زمین سے کس پراسرار سیارے کے تصادم نے چاند کو جنم دیا؟ سائنسدانوں کو بالآخر سراغ مل گیا
اشاعت کی تاریخ: 24th, November 2025 GMT
سائنسدانوں نے دعویٰ کیا ہے کہ تقریباً 4.5 ارب سال پہلے زمین سے ایک بڑے پروٹوپلانیٹ تھیا (Theia) کے ٹکرانے نے نہ صرف ہمارے سیارے کا ڈھانچہ بدل دیا بلکہ اسی تصادم کے نتیجے میں چاند کی تشکیل بھی ہوئی۔
اگرچہ سائنس دان اس ٹکراؤ کی مکمل ترتیب کو اب تک نہیں سمجھ سکے، مگر اس کے اثرات زمین اور چاند میں محفوظ ہیں۔ اب 20 نومبر 2025 کو شائع ہونے والی ایک تازہ تحقیق نے تھیا کی ساخت اور اس کے ممکنہ ماخذ کے بارے میں نئی روشنی ڈالی ہے۔
یہ بھی پڑھیے: سیارہ زحل پر زندگی کے مزید آثار مل گئے، سائنسدانوں کے نزدیک اہم ترین پیشرفت
یہ تحقیق میکس پلانک انسٹی ٹیوٹ فار سولر سسٹم ریسرچ اور یونیورسٹی آف شکاگو کے ماہرین نے مشترکہ طور پر کی۔ محققین نے زمین اور چاند کی چٹانوں میں دھاتوں کے آئسوٹوپس درستگی کے ساتھ پیمائش کی۔ انہوں نے زمین کے 15 نمونے اور اپالو مشنز سے لائے گئے چاند کے 6 نمونوں کا تجزیہ کیا، جس کے مطابق لوہے، کرومیم، کیلشیئم اور ٹائٹانیئم سمیت اہم عناصر کے آئسوٹوپس دونوں اجسام میں یکساں پائے گئے۔
مگر یہ مماثلت تھیا کی اصل ساخت بتانے کے لیے کافی نہیں تھی۔ اس لیے سائنس دانوں نے زمین اور چاند کے نظام میں مختلف ممکنہ ترکیبوں اور ٹکراؤ کی صورتوں کا حساب لگایا۔ اس عمل میں لوہا، کرومیم، مولبڈینم اور زیرکونیم کے آئسوٹوپس نے اہم کردار ادا کیا۔
یہ بھی پڑھیے: پاکستان 2026 میں پہلا خلاباز اور 2035 تک مشن چاند پر اتارے گا، احسن اقبال
تحقیق سے ظاہر ہوا کہ زمین اور تھیا دونوں کے بنیادی اجزا اندرونی شمسی نظام میں بنے۔ تاہم تھیا کی ساخت مکمل طور پر کسی بھی معروف شہابیے سے نہیں ملتی۔ نتائج کے مطابق تھیا کے کچھ بنیادی اجزا زمین سے بھی زیادہ سورج کے قریب بنے تھے، یعنی تھیا غالباً زمین کے مدار کے اندرونی حصے میں تشکیل پایا اور بعد میں زمین سے ٹکرا گیا۔
محققین کے مطابق یہ نتائج زمین اور چاند کے پیدائشی رازوں کو سمجھنے کی سمت ایک بڑا قدم ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
چاند خلا زمین سائنسدان سیارہ.
ذریعہ
ذریعہ: WE News
کلیدی لفظ: چاند خلا سیارہ زمین اور چاند
پڑھیں:
عاطف اسلم کا نیا البم ’صبح آئے نہ‘ کب ریلیز ہو گا؟ گلوکار نے بڑی اپڈیٹ دے دی
پاکستان کے عالمی شہرت یافتہ گلوکار عاطف اسلم نے اپنے نئے میوزک البم ’صبح آئے نہ‘ کا باضابطہ اعلان کر دیا ہے۔
گلوکار عاطف اسلم کے مطابق آٹھ گانوں پر مشتمل اس البم میں ’صبح آئے نہ‘، ’سفر میں ہوں‘، ’عشق‘، ’لیٹس ہیو سو فن‘، ’سن سجنا‘، ’ہوں عشق میں‘، ’چار یار‘ اور ’سچے وعدے‘ شامل ہیں اور اس البم کو 31 جولائی کو دنیا بھر کے مختلف میوزک اسٹریمنگ پلیٹ فارمز پر ریلیز کیا جائے گا۔
اپنے نئے البم کے حوالے سے عاطف اسلم کا کہنا تھا کہ ’صبح آئے نہ‘ ان کے ذاتی سفر کی عکاسی کرتا ہے، جس میں انہوں نے اندرونی کشمکش سے نکل کر اپنی اصل شخصیت کو دریافت کیا۔
انہوں نے کہا، ’’یہ البم میری اس جدوجہد کی نمائندگی کرتا ہے جس میں میں نے اندرونی انتشار سے نکل کر اپنے حقیقی وجود کو پایا۔ میں بے حد پرجوش ہوں کہ آخرکار اسے اپنے مداحوں کے ساتھ شیئر کر رہا ہوں۔‘‘
View this post on Instagram View this post on Instagram
عاطف اسلم کے گانوں کو 8 ارب بار سنا جا چکا ہے:
دو دہائیوں سے زائد عرصے پر محیط اپنے شاندار موسیقی کے سفر کے دوران عاطف اسلم جنوبی ایشیا کے مقبول ترین گلوکاروں میں شمار ہوتے ہیں۔
تازہ اسپاٹیفائی اعداد و شمار کے مطابق، ان کے گانوں کو اب تک تقریباً 8 ارب بار سنا جا چکا ہے، جبکہ ہر ماہ 3 کروڑ سے زائد افراد 184 ممالک میں ان کی موسیقی سنتے ہیں۔
اعداد و شمار کے مطابق گزشتہ ایک سال کے دوران عاطف اسلم کی 96 فیصد اسٹریمنگز پاکستان سے باہر ہوئیں، جو مشرقِ وسطیٰ، شمالی امریکا، یورپ اور ایشیا پیسیفک سمیت مختلف خطوں میں ان کی مقبولیت کا ثبوت ہے۔
رپورٹ کے مطابق، عاطف اسلم کی موسیقی نوجوان نسل میں بھی بے حد مقبول ہے، جہاں جنریشن زیڈ ان کے 85 فیصد سامعین پر مشتمل ہے۔ گزشتہ ایک سال میں 4 کروڑ 10 لاکھ سے زائد نئے اور پرانے سامعین نے ان کے گانے سنے، جبکہ ان کے گانوں کو دنیا بھر میں 3 کروڑ 75 لاکھ سے زائد ذاتی پلے لسٹس میں شامل کیا گیا۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی