ملکی سلامتی کیخلاف سازش کرنیوالوں سے وہی سلوک کرینگے جو بھارت کیساتھ کیا: احسن اقبال
اشاعت کی تاریخ: 30th, November 2025 GMT
احسن اقبال—فائل فوٹو
وفاقی وزیر احسن اقبال نے کہا ہے کہ ملکی سلامتی کے خلاف سازش کرنے والوں سے وہی سلوک کریں گے جو بھارت کے ساتھ کیا۔
نارووال میں اسپیشل افراد میں وہیل چیئرز تقسیم کرنے کی تقریب سے خطاب کرتے ہوئے ان کا کہنا کہ جب بھی ملک میں ترقی کا دور شروع ہوتا ہے، شرارتیں شروع ہو جاتی ہیں، 4 سال اس ملک کے اوپر حکومت کے نام پر ایک عذاب گزرا ہے۔
احسن اقبال کا کہنا ہے کہ ان 4 سال میں سوائے گالی گلوچ اور ذہنوں میں نفرت بھرنے کے کوئی کام نہیں ہوا، انہوں نے لنگر خانوں پر بھی قوم سے فراڈ کیا، ان کے لنگر خانے بھی ایک این جی او کے پیسوں سے چلتے تھے۔
انہوں نے کہا کہ ان کے 4 سالہ دورِ حکومت کی نااہلیوں کی سزا پوری قوم نے بھگتی ہے، انہوں نے معیشت کو تباہ کیا، بے روزگاری پھیلائی اور پاکستان کے ترقی کے سفر کو روکا، ہماری حکومت میں منہگائی 38 فیصد سے ساڑھے 4 فیصد پر آ گئی ہے۔
احسن اقبال نے کہا کہ سب کا فرض ہے کہ حکومت کے ہاتھ مضبوط کریں، ملک کے اندر امن اور استحکام کو مضبوط کریں، جس ملک میں انتشار ہو گا وہاں ترقی نہیں ہو سکتی، ملک کو اڑان کی راہ پر ڈال دیا ہے، پھر وہی قوتیں سرگرم ہیں جو یہ اڑان نہیں چاہتیں۔
انہوں نے کہا کہ قومیں نعرے لگا کے، جلوس نکال کر اور ہلڑ بازی کر کے ترقی نہیں کرتیں، کچھ لوگ پاکستان کے دشمنوں کی آواز سے آواز ملا کر ریاست کے اوپر حملہ کر رہے ہیں، ریاست اور ہماری بہادر مسلح افواج ان کے سوشل میڈیا کا نشانہ ہیں۔
احسن اقبال نے کہا کہ ٹی ٹی پی، بھارت اور پی ٹی آئی کا سوشل میڈیا کا نشانہ ریاست اور ہماری مسلح افواج ہیں، اپنے بہادر سپوتوں کے خلاف زہر اگلنے والے ملک کے خیر خواہ نہیں ہو سکتے۔
وفاقی وزیر نے کہا کہ پاکستان کے دشمنو سن لو، مسلم لیگ کے ہوتے ہوئے پاکستان پر کوئی میلی نگاہ نہیں ڈال سکتا، ہماری مسلح افواج معرکۂ حق جیت کر بتا چکیں کہ ان کا کوئی ثانی نہیں ہے۔
احسن اقبال نے کہا کہ یہ لوگ دشمن کے بیانیے کو مضبوط کرنے میں لگے ہیں، مسلح افواج پر حملہ آور ہیں، ہم کسی کو اجازت نہیں دیں گے کہ وہ پاکستان کی ترقی کے ساتھ کھیلے اور انتشار پیدا کرے۔
انہوں نے کہا کہ ملکی سلامتی کے خلاف سازش کرنے والوں سے وہی سلوک کریں گے جو بھارت کے ساتھ کیا، مذہب کے نام پر انتشار اور قوم کو تقسیم کرنے والے کسی رعایت کے مستحق نہیں۔
.ذریعہ: Jang News
کلیدی لفظ: احسن اقبال نے کہا مسلح افواج نے کہا کہ انہوں نے
پڑھیں:
حکمران ہمیشہ دعویٰ کرتے ہیں کہ دہشتگردی ختم کرینگے، اسلم رئیسانی
نجی ٹی وی چینل سے گفتگو کرتے ہوئے سابق وزیراعلیٰ اسلم رئیسانی نے کہا کہ ہزاروں لوگ لاپتہ ہیں، مگر یہ واضح نہیں کہ انہیں کون لے گیا، کہاں لے جایا گیا اور انکا انجام کیا ہوا۔ اسلام ٹائمز۔ سابق وزیراعلیٰ بلوچستان اور جے یو آئی رہنماء نواب اسلم رئیسانی نے کہا ہے کہ بلوچستان کی صورتحال محض آپریشن سے ٹھیک نہیں ہوگی۔ حکمران ہمیشہ دعویٰ کرتے ہیں کہ دہشت گردی ختم کریں گے۔ سب کچھ قابو میں ہوگا، مگر زمینی حقائق اس کے برعکس ہیں۔ انہوں نے نجی ٹی وی چینل سے گفتگو کرتے ہوئے کہا کہ ان کا دل نوجوان سپاہیوں کے لیے بھی دکھتا ہے، جو ڈیوٹی پر اپنی جانیں دیتے ہیں، مگر اس سے بڑھ کر ان کا دکھ لاپتہ افراد کے لواحقین کے ساتھ ہے۔ انہوں نے کہا کہ ہزاروں لوگ لاپتہ ہیں، مگر یہ واضح نہیں کہ انہیں کون لے گیا، کہاں لے جایا گیا اور ان کا انجام کیا ہوا۔ انہوں نے کہا کہ اگر حکومت کہتی ہے کہ لاپتہ افراد اس کی تحویل میں نہیں، تو پھر اسے ثبوت کے ساتھ یہ بات ثابت کرنا ہوگی۔ انہوں نے زور دیتے ہوئے کہا کہ سیاسی کارکنوں نے قومی حقوق کے لیے پرامن جدوجہد کی ہے۔ اس لیے لاپتہ افراد کے معاملے میں شفافیت اور حقائق سامنے لانا وقت کی اہم ضرورت ہے۔
وزیر خزانہ کی زیر صدارت اجلاس، اہم سرکاری اداروں میں کلیدی تعیناتیوں اور بورڈز کی ازسرِنو تشکیل کی منظوری