وزیرِ اعلیٰ سہیل آفریدی نے صنم جاوید کیس کا نوٹس لیتے ہوئے آئی جی خیبرپختونخوا کو طلب کرلیا
اشاعت کی تاریخ: 15th, October 2025 GMT
data-id="863a0a8" data-element_type="widget" data-widget_type="theme-post-content.default">
پشاور: نو منتخب وزیرِ اعلیٰ خیبر پختونخوا سہیل آفریدی نے عہدہ سنبھالتے ہی پہلا اہم اور بڑا قدم اٹھاتے ہوئے تحریکِ انصاف (پی ٹی آئی) کی خاتون رہنما صنم جاوید کے کیس کا نوٹس لے لیا ہے۔
میڈیا رپورٹس کےمطابق دفترِ پریس سیکریٹری برائے وزیرِ اعلیٰ خیبرپختونخوا کی جانب سے جاری اعلامیے میں بتایاگیا ہےکہ سہیل آفریدی نے آئی جی خیبرپختونخوا کو اپنے دفتر طلب کرتے ہوئے صنم جاوید سے متعلق کیس کی مکمل تفصیلات فوری طور پر پیش کرنے کی ہدایت دی ہے۔
اعلامیے میں مزید کہا کہ وزیرِ اعلیٰ نے ہدایت دی کہ کیس کی جامع رپورٹ کل تک ان کے دفتر میں جمع کرائی جائے تاکہ صورتحال کا واضح انداز میں جائزہ لیا جاسکے۔
ذرائع کے مطابق وزیرِ اعلیٰ نے نہ صرف صنم جاوید کے کیس میں اب تک ہونے والی پیش رفت طلب کی ہے بلکہ پولیس حکام کو حکم دیا ہے کہ اغوا کے کیس میں فوری رپورٹ جمع کرائی جائے اور تمام پہلوؤں کا باریک بینی سے جائزہ لیا جائے۔
واضح رہے کہ صنم جاویدپی ٹی آئی کی سرگرم خاتون رہنما اور سابق وزیرِ اعظم عمران خان کی قریبی کارکنوں میں شمار کی جاتی ہیں، وہ مئی 2023 کے واقعات کے بعد سے متعدد مقدمات میں گرفتار ہوچکی ہیں اور ان کے خلاف توڑ پھوڑ، اشتعال انگیزی اور عوامی املاک کو نقصان پہنچانے کے الزامات عائد کیے گئے تھے، پی ٹی آئی رہنماؤں کے مطابق صنم جاوید کو سیاسی انتقام کا نشانہ بنایا جارہا ہے۔
ذریعہ: Jasarat News
کلیدی لفظ: صنم جاوید
پڑھیں:
تمام قانونی راستے اختیار کیے، ہماری شنوائی نہیں ہو رہی: مشال یوسفزئی
فائل فوٹوپاکستان تحریک انصاف (پی ٹی آئی) کی سینیٹر مشال یوسفزئی نے کہا ہے کہ ہم یہاں ساری رات دھرنے میں رہے، ہمارا دھرنا آئین اور قانون کے مطابق تھا۔
دھرنے کے مقام سے واپس روانگی پر میڈیا سے گفتگو میں انہوں نے کہا کہ تمام قانونی راستے اختیار کیے لیکن ہماری شنوائی نہیں ہو رہی۔
وزیر اعلیٰ خیبر پختونخوا سہیل آفریدی نے راولپنڈی کے گورکھ پور ناکے پر جاری دھرنا ختم کرنے کا فیصلہ کیا پے۔
مشال یوسفزئی نے کہا کہ ہمیں بانی پی ٹی آئی اور بشریٰ بی بی کی خیریت سے متعلق کچھ نہیں بتایا جارہا، اسلام آباد ہائی کورٹ کے پاس جارہے ہیں۔
سینیٹر مشال یوسفزئی نے کہا کہ چیف جسٹس کو بتائیں گے کہ قانون کی دھجیاں کس طرح اُڑائی جارہی ہیں۔
واضح رہے کہ بانی پی ٹی آئی سے ملاقات نہ کروانے خلاف وزیر اعلیٰ خیبر پختونخوا سہیل آفریدی نے راولپنڈی کے گورکھ پور ناکے پر دیا تھا۔
آج صبح دھرنا ختم ہونے کے بعد وزیراعلیٰ سہیل آفریدی گورکھپور سے اسلام آباد روانہ ہوگئے۔
پنجاب میں تاریخ کا کم ترین ٹرن آؤٹ، عوام نے الیکشن پر عدم اعتماد ظاہر کردیا: بیرسٹر گوہر