بصارت سے محروم افراد کو فعال طور پر سہولیات فراہم کرنے کی ضرورت ہے،صدرِ آصف علی زرداری کا سفید چھڑی کے تحفظ کے عالمی دن کے موقع پر پیغام
اشاعت کی تاریخ: 14th, October 2025 GMT
اسلام آباد (اُردو پوائنٹ اخبارتازہ ترین - اے پی پی۔ 14 اکتوبر2025ء) صدرمملکت آصف علی زرداری نے بصارت سے محروم افرادحقوق کے تحفظ کے حکومتی عزم کا اعادہ کرتے ہوئے کہا ہے کہ شہری اور پاکستان بھر کے تمام سرکاری اور نجی ادارے ملک کی سماجی اور اقتصادی ترقی میں بصارت سے محروم افراد کی قابل ذکر صلاحیتوں سے استفادہ کرنے میں اپنا کردار ادا کریں۔
ایوان صدر کے پریس ونگ کے مطابق صدرِ مملکت نے ان خیالات کا اظہار سفید چھڑی کے تحفظ کے عالمی دن کے موقع پر اپنے پیغام میں کیا۔صدرِ مملکت نے بنیادی حقوق کے تحفظ، آزادی کو فروغ دینے، اور بصری چیلنجز کے ساتھ زندگی گزارنے والے ہر فرد کے موروثی وقار کو برقرار رکھنے کے لیے اپنے عزم کا اعادہ کرتے ہوئے کہا کہ سفید چھڑی محض نقل و حرکت کے ایک آلے سے کہیں بڑھ کر مشکلات کا سامنا کرتے ہوئے ہمت، اپنی صلاحیتوں پر اعتماد اور ایسی دنیا کو گھومنے پھرنے میں خود انحصاری کی ایک طاقتور علامت ہے ۔(جاری ہے)
انہوں نے کہا کہ سفید چھڑی ہمیں یاد دلاتی ہے کہ واقعی ایک مہذب اور ترقی پسند معاشرے کی پیمائش اس کی بلند ترین عمارتوں یا مضبوط ترین معیشت سے نہیں بلکہ اس بات کو یقینی بنانے کے اس عزم سے ہوتی ہے کہ ہر فرد، جسمانی صلاحیت سے قطع نظر اپنی برادری میں تحفظ کے ساتھ نقل و حرکت کی آزادی سے لطف اندوز ہو اور اسے زندگی کے تمام شعبوں میں مواقع تک مساوی رسائی حاصل ہو۔ صدرِ آصف علی زرداری نے کہا کہ حکومت پاکستان جامع معاشرے کی تشکیل کے لئے سٹریٹجک اقدامات پر عمل درآمد جاری رکھے ہوئے ہے اور وہ اس ضمن میں مختلف متعلقہ فریقوں کے ساتھ قریبی تعاون سے کام کر رہی ہے۔ ہمارا جامع نقطہ نظر خصوصی افراد کے لیے زندگی کے متعدد پہلوئوں خاص طور پر بصارت سے محروم افراد پر توجہ دیتا ہے۔ انہوں نے کہا کہ ہم عوامی مقامات پر جسمانی رسائی کو منظم طریقے سے بہتر کر رہے ہیں، خصوصی پروگراموں اور وسائل کے ذریعے تعلیمی مواقع کو بڑھا رہے ہیں، پبلک سیکٹر کے اقدامات اور نجی شعبے کی شراکت داری کے ذریعے روزگار کے امکانات کو بڑھانے سمیت ایسی سہولیات تیار کررہے ہیں جو متنوع ضروریات کو پورا کرسکیں۔ صدرِ مملکت نے کہا کہ یہ کوششیں ہمارے پختہ یقین پر مبنی ہیں کہ ایک جامع ماحول اور حقیقی مساوی مواقع محض خواہش مند مقاصد نہیں بلکہ ایک منصفانہ اور ہم آہنگ معاشرے کی بنیادی بنیادیں ہیں۔ انہوں نے کہا کہ جب ہم تمام شہریوں کو قومی زندگی میں مکمل طور پر حصہ لینے کے لیے بااختیار بناتے ہیں، تو ہم غیر استعمال شدہ صلاحیت کو مواقع فراہم کرتے اور اپنی قوم کے تانے بانے کو مضبوط بناتے ہیں۔ صدر مملکت نے کہا کہ ”معذور“ کی اصطلاح ایک شخص سے دوسرے شخص اور ایک عمر کے گروپ سے دوسرے میں بہت مختلف ہے، جو کچھ ہم اپنی نوعمری میں کرسکتے ہیں وہ شاید بعد کی زندگی میں ممکن نہ ہو، پچاس اور ساٹھ کی دہائی میں داخل ہوتے ہی ہمارے جوانی کے سالوں کی طرح چلنے اور دوڑنے کا طریقہ بدل جاتا ہے۔ انہوں نے کہا کہ کوئی بھی معذوری انفرادی اور اجتماعی مقاصد کے حصول میں رکاوٹ نہیں بن سکتی اور نہ ہی ہونی چاہیے۔ صدر مملکت نے کہا کہ اقوام متحدہ میں بصارت سے محروم ہماری سفارتکار صائمہ سلیم ایک روشن مثال ہیں جنہوں نے اپنی ذہانت اور کارکردگی کے ذریعے ہم سب کا سر فخر سے بلند کیا اور دوسروں کے لیے حقیقی نمونہ بن گئیں۔ صدرِ مملکت نے کہا کہ سفید چھڑی کے تحفظ کے عالمی دن کے موقع پر میں شہریوں کے ساتھ ساتھ پاکستان بھر کے تمام سرکاری اور نجی اداروں سے دلی اپیل کرتا ہوں کہ وہ بصارت سے محروم افراد کو فعال طور پر سہولیات فراہم کریں، ملک کی سماجی اور اقتصادی ترقی میں بصارت سے محروم افراد کی قابل ذکر صلاحیتوں سے استفادہ کرنے میں اپنا کردار ادا کریں۔ انہوں نے کہا کہ ان کا نقطہ نظر، مہارت اور شراکت ہماری اجتماعی ترقی کے لیے انمول اثاثہ ہیں۔ صدر مملکت نے کہا کہ آئیے ہم پاکستان کے اس متنوع وژن کو اپنائیں جہاں جسمانی اور رویئے کی رکاوٹوں کو منظم طریقے سے ختم کیا جاتا ہے اور جہاں خوشحالی اور قومی ترقی کے سفر میں کوئی پیچھے نہیں رہتا۔ انہوں نے کہا کہ ہم مل کر ایک ایسا معاشرہ تشکیل دے سکتے ہیں جہاں سفید چھڑی واقعتاً ایک پائیدار علامت کے طور پر کھڑی ہو جو محدودیت کی نہیں بلکہ سب کے لیے اعتماد، مساوات اور وقار کی علامت ہو۔ صدرِ مملکت نے کہا کہ شمولیت اور قومی فخر کے اس جذبے میں امید اور عزم کے ساتھ آگے بڑھتے ہوئے ہمیں یاد رکھنا چاہیے کہ ہماری قوم کی طاقت ہمارے اتحاد اور ہر شہری کی ترقی کے لیے ہمارے عزم میں مضمر ہے۔\932.
ذریعہ
ذریعہ: UrduPoint
کلیدی لفظ: تلاش کیجئے بصارت سے محروم افراد انہوں نے کہا کہ مملکت نے کہا کہ کے تحفظ کے کے ساتھ کے لیے
پڑھیں:
صدر مملکت ، وزیر اعظم وفاقی وزیر داخلہ اور وزیر اعلیٰ سندھ کا بھارتی سپانسرڈ دہشتگردوں کے خلاف آپریشنز پر سیکورٹی فورسز کی ستائش
سٹی 42:صدر مملکت ، وزیر اعظم وفاقی وزیر داخلہ اور وزیر اعلیٰ سندھ نے بھارتی سپانسرڈ دہشتگردوں کے خلاف آپریشنز پر سیکورٹی فورسز کی ستائش کی
وزیراعلیٰ سندھ سید مراد علی شاہ نے بلوچستان میں 17 بھارتی حمایت یافتہ دہشتگردوں کی ہلاکت پر سیکیورٹی فورسز کو خراج تحسین پیش کرتے ہوئے کہا ملک دشمن عناصر کو سختی سے کچلا جائے گا۔سیکیورٹی فورسز کی قربانیوں کو ہمیشہ یاد رکھا جائے گا۔پوری قوم کو اپنے جوانوں پر فخر کرتی ہے۔آخری دہشتگرد کے خاتمے تک آپریشن جاری رہے گا۔وفاقی وزیرداخلہ محسن نقوی نے بلوچستان کے مختلف اضلاع میں بھارتی سپانسرڈ دہشتگردوں کے خلاف کامیاب آپریشنز پر سکیورٹی فورسز کی ستائش کی ۔ وزیرداخلہ محسن نقوی نے 17 بھارتی سپانسرڈ دہشتگردوں کو جہنم واصل کرنے پر سکیورٹی فورسز کی پیشہ وارانہ صلاحیتوں کو سراہا ۔ محسن نقوی نے کہا سکیورٹی فورسز نے بروقت کارروائیاں کرکے بلوچستان میں بھارتی سپانسرڈ دہشتگردوں کے مذموم عزائم کو ناکام بنایا۔ 17 بھارتی سپانسرڈ دہشتگردوں کو عبرتناک انجام تک پہنچانے پر سکیورٹی فورسز کو خراج تحسین پیش کرتا ہوں۔ پوری قوم کو سکیورٹی فورسز کے بہادر سپوتوں پر مان ہے ۔ دہشتگردی کے خلاف قوم سکیورٹی فورسز کے شانہ بشانہ کھڑی ہے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
وزیراعظم محمد شہباز شریف نے بلوچستان میں کامیاب انسدادِ دہشت گردی کارروائیوں پر سیکیورٹی فورسز کو خراجِ تحسین پیش کیا ۔ انہوں نے بلوچستان کے مختلف اضلاع میں کامیاب انٹیلی جنس بیسڈ آپریشنز پر سیکیورٹی فورسز کی پیشہ ورانہ صلاحیتوں اور بہادری کو سراہا۔ وزیراعظم نے بھارتی سرپرستی میں سرگرم 17 فتنتہ الھندوستان کے دہشت گردوں کو ہلاک کرنے پر سیکیورٹی فورسز کو خراج تحسین پیش کرتے ہوئے کہا قوم اپنی بہادر افواج اور قانون نافذ کرنے والے اداروں کی قربانیوں اور خدمات کو قدر کی نگاہ سے دیکھتی ہے۔دہشت گردی کے خلاف جنگ میں سیکیورٹی فورسز کی کامیابیاں پوری قوم کے عزم اور اتحاد کی عکاس ہیں، بھارتی سرپرستی میں سرگرم دہشت گرد عناصر کے ناپاک عزائم کو ہر قیمت پر ناکام بنایا جائے گا۔پاکستان سے دہشت گردی کے مکمل خاتمے تک انسدادِ دہشت گردی کی کارروائیاں جاری رہیں گی۔دہشت گردی کے ناسور کے مکمل خاتمے کے لیے حکومت سیکیورٹی فورسز اور قانون نافذ کرنے والے اداروں کے شانہ بشانہ کھڑی ہے۔پاکستان کے امن، استحکام اور ترقی کے خلاف ہر سازش کو ناکام بنایا جائے گا۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
صدرِ مملکت آصف علی زرداری نے بلوچستان میں فتنۂ الہندوستان کے خلاف کامیاب کارروائیوں پر سیکیورٹی فورسز کو خراجِ تحسین پیش کیا ۔ صدرِ مملکت نے مستونگ، نوشکی، زہری، خضدار اور کیچ میں دہشت گردوں کے خلاف مؤثر کارروائیوں میں 17 دہشت گردوں کی ہلاکت کو سراہا ۔ صدر مملکت نے کہا ملک سے بیرونی سرپرستی میں ہونے والی دہشتگردی کے ناسور کا جڑ سے خاتمہ کیا جانا اولین ترجیح ہے۔فتنۂ ہندوستان اور اس کے سہولت کاروں کے مذموم عزائم کبھی کامیاب نہیں ہوں گے
نجی کمپنیاں گندم کے مقابلے میں آٹا دوگنی قیمت پر فروخت کرنے لگیں، کارروائی کا مطالبہ
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ