ججز ٹرانسفر کیس: آئینی عدالت نے اسلام آباد ہائیکورٹ کے ججوں کی انٹرا کورٹ اپیل نمٹادی
اشاعت کی تاریخ: 24th, November 2025 GMT
اسلام آباد ہائیکورٹ کے ججز کی جانب سے ججوں کے تبادلے سے متعلق معاملے پر دائر انٹرا کورٹ اپیل سپریم کورٹ کو واپس بھجوانے کے حوالے سے اہم پیش رفت ہوئی ہے۔
سپریم کورٹ میں جسٹس امین الدین خان کی سربراہی میں قائم چھ رکنی آئینی بینچ نے پیر کے روز کیس کی سماعت کرتے ہوئے ججز کی عدم پیروی کے باعث درخواست نمٹا دی۔
سماعت کے دوران عدالت کو بتایا گیا کہ اسلام آباد ہائیکورٹ کے 5 ججز کی جانب سے دائر انٹرا کورٹ اپیل کے سلسلے میں کوئی بھی وکیل یا نمائندہ پیش نہیں ہوا۔
یہ بھی پڑھیں:
عدم پیروی کے باعث بینچ نے درخواست کو نمٹاتے ہوئے کہا کہ چونکہ درخواست گزاروں کی جانب سے کارروائی کو آگے بڑھانے میں کوئی دلچسپی ظاہر نہیں کی گئی، اس لیے مزید کارروائی کی ضرورت نہیں رہتی۔
اسلام آباد ہائیکورٹ کے 5 ججز نے چند ماہ قبل اپنے تنازعات اور شکایات سے متعلق ایک خط کے پس منظر میں مختلف آئینی سوالات سپریم کورٹ میں اٹھائے تھے۔
ان میں ججز کی ٹرانسفر کے اختیارات، وفاقی آئینی عدالت کے قیام یا دائرہ اختیار سے متعلق ابہام، اور اعلیٰ عدلیہ میں مبینہ مداخلت کے معاملات شامل تھے۔
مزید پڑھیں:
ان ججز نے اسلام آباد ہائیکورٹ میں دائر درخواستوں کی کارروائی کے دوران انٹرا کورٹ اپیل کو سپریم کورٹ بھجوانے کی استدعا کی تھی تاکہ اس اہم آئینی مسئلے پر اعلیٰ ترین عدالت رہنما فیصلے جاری کرے۔
تاہم، بعد ازاں ججز کی جانب سے اس معاملے کی پیروی نہیں کی گئی، جس کے نتیجے میں سپریم کورٹ نے آج کی سماعت میں درخواست نمٹادی۔
قانونی ماہرین کے مطابق، یہ فیصلہ ججز کے اس معاملے پر مستقبل کے لائحۂ عمل اور آئینی عدالت یا عدالتی اصلاحات سے متعلق وسیع تر بحث پر اثر انداز ہوسکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئینی سوالات اپیل اسلام آباد ہائیکورٹ انٹرا کورٹ ججز ٹرانسفر کیس سپریم کورٹ عدالتی اصلاحات وفاقی آئینی عدالت.
ذریعہ
ذریعہ: WE News
کلیدی لفظ: آئینی سوالات اپیل اسلام ا باد ہائیکورٹ انٹرا کورٹ ججز ٹرانسفر کیس سپریم کورٹ عدالتی اصلاحات وفاقی ا ئینی عدالت اسلام آباد ہائیکورٹ انٹرا کورٹ اپیل ہائیکورٹ کے سپریم کورٹ کی جانب سے ججز کی
پڑھیں:
سپریم کورٹ؛ اے این ایف اہلکار کے چرس پینے سے متعلق جواب پر جج کے دلچسپ ریمارکس پر قہقہے
اسلام آباد:سپریم کورٹ نے منشیات برآمدگی کیس میں پانچ لاکھ روپے کے مچلکوں کے عوض لاہور کی رہائشی نازیہ مختار خواجہ کی ضمانت منظور کر لی۔
دوران سماعت، ملزمہ کے وکیل نے اے این ایف ریڈ کی سی سی ٹی وی فوٹیج چلا دی جس پر عدالت نے ملزمہ کے گھر کی سی سی ٹی وی فوٹیج کا فرانزک کروانے کا حکم دے دیا۔
جسٹس ہاشم کاکڑ کی سربراہی میں تین رکنی بینچ نے سماعت کی۔
وکیل احسن بھون نے دلائل دیے کہ واضح دیکھا جاسکتا ہے کہ اے این ایف کا اہلکار منشیات لے کر گھر آتا ہے، خود منشیات گھر میں رکھ کر جھوٹا کیس بنایا گیا، سی سی ٹی وی فوٹیج میں نظر آنے والا اہلکار کمرہ عدالت میں موجود ہے۔
دوران سماعت، اے این ایف اہلکار نے فوٹیج میں موجودگی کی تردید کر دی۔
جسٹس اشتیاق ابراہیم نے ریمارکس دیے کہ اے این ایف کے اسلحہ بردار اہلکار تشدد کرتے نظر آرہے ہیں، جس پر وکیل اے این ایف نے کہا کہ یہ فوٹیج کسی اور گھر میں کیے گئے ریڈ کی ہے۔
جسٹس ہاشم کاکڑ نے ریمارکس دیے کہ اے این ایف کے 10 اہلکار تھے مگر دو لڑکیاں پھر بھی بھاگ گئیں، اتنے ہٹے کٹے اہلکار لڑکیوں کو نہیں پکڑ سکے مگر گاڑی پکڑ لی۔
وکیل ملزمہ احسن بھون نے کہا کہ گاڑی کی ریکوری کا ریکارڈ بھی تبدیل کیا گیا ہے۔
جسٹس اشتیاق ابراہیم نے ریماریس دیے کہ اے این ایف کے بیانات پر لوگوں کو پھانسی پر لٹکاتے اور عمر قید سناتے ہیں، خدا کا خوف کریں کمرہ عدالت میں جھوٹ نہ بولیں۔
جسٹس ہاشم کاکڑ نے ریمارکس دیے کہ اے این ایف کیا کر رہا ہے ملزمان تحویل میں ہوتے ہوئے مار دیے جاتے ہیں، ایک کیس میں ملزم کی ہتھکڑیوں کے ساتھ تصویر تھی جو اگلے روز مار دیا گیا۔
دوران سماعت، جسٹس ہاشم کاکڑ نے اے این ایف اہلکار سے مکالمہ کرتے ہوئے کہا کہ جوانی ہمیشہ نہیں رہنی کچھ خیال کیا کریں۔
جسٹس ہاشم کاکڑ نے اے این ایف اہلکار سے استفسار کیا کہ آپ نے کبھی چرس پی ہے؟ اے این ایف اہلکار نے جواب دیا کہ نہیں سر میں نے کبھی چرس نہیں پی۔
جسٹس ہاشم کاکڑ نے ریمارکس دیے کہ چرس نہیں پی اس لیے آپ میں احساس بھی نہیں ہے۔ جسٹس ہاشم کاکڑ کے ریمارکس پر عدالت میں قہقہے لگ گئے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ