سلمان اکرم راجا کی قیادت میں پی ٹی آئی وفد کی گورنر خیبر پختونخوا فیصل کریم کنڈی سے اہم ملاقات
اشاعت کی تاریخ: 15th, October 2025 GMT
data-id="863a0a8" data-element_type="widget" data-widget_type="theme-post-content.default">
پشاور: پاکستان تحریک انصاف کے وفد نے مرکزی جنرل سیکرٹری سلمان اکرم راجا کی قیادت میں گورنر خیبرپختونخوا فیصل کریم کنڈی سے ملاقات کی۔
نجی ٹی وی کی رپورٹ کے مطابق پاکستان تحریک انصاف (پی ٹی آئی) کے وفد نے مرکزی جنرل سیکرٹری سلمان اکرم راجا کی قیادت میں گورنر خیبر پختونخوا فیصل کریم کنڈی سے اہم ملاقات کی، جس میں صوبے کی سیاسی صورتحال اور وزیراعلیٰ خیبر پختونخوا کی حلف برداری کی تقریب پر تبادلہ خیال کیا گیا۔
رپورٹ کے مطابق ملاقات میں اسپیکر صوبائی اسمبلی بابر سلیم سواتی، سابق گورنر شاہ فرمان خان اور تحریک انصاف پنجاب کے رہنما شوکت بسرا بھی شریک تھے۔
ذرائع کے مطابق اس ملاقات میں آئینی امور، حلف برداری کے انتظامات اور صوبائی حکومت کی تشکیل کے مراحل پر تفصیلی گفتگو ہوئی۔
واضح رہے کہ پی ٹی آئی نے پشاور ہائی کورٹ میں درخواست دائر کی تھی کہ گورنر کے پی آج نومنتخب وزیراعلیٰ سہیل آفریدی سے حلف لیں۔
پشاور ہائیکورٹ نے گورنر خیبرپختونخوا فیصل کریم کنڈی کو ہدایت دی ہے کہ وہ بدھ کی شام چار بجے نو منتخب وزیرِاعلیٰ سہیل آفریدی سے حلف لیں۔
عدالت نے اپنے فیصلے میں یہ بھی واضح کیا کہ اگر گورنر کسی وجہ سے حلف لینے سے گریز کرتے ہیں تو اسی روز صوبائی اسمبلی کے اسپیکر نومنتخب وزیرِاعلیٰ سے حلف لیں گے۔
یاد رہے کہ اس سے قبل جمعیت علمائے اسلام (ف) نے وزیراعلیٰ کے انتخاب کے عمل کو عدالت میں چیلنج کیا تھا، تاہم پشاور ہائی کورٹ نے فریقین کے مکمل دلائل سننے کے بعد درخواست خارج کر دی۔
ذریعہ: Jasarat News
کلیدی لفظ: فیصل کریم کنڈی سے حلف
پڑھیں:
سہیل آفریدی کی اڈیالہ جیل روڈ چیک پوسٹ پر مامور پنجاب پولیس کے افسر کو دھمکی
سٹی42: خیبر پختونخوا کے وزیراعلیٰ سہیل آفریدی آج ایک بار پھر اڈیالہ جیل والی سڑک پر آ گئے۔ انہوں نے پولیس چیک پوسٹ پر موجود افسر کو دھمکایا لیکن آفیسر نے خاموشی سے سب کچھ سنا، کوئی جواب نہیں دیا۔
یہ آٹھویں مرتبہ ہے کہ حال ہی میں وزیراعلیٰ بننے والے سہیل آفریدی خیبر پختونخوا میں اپنی سرکاری ذمہ داریاں چھوڑ کر اڈیالہ جیل والی سڑک پر آ کر بیٹھے ہیں۔
کاغان کے بازار میں آگ بھڑک اٹھی،50 کمروں پر مشتمل ہوٹل جل کر راکھ
پنجاب پولیس نے اڈیالہ جیل والی سڑک پر جیل کی حفاظت کے لئے اطراف میں سڑک پر چیک پوسٹیں بنا رکھی ہیں۔ ان چیک پوسٹوں سے آگے صرف متعلقہ افراد کو ہی مکمل چھان بین کے بعد آگے جانے کی اجازت ملتی ہے۔ گورکھپور چیک پوسٹ پر جہاں سب کو روکا جاتا ہے، وہاں خیبر پختونخوا کے وزیراعلیٰ کو بھی روکا گیا تو وہ مشتعل ہو گئے اور چیک پوسٹ پر تعینات پولیس افسر کو دھمکاتے ہوئے کہا، ہم بھی اپ کے ساتھ ایسا سلوک کریں تو کیسا لگے گا ۔ پولیس افسر اس پر بالکل خاموش رہے، انہوں نے خیبر پختونخوا کے وزیراعلیٰ کی کسی بھی بات پر کچھ نہیں کہا۔
نیپال کرکٹ لیگ میں سٹہ، 9 بھارتی جواری گرفتار
میڈیا رپورٹس کے مطابق سہیل آفریدی نے گورکھپور پوسٹ پر تعینات پولیس انسپکٹر اعزاز سے کہا، میں ایک صوبے کے ساڑھے چار کروڑ عوام کا نمائندہ ہوں۔ آٹھویں مرتبہ میں یہاں آ رہا ہوں ۔ مجھے بانی پی ٹی آئی سے ملنے کیوں نہیں دیا جا رہا ۔
سہیل آفریدی نے الزام لگایا کہ ایک صوبے کی تذلیل کی جا رہی ہے۔ خیبر پختونخوا کے وزیراعلیٰ نے پنجاب پولیس کے افسر کو دھمکاتے ہوئے کہا، ہم بھی اپ کے ساتھ ایسا سلوک کریں تو کیسا لگے گا ۔
پنجاب کی عوام کیلئے 3 مرلہ کے مفت پلاٹ، اپلائی کا آسان طریقہ سامنے آگیا
خیبر پختونخوا نے مزید کہا، "کون ہے اندر سپرٹنڈنٹ ہے یا کوئی اور بیٹھا ہے ? بتائیں, ملاقات کروائیں. "
انسپکٹر اعزاز نے سہیل آفریدی کے کسی جملے کا کوئی جواب نہیں دیا اور خاموشی سے سنتے رہے۔ اس پر سہیل آفریدی نے کہا، میں یہاں موجود ہوں۔ میں ملاقات کے لیے آیا ہوں اور میں یہاں بیٹھوں گا ۔" انسپکٹر اعزاز اس پر بھی خاموش رہے۔
انسپیکٹر اعزاز مسلسل خاموشی سے سنتے رہے اور سہیل آفریدی غصے کے ساتھ بولتے رہے۔ اس دوران میڈیا کے نمائندے وہاں موجود تھے۔
فضا بدستور آلودہ،لاہورفضائی آلودگی کی عالمی درجہ بندی میں دوسرے نمبر پرآ گیا
Waseem Azmet
امریکی ویزا مسترد ہونے کی وجہ سے خاتون ڈاکٹر نے خودکشی کر لی