اقرار الحسن نے یوٹرن لے لیا
اشاعت کی تاریخ: 22nd, November 2025 GMT
معروف اینکر اقرار الحسن اپنی تین بیگمات کے ساتھ خوشگوار زندگی بسر کررہے ہیں، انہوں نے اب اپنے معاشی معاملات کے حوالے سے یوٹرن لیا ہے۔
اپنے پروگرام میں جرائم اور اس میں ملوث افراد کو منفرد طریقے سے بے نقاب کرنے والے اقرار الحسن کے پاکستان میں ہزاروں مداح ہیں۔
انہوں نے گزشتہ انٹرویو میں اپنے معاشی حالات کے حوالے سے دعویٰ کیا تھا کہ وہ کرائے کے گھر میں رہائش پذیر ہیں اور مستقبل میں اپنا گھر بنانے کیلیے کوشاں ہیں۔
اقرار الحسن نے دعویٰ کیا تھا کہ انہوں نے کبھی اپنا گھر نہیں خریدار اور ہمیشہ سے ہی کرائے کے گھر میں رہے جبکہ صحافتی کیریئر کا آغاز بھی کرایے کے گھر سے کیا جبکہ اُن کا تعلق متوسط خاندان سے ہے۔
اینکر نے بتایا تھا کہ انہوں نے کیریئر کے دوران بہت زیادہ جدوجہد کی اور اسی وجہ سے وہ اپنا گھر نہیں بناسکے جبکہ وہ جلد اپنا گھر بناکر اس میں شفٹ ہوجائیں گے۔
اقرار الحسن لاہور میں تین بیگمات قرت العین، عروسہ، فرح اور بیٹے پہلاج کے ساتھ ایک ہی علاقے کے علیحدہ علیحدہ گھروں میں رہتے ہیں۔
اب انہوں نے ایک پوڈ کاسٹ میں اپنے معاشی حالات کے حوالے سے یوٹرن لیتے ہوئے اپنی جائیداد، اثاثوں اور تنخواہ کے بارے میں بتایا۔
انہوں نے کہا کہ اللہ نے مجھے معاشی طور پر ہر چیز سے نوازا اور میں نے اپنا ہر جائز خواب پورا کیا، میں نے ایک گھر خریدار جس کا تعمیراتی کام جاری ہے اور وہ جلد مکمل ہوجائے گا۔
اقرار نے بتایا کہ اُن کے اس گھر کا رقبہ دو کنال جبکہ یہ لاہور کے علاقے ڈیفنس میں واقع ہے جبکہ ایک کنال کا ایک اور پلاٹ بھی اُن کے پاس ہے جسے انہوں نے رہائش نہیں بلکہ سرمایہ کاری کے مقصد کیلیے رکھا ہوا ہے۔
اقرار نے کہا کہ ’میری تینوں بیگمات اللہ کا شکر ہے بہت اچی ہیں اور وہ آپس میں کوئی مقابہ بھی نہیں کرتیں، ہم اسی طرح سے ہنسی خوشی زندگی گزارتے ہیں۔
انہوں نے کہا کہ کیریئر کا آغاز لاہور سے کیا اور یہاں پر رپورٹنگ کے دوران کرائے کے گھر میں بھی رہائش کی تھی۔
TagsShowbiz News Urdu.
ذریعہ
ذریعہ: Al Qamar Online
کلیدی لفظ: پاکستان کھیل اقرار الحسن انہوں نے اپنا گھر کے گھر
پڑھیں:
وزیر ریلوے کی اطالوی قومی دن کے موقع پر اٹلی کی حکومت اور عوام کو مبارکباد
اسلام آباد(اُردو پوائنٹ اخبارتازہ ترین - این این آئی۔ 02 جون2026ء) وزیر ریلوے محمد حنیف عباسی نے اطالوی قومی دن کے موقع پر اٹلی کی حکومت اور عوام کو مبارکباد پیش کرتے ہوئے کہا ہے کہ پاکستان اور اٹلی کے درمیان دیرینہ دوستانہ تعلقات باہمی احترام، اعتماد اور تعاون پر مبنی ہیں۔منگل کو اپنے بیان میں انہوں نے کہا کہ اٹلی پاکستان کا ایک اہم یورپی شراکت دار ہے اور دونوں ممالک کے تعلقات وقت کے ساتھ مزید مستحکم ہوئے ہیں۔ وزیر ریلوے نے کہا کہ پاکستان اٹلی کے ساتھ تجارت، سرمایہ کاری، تعلیم اور ثقافتی روابط کے فروغ کو خصوصی اہمیت دیتا ہے۔انہوں نے کہا کہ اطالوی قومی دن دونوں ممالک کے درمیان دوستی اور تعاون کے مزید فروغ کے عزم کی تجدید کا موقع فراہم کرتا ہے۔ انہوں نے اٹلی میں مقیم پاکستانی برادری کے کردار کو سراہتے ہوئے کہا کہ یہ برادری دونوں ممالک کے درمیان تعلقات کو مضبوط بنانے میں اہم کردار ادا کر رہی ہے۔(جاری ہے)
وزیر ریلوے نے کہا کہ پاکستان اٹلی کے ساتھ اقتصادی، تجارتی اور عوامی سطح کے روابط کو مزید وسعت دینے کا خواہاں ہے ،دونوں ممالک کے درمیان مختلف شعبوں میں تعاون کے وسیع امکانات موجود ہیں جو مشترکہ ترقی اور خوشحالی کا ذریعہ بن سکتے ہیں۔انہوں نے کہا کہ پاکستان اور اٹلی کے مضبوط تعلقات باہمی مفادات کے تحفظ اور بین الاقوامی تعاون کے فروغ میں اہم کردار ادا کر رہے ہیں اور یہ دیرینہ دوستی مستقبل میں مزید مضبوط اور نتیجہ خیز شراکت داری میں تبدیل ہوگی۔ انہوں نے اطالوی قومی دن پر پاکستان اور اٹلی کے عوام کے لیے امن، ترقی اور خوشحالی کی نیک تمناں کا اظہار کیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ