سوشل میڈیا کا زیادہ استعمال بچوں کی دماغی صلاحیتوں کے لئے نقصان دہ
اشاعت کی تاریخ: 15th, October 2025 GMT
data-id="863a0a8" data-element_type="widget" data-widget_type="theme-post-content.default">
نیویارک: سوشل میڈیا کا زیادہ استعمال تعلیمی صلاحیت میں کمی سے منسلک ہے۔ اس نئی تحقیق میں بتایا گیا ہے کہ انٹرنیٹ کا زیادہ استعمال آپ کے نوجوان بچوں کی دماغی صلاحیت و قوت کو نقصان پہنچا سکتا ہے۔
میڈیا ذرائع کے مطابق جرنل آف دی امریکین میڈیکل ایسوسی ایشن میں رپورٹ ہونے والی اس تحقیق کے مطابق 9 سے 13 سال کی عمر کے بچوں نے جو سوشل میڈیا پر زیادہ وقت گزارتے ہیں، دو سال بعد یاداشت اور زبان کے ایک ٹیسٹ میں کافی خراب کارکردگی کا مظاہرہ کیا۔اس تحقیقی ٹیم کے سربراہ اور یونیورسٹی آف کیلیفورنیا سان فرانسیسکو کے ایسوسی ایٹ پروفیسر آف پیڈیاٹرکس ڈاکٹر جیسن ناگاتا کے مطابق اس تحقیق سے یہ بات بھی سامنے آئی کہ سوشل میڈیا کے استعمال کی کم سطح بھی ذہنی کارکردگی پر منفی اثر مرتب کرتی ہے۔
ڈاکٹر جیسن ناگاتا کا کہنا تھا کہ ہماری تحقیق کے نتائج سے پتہ چلتا ہے کہ نو عمر بچوں کا دماغ سوشل میڈیا کے اثرات کے حوالے سے بالخصوص حساس ہو سکتا ہے، جو اس بات کی اہمیت کو اجاگر کرتا ہے کہ ان پلیٹ فارمز کا ایکسپوژر عمر کے لحاظ سے موزوں انداز میں کروایا جائے اور ان کے استعمال کی محتاط نگرانی کی جائے۔ اس تحقیق کے لیے محققین نے 6,500 بچوں کی دماغی صلاحیت اور ڈیولپمنٹ کے اعداد وشمار کا تجزیہ کیا، یہ امریکا کی دماغی بڑھوتری کے حوالے سے سب سے بڑی اور طویل المدتی تحقیق تھی۔
ذرائع کے کہنا ہے کہ تقریباً 58 فیصد بچے سوشل میڈیا پر بالکل بھی وقت نہیں گزارتے تھے، 37 فیصد بچے 13 سال کی عمر تک سوشل میڈیا پر روزانہ ایک اضافی گھنٹہ گزار رہے تھے اور 6 فیصد بچے 13 سال کی عمر تک روزانہ 3 اضافی گھنٹے تک سوشل میڈیا استعمال کر رہے تھے۔ نتائج سے ظاہر زیادہ وقت گزارنے والے بچوں پر اسکے منفی اثرات بھی زیادہ مرتب ہوئے۔
ذریعہ: Jasarat News
کلیدی لفظ: سوشل میڈیا کی دماغی
پڑھیں:
بھارتی حکومت اوچے ہتھکنڈے استعمال کرکے پاکستان کی ساخت کو نقصان پہنچانا چاہ رہی ہے، بلال سلیم قادری
ایک بیان میں سیکرٹری جنرل پاکستان سنی تحریک نے کہا کہ بھارت اپنی ناکامیوں کا ملبہ پاکستان پر ڈال کر دنیا کو دھوکہ نہیں دے سکتا کیونکہ حقیقت یہ ہے کہ خود بھارت دہشت گردی کی سب سے بڑی فیکٹری، انتہا پسندی کا مرکز اور انسانی حقوق کی پامالیوں کا گڑھ بن چکا ہے۔ اسلام ٹائمز۔ مرکزی سیکرٹری جنرل پاکستان سنی تحریک صاحبزادہ علامہ بلال سلیم قادری شامی بھارتی سازشوں کے خلاف اپنے جاری بیان میں کہا ہے کہ بھارتی حکومت اپنی انتہاءپسند اور پاکستان دشمن ذہنیت کے تحت اوچھے، گھٹیا اور بزدلانہ ہتھکنڈوں کا سہارا لے کر پاکستان کی عالمی شناخت اور ریاستی وقار کو نقصان پہنچانے کی مذموم کوششیں کر رہی ہے، بھارتی قیادت کی سوچ، عمل اور پالیسیاں مکمل طور پر تعصب، نفرت اور اشتعال انگیزی پر مبنی ہیں جن کا مقصد دنیا کی توجہ اپنے اندرونی انتشار، معاشی تباہی، انتہاء پسندی اور انسانی حقوق کی خلاف ورزیوں سے ہٹاکر پاکستان پر الزام تراشی کرنا ہے، مودی سرکار کی پوری سیاسی بنیاد پاکستان مخالف پروپیگنڈے، دشمنی پر مبنی نظریات اور خطے کو غیر مستحکم کرنے کی روش پر استوار ہے، بھارت کی انٹیلی جنس ایجنسیاں، سفارتی چینلز اور بین الاقوامی لابنگ نیٹ ورکس منظم انداز میں پاکستان کے مفادات کو نقصان پہنچانے، عالمی سطح پر شکوک پیدا کرنے اور علاقائی توازن کو بگاڑنے میں مصروف ہیں۔
بلال سلیم قادری نے مزید کہا کہ بھارت اپنی ناکامیوں کا ملبہ پاکستان پر ڈال کر دنیا کو دھوکہ نہیں دے سکتا کیونکہ حقیقت یہ ہے کہ خود بھارت دہشت گردی کی سب سے بڑی فیکٹری، انتہا پسندی کا مرکز اور انسانی حقوق کی پامالیوں کا گڑھ بن چکا ہے۔ مرکزی سیکرٹری جنرل نے کہا کہ بھارت کی بزدلانہ کارروائیاں اور جھوٹے الزامات دراصل اس کی شکست خوردہ ذہنیت کا ثبوت ہیں، جس ملک میں اقلیتیں غیر محفوظ، عورتیں عدم تحفظ کا شکار، زرعی معیشت تباہ، غربت عروج پر اور نسل پرستی سرکاری پالیسی بن چکی ہو،وہ ملک پاکستان کے حوالے سے اخلاقی بات کرنے کا کوئی حق نہیں رکھتا، بھارت کی جانب سے پاکستان کے اندرونی معاملات میں مداخلت، سرحدی خلاف ورزیاں، سائبر کارروائیاں، عالمی فورمز پر جھوٹے بیانات اور مسلسل نفرت انگیزی کھلی جارحیت کے مترادف ہے جو خطے کے امن کے لیے سنگین خطرہ بنتی جا رہی ہے۔
وزیرِ اعظم شہباز شریف سے چیئرمین جوائنٹ چیفس آف اسٹاف کمیٹی جنرل ساحر شمشاد مرزا کی الوداعی ملاقات