نون لیگ اپنی مضبوط ترقیاتی ساکھ کے باعث دوبارہ سیاسی برتری حاصل کر رہی ہے، ثروت صبا
اشاعت کی تاریخ: 28th, November 2025 GMT
نون لیگ گلگت بلتستان خواتین ونگ کی جنرل سیکرٹری ثروت صباء نے ایک بیان یں کہا ہے کہ وفاقی وزیر احسن اقبال کے تاریخی دورہ گلگت بلتستان کے بعد سیاسی ہلچل مچ گئی ہے، نون لیگ کی مقبولیت آسمان تک پہنچ گئی ہے۔ اسلام ٹائمز۔ نون لیگ گلگت بلتستان خواتین ونگ کی جنرل سیکرٹری ثروت صباء نے ایک بیان یں کہا ہے کہ وفاقی وزیر احسن اقبال کے تاریخی دورہ گلگت بلتستان کے بعد سیاسی ہلچل مچ گئی ہے، نون لیگ کی مقبولیت آسمان تک پہنچ گئی ہے، جس کے بعد پیپلزپارٹی کی مایوسی میں اضافہ ہوتا جا رہا ہے۔ انہوں ںے کہا کہ نون لیگ اپنی مضبوط ترقیاتی ساکھ کے باعث دوبارہ سیاسی میدان میں برتری حاصل کر رہی ہے۔ پی پی کے گزشتہ دور حکومت میں ترقیاتی منصوبوں میں شدید سست روی، بیڈ گورننس اور محکمہ تعلیم میں مبینہ طور پر نوکریوں کی فروخت جیسے سنگین الزامات عوامی ناراضگی کا بنیادی سبب ہے۔ نوجوانوں میں خاص طور پر غم و غصہ اس وجہ سے بڑھا کہ محکمہ تعلیم میں میرٹ کے بجائے سفارش اور کرپشن کے چرچے عام رہے۔ اس کے برعکس، مسلم لیگ (ن) نے اپنے دور میں انفراسٹرکچر کی بحالی، توانائی منصوبوں میں تیزی اور تعلیمی سہولیات کی بہتری جیسے اقدامات کے ذریعے خطے میں حقیقی تبدیلی کی بنیاد رکھی، جسے عوام آج بھی سنجیدگی سے یاد رکھتے ہیں۔
مزید ان کا کہنا تھا کہ سیاسی منظرنامہ اس وقت بدل گیا جب وفاقی وزیر منصوبہ بندی احسن اقبال اور امیر مقام کے حالیہ دورے میں گلگت بلتستان کے لیے متعدد میگا پروجیکٹس کا اعلان کیا گیا۔ عوامی اجتماعات میں ان کے ناقابلِ تردید حقائق، مستقبل کی واضح ترقیاتی حکمت عملی اور خطے کو قومی دھارے میں شامل کرنے جیسے اقدامات نے عوامی جوش کو نئی سطح پر پہنچا دیا۔ احسن اقبال اور امیر مقام کے دورے نے نون لیگ کی مقبولیت میں بے پناہ اضافہ کیا، جبکہ پیپلز پارٹی کی صفوں میں مایوسی، اضطراب اور سیاسی بے یقینی نمایاں طور پر بڑھ گئی ہے۔ پی پی پی کے مقامی رہنما اندرونِ خانہ اس بات کا اعتراف کرتے دکھائی دیتے ہیں کہ عوامی اعتماد بحال کرنا اب اُن کے لیے پہلے سے کہیں زیادہ مشکل ہو چکا ہے۔ آنے والے انتخابات میں یہ سیاسی فضا بڑے فیصلوں کو جنم دے سکتی ہے اور موجودہ صورتحال میں برتری واضح طور پر مسلم لیگ (ن) کے پلڑے میں دکھائی دے رہی ہے۔
ذریعہ
ذریعہ: Islam Times
کلیدی لفظ: گلگت بلتستان احسن اقبال نون لیگ گئی ہے
پڑھیں:
پاکستان ڈی ایٹ ممالک کے ساتھ مضبوط معاشی شراکت داری قائم کرنا چاہتا ہے، عرفان سومرو
وزارت خارجہ کے ڈائریکٹر جنرل عرفان سومرو نے کہا ہے کہ تجارتی ڈپلومیسی حکومت پاکستان کی خارجہ پالیسی کا بنیادی ستون ہے اور پاکستان ڈی ایٹ ممالک کے ساتھ محض تجارتی حجم بڑھانے کا خواہاں نہیں بلکہ مضبوط اور پائیدار معاشی شراکت داری قائم کرنا چاہتا ہے۔
فیڈریشن ہاؤس کراچی میں فیڈریشن آف پاکستان چیمبرز آف کامرس اینڈ انڈسٹری (ایف پی سی سی آئی) کے زیر اہتمام ڈی ایٹ چیمبرز آف کامرس اینڈ انڈسٹری (D-8 CCI) کی پاکستان نیشنل کمیٹی کے اجلاس سے خطاب کرتے ہوئے دائریکٹر جنرل وزارت خارجہ عرفان سومرو نے کہا کہ ڈی ایٹ کے قیام کو تین دہائیاں گزر چکی ہیں، اب وقت آ گیا ہے کہ اس وژن کو عملی اقدامات میں تبدیل کیا جائے۔
ان کا کہنا تھا کہ ڈی ایٹ ممالک کی مشترکہ معیشت تقریباً 5 ہزار ارب ڈالر پر مشتمل ہے اور ایک ارب سے زائد آبادی مشرق بعید سے افریقہ تک پھیلی ہوئی ہے، جو باہمی تجارت اور سرمایہ کاری کے بے شمار مواقع فراہم کرتی ہے۔
انہوں نے کہا کہ زراعت، معدنیات، سیاحت اور نوجوان افرادی قوت ڈی ایٹ ممالک کے اہم اثاثے ہیں، تاہم مختلف مفاہمتی یادداشتوں (ایم او یوز) پر مؤثر عمل درآمد نہ ہونے کے باعث رکن ممالک اپنی حقیقی معاشی صلاحیت سے بھرپور فائدہ نہیں اٹھا پا رہے۔
ڈی جی وزارت خارجہ کے مطابق پاکستان کی ڈی ایٹ ممالک کے ساتھ سالانہ تجارت تقریباً 11 ارب ڈالر ہے، جس میں 8 ارب ڈالر درآمدات جبکہ 2.8 ارب ڈالر برآمدات شامل ہیں، اس عدم توازن کو کم کرنے اور برآمدات میں اضافے کی ضرورت پر زور دیا۔
عرفان سومرو نے کہا کہ پاکستان کی بندرگاہیں اور نوجوان آبادی ملکی معیشت کے لیے قیمتی اثاثہ ہیں، کاروباری برادری پر زور دیتے ہوئے انہوں نے کہا کہ وہ پاکستانی سفارت خانوں کے ساتھ روابط بڑھائے تاکہ نئی منڈیوں تک رسائی اور سرمایہ کاری کے مواقع سے فائدہ اٹھایا جا سکے۔
انہوں نے کہا کہ حکومت بین الاقوامی معاہدے اور سازگار پالیسی فریم ورک فراہم کر سکتی ہے، تاہم تجارت اور سرمایہ کاری کو فروغ دینا نجی شعبے کی ذمہ داری ہے، اس سلسلے میں ایف پی سی سی آئی کا کردار انتہائی اہم ہے۔
ڈائریکٹر جنرل وزارت خارجہ نے خواتین اور نوجوان کاروباری افراد پر زور دیا کہ وہ علاقائی تجارت اور اقتصادی سرگرمیوں میں بھرپور کردار ادا کریں، پاکستان ڈی ایٹ ممالک کے ساتھ تعلقات کو مزید مضبوط بنانے کے لیے مکمل طور پر تیار ہے۔
اس موقع پر ایف پی سی سی آئی کے صدر عاطف اکرام شیخ نے قاہرہ میں منعقدہ چوتھی ڈی ایٹ ٹریڈ منسٹر کونسل کے فیصلوں کا خیرمقدم کرتے ہوئے استنبول میں ترکیہ کی تنظیم TOBB کی سرپرستی میں ڈی ایٹ چیمبرز کے مستقل سیکرٹریٹ کے قیام کو اہم پیش رفت قرار دیا۔
ڈی ایٹ سیکریٹری جنرل سہیل محمود نے اپنے خصوصی پیغام میں رکن ممالک پر زور دیا کہ وہ حلال معیشت، مالیاتی انضمام اور علاقائی تجارت کے مواقع سے بھرپور فائدہ اٹھائیں۔
ایف پی سی سی آئی کے سینئر نائب صدر ثاقب فیاض مگوں نے کہا کہ ڈی ایٹ ممالک کے درمیان اندرونی تجارت میں نمایاں اضافہ وقت کی اہم ضرورت ہے اور فیڈریشن پریفرینشل ٹریڈ ایگریمنٹ (پی ٹی اے) کو ناگزیر سمجھتی ہے۔
اجلاس میں انڈونیشیا، ترکیہ، ایران، مصر، ملائیشیا، نائجیریا، آذربائیجان اور بنگلہ دیش کے قونصل جنرلز، سینئر سفارت کاروں، ایف پی سی سی آئی کے نائب صدور امان پراچہ، آصف سخی، سابق صدر زبیر طفیل، سابق نائب صدور خالد تواب، حنیف گوہر، شبیر منشا، ناہید مسعود، نازلی عابد، ماہین خان اور دیگر کاروباری رہنماؤں نے بھی شرکت کی۔
بھارت سے جنگ اور افغانستان میں کارروائی خارج ازامکان نہیں، وزیردفاع