سسر کے جنازے میں شوہر کی دوسری بیوی کا انکشاف، پہلی بیوی نے کیسے معاملے کی تحقیقات کیں؟
اشاعت کی تاریخ: 15th, October 2025 GMT
ایک معمولی سا خاندانی جنازہ مشرقی چین کی ایک عورت کے لیے زندگی بدل دینے والا لمحہ بن گیا، جب اس نے ایک اجنبی خاتون کو سوگ کی حالت میں دیکھا، جو خاندان کے فرد کی طرح برتاؤ کر رہی تھی۔
چین کے صوبہ شینڈونگ سے تعلق رکھنے والی ایک خاتون کو اپنے شوہر کے خفیہ ازدواجی تعلق کا انکشاف اس وقت ہوا جب وہ ایک خاندانی جنازے میں شریک تھیں۔ اس حیران کن واقعے کے بعد عدالت نے شوہر کو دوہری شادی (بگیمی) کا مرتکب قرار دیتے ہوئے ایک سال قید کی سزا سنا دی۔
یہ بھی پڑھیں: طلاق مبارک ہو، بھارتی شخص کا دودھ سے غسل اور کیک کاٹ کر جشن، ویڈیو وائرل
واقعہ جون 2022 میں پیش آیا جب خاتون اپنے سسر کے جنازے میں شریک تھیں۔ وہاں انہوں نے ایک اجنبی خاتون کو روایتی سوگ کے لباس میں پایا جو مرحوم کے قریب کھڑی ہو کر رنج و غم کا اظہار کر رہی تھی۔ وہ خود کو ’بہو‘ کہہ رہی تھی اور تابوت کے ساتھ کھڑے ہو کر روتی جا رہی تھی، جیسے وہ خاندان کا حصہ ہو۔
جب خاتون جس کا نام شانگ تھا نے اپنے شوہر وانگ سے اس اجنبی خاتون کے بارے میں استفسار کیا تو وہ ٹال مٹول سے کام لیتا رہا۔ اس پر شانگ نے معاملہ عدالت میں لے جانے کا فیصلہ کیا۔
یہ بھی پڑھیں: نام رکھنے پر اختلاف: ماں باپ طلاق لینے پر تل گئے، بے نام بچہ دربدر
عدالتی کارروائی کے دوران یہ چونکا دینے والا انکشاف ہوا کہ وانگ گزشتہ 16 برس سے ’وین‘ نامی ایک خاتون کے ساتھ خفیہ تعلقات میں تھا۔ یہ تعلق شانگ سے شادی کے صرف تین سال بعد شروع ہوا تھا۔ وین سے اس کے ایک بیٹا بھی ہے۔ تحقیقات سے معلوم ہوا کہ وانگ اکثر اپنی بیوی کو طویل دوروں کا بہانہ بنا کر دوسرے شہر میں وین کے ساتھ رہتا اور ان کے بیٹے کی پرورش کرتا تھا۔
پڑوسیوں اور گواہوں کے بیانات سے واضح ہوا کہ وانگ اور وین ایک ساتھ میاں بیوی کی حیثیت سے رہتے تھے، اگرچہ ان کی قانونی شادی نہیں ہوئی تھی۔ ایک موقع پر وانگ نے وین کی میڈیکل سرجری کے لیے رضامندی کے کاغذات پر دستخط کرتے ہوئے خود کو اس کا شوہر ظاہر کیا۔
یہ بھی پڑھیں: پاکستانی خاتون شادی کے 4 دن بعد ہی طلاق لینے پر کیوں ضد کرنے لگی؟
عدالت نے اپنے فیصلے میں قرار دیا کہ وانگ نے اگرچہ وین سے قانونی شادی نہیں کی، لیکن اس کے ساتھ ایک عملی ازدواجی تعلق قائم کر رکھا تھا، جو کہ چینی قوانین کے تحت بگیمی یعنی دوہری شادی کے زمرے میں آتا ہے۔
عدالت نے وانگ کو ایک سال قید کی سزا سنائی، جس کے خلاف اس نے اپیل دائر کی، تاہم اعلیٰ عدالت نے اس اپیل کو مسترد کر دیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
کلیدی لفظ: عدالت نے رہی تھی کے ساتھ کہ وانگ
پڑھیں:
اذلان شاہ کی ’دوسری شادی‘ کا دعویٰ پبلسٹی اسٹنٹ نکلا، سوشل میڈیا صارفین کی تنقید
مشہور پاکستانی ڈیجیٹل کریئٹر اذلان شاہ کی مبینہ ’دوسری شادی‘ کا دعویٰ بالآخر ایک پبلسٹی اسٹنٹ نکلا، جس پر سوشل میڈیا صارفین نے انہیں شدید تنقید کا نشانہ بنایا۔حال ہی میں اذلان نے انسٹاگرام پرپیغام جاری کیا کہ وہ دوبارہ شادی کر رہے ہیں اور ان کی اہلیہ نے اس کی اجازت بھی دے دی ہے، اس بیان نے سوشل میڈیا پر ہلچل مچا دی اور صارفین نے غصے کا اظہار کرتے ہوئے شدید ردعمل دیا۔بعد ازاں اذلان نے ایک وضاحتی ویڈیو میں اعتراف کیا کہ یہ دوسری شادی نہیں بلکہ وہ اپنی ہی اہلیہ وریشہ سے دوبارہ نکاح کر رہے ہیں، انہوں نے کہا کہ کچھ لوگوں نے اعلان کو مذاق سمجھا، کچھ نے سخت زبان استعمال کی، جبکہ بہت سے صارفین نے طنزیہ تبصرے کیے۔ان کے بیان پر ان کی اہلیہ نے تصدیق کی کہ چونکہ ان کی شادی کی تیسری سالگرہ قریب ہے، اس لیے وہ دوبارہ نکاح کر رہے ہیں۔اہلیہ کا کہنا تھا کہ اذلان کے اعلان کا انداز غلط تھا، جس سے غلط فہمیاں پیدا ہوئیں، اور یہ تاثر دینا مناسب نہیں تھا کہ اذلان کسی اور سے شادی کر رہے ہیں۔صارفین نے اس پورے معاملے کو ’سستا پبلسٹی اسٹنٹ‘ قرار دیا، ایک صارف نے لکھا کہ وہ دونوں پسندیدہ تھے مگر انہوں نے بہت سستا طریقہ اپنایا، ایک اور نے طنز کیا کہ جب ویوز کم ہو جائیں تو جعلی شادی کا ڈرامہ شروع کر دیتے ہیں، جبکہ ایک صارف کے مطابق اسے ’کونٹینٹ‘ کہنا افسوسناک ہے،یہ محض شہرت کی خواہش ہے
ہم بھارت کے افغان سر زمین استعمال کرنے سے خوفزدہ نہیں، طاہر محمود اشرفی