمپیر-II کے تمام کام مکمل کر کے سرٹیفیکیٹ دیں، ہدایات پر عمل نہ کرنے پر مزید جرمانے کی وارننگ بھی دی گئی۔
دوران سماعت بتایا گیا کہ اکتوبر میں دن کے مقابلے میں رات کو طلب میں 4582 میگاواٹ تک اضافہ دیکھا گیا جس کی بڑی وجہ دن کے اوقات میں سولر کا استعمال رہا۔
اکتوبر میں دن کے اوقات میں بجلی کی طلب 10ہزار 105 میگاواٹ اور رات کو 14ہزار 687 میگاواٹ تک جاتی رہی۔
واضح رہے کہ نیشنل گرڈ کمپنی کا پرانا نام این ٹی ڈی سی ہے۔
.ذریعہ: Jang News
کلیدی لفظ: کمپنی کو
پڑھیں:
پنجاب میں ٹریفک قوانین کی خلاف ورزی کا قانون منظور؛ جرمانے 2 ہزار سسے 20 ہزار تک ہوں گے
ویب ڈیسک : پنجاب ٹریفک قوانین کی خلاف ورزی کا قانون منظور کر لیا گیا، محکمہ قانون نے آرڈیننس بھی جاری کر دیا۔
آرڈیننس کے متن کے مطابق اب ٹریفک قوانین کی خلاف ورزی پر جرمانہ 2 ہزار سے 20 ہزار روپے تک ہوگا۔ تیز رفتاری پر موٹرسائیکل کو 2 ہزار جبکہ گاڑی کو 5 ہزار روپے جرمانہ ہوگا۔ٹریفک سگنل کی خلاف ورزی پر موٹرسائیکل کو 2 ہزار اور تھری ویلر کو 3 ہزار روپے جرمانہ ہوگا جبکہ سگنل کی خلاف ورزی پر کار کو 5 ہزار اور 2 ہزار سی سی گاڑیوں کو 10 ہزار روپے جرمانہ ہوگا۔
لاہور فضائی آلودگی کے اعتبار سے پانچویں نمبر پرآگیا
آرڈیننس کے متن کے مطابق سگنل کی خلاف ورزی پر 2000 سی سی سے زائد کی گاڑیوں کو 15 ہزار روپے جرمانہ ہوگا، اوور لوڈنگ پر تھری ویلر کو 3 ہزار، 2000 سی سی سے کم گاڑیوں کو 5 ہزار روپے جرمانہ ہو گا۔ اوور لوڈنگ پر 2000 سی سی سے بڑی گاڑیوں کو 10 ہزار روپے جرمانہ ہوگا۔
ٹریلر کو اوور لوڈنگ پر 15 ہزار روپے جرمانہ کیا جائے گا، دھواں چھوڑتی موٹرسائیکل کو 2 ہزار جبکہ تھری ویلر کو 3 ہزار روپے جرمانہ ہوگا اور دھواں چھوڑنے والی گاڑی کو 8 ہزار، پبلک ٹرانسپورٹ کو 15 ہزار روپے جرمانہ ہو گا۔
کراچی: مختلف علاقوں میں فائرنگ اور تیز دھار آلے کے وار، 3 افراد زخمی حالت میں اسپتال منتقل
متن کے مطابق بغیر فٹنس سرٹیفکیٹ گاڑی چلانے پر ایک لاکھ روپے تک جرمانہ اور جیل ہو گی، اوور اسپیڈنگ پر جرمانے میں 300 فیصد تک اضافہ کیا گیا ہے جبکہ گاڑی میں ڈرائیور کے ساتھ فرنٹ سیٹ پر بیٹھنے والے کے لیے بیلٹ لگانا لازمی قرار دیا گیا ہے۔
’گھر تک تو دوپٹہ اوڑھ لیتیں‘ عمرہ ادائیگی سے واپسی پر اداکارہ صبا فیصل پر تنقید