سیلاب زدگان کو 21 لاکھ گھر دینا بڑی عوامی خدمت ہے: وزیرِ اعلیٰ سندھ
اشاعت کی تاریخ: 30th, November 2025 GMT
وزیرِاعلیٰ سندھ سید مراد علی شاہ—فائل فوٹو
وزیرِاعلیٰ سندھ سید مراد علی شاہ نے کہا ہے کہ سندھ بھر میں سیلاب زدگان کو 21 لاکھ گھر بناکر دینا ایک بہت بڑی عوامی خدمت ہے۔
لاڑکانہ میں پیپلز پارٹی کے 58 ویں یومِ تاسیس کے جلسے میں مراد علی شاہ ، پی پی کے قومی اور صوبائی اسمبلی کےا رکان اور دیگر رہنما شریک ہوئے۔
اس موقع پر وزیراعلیٰ سندھ نے یومِ تاسیس کا کیک کاٹا اور جلسے سے خطاب میں کہا کہ بینظیر بھٹو کی شہادت کے بعد صدر زرداری اور بلاول بھٹو کی قیادت میں عوام کو ریلیف دیا گیا۔
انہوں نے کہا کہ ہم سب کارکنوں کو اپنے لیڈروں کی سپورٹ کرنی ہے تاکہ عوام کو ہر طرح کا ریلیف دیا جا سکے۔
سید مراد علی شاہ کا کہنا ہے کہ آج کےدن شہید ذوالفقار بھٹو نے آمریت سے مقابلہ کرتے ہوئے پیپلز پارٹی کی بنیاد رکھی تھی، شہید بھٹو نے عوام کو ریلیف دیا تو ان کی مقبولیت میں بہت اضافہ ہوا۔
وزیرِ اعلیٰ سندھ نے یہ بھی کہا کہ قائدِ عوام کے بعد شہید بینظیر بھٹو نے آمریت سے لڑتے ہوئے پارٹی کی کمان سنبھالی۔
.ذریعہ: Jang News
کلیدی لفظ: مراد علی شاہ
پڑھیں:
عوامی فلاح کیلئے کام کرنے والے ادارے حکومت کے حقیقی شراکت دار ہیں، نگران وزیر اعلیٰ
نگران وزیر اعلی ٰگلگت بلتستان یار محمد نے وفد سے گفتگو کرتے ہوئے کہا کہ فلاحی اداروں کے ساتھ مل کر معاشرے کی بہتری کے لیے عملی اقدامات کیے جائیں گے۔ اسلام ٹائمز۔ وزیر اعلیٰ گلگت بلتستان جسٹس ریٹائرڈ یار محمد سے فلاح انسانیت ویلفیئر سوسائٹی گلگت بلتستان، استور کی مرکزی شوریٰ کے وفد نے ملاقات کی۔ وفد میں سوسائٹی کے چیئرمین حبیب اللہ، ڈائریکٹر حفیظ، ایڈمن ہیڈ ریاض احمد، منیجر سعید الرحمن اور دیگر عہدیداران شامل تھے۔ وفد نے وزیر اعلیٰ کو عہدہ سنبھالنے پر مبارک باد دی اور نیک خواہشات کا اظہار کیا۔ ملاقات کے دوران فلاح انسانیت ویلفیئر سوسائٹی کی جانب سے گلگت بلتستان میں جاری فلاحی سرگرمیوں، امدادی کاموں، اور مستقبل کے منصوبوں پر تفصیلی بریفنگ دی گئی۔ اس موقع پر سوسائٹی کے اراکین نے وزیر اعلی کو ان کے سابقہ دور میں سوسائٹی کی فلاحی کوششوں میں دی گئی معاونت اور تعاون پر دلی شکریہ ادا کیا اور امید ظاہر کی کہ موجودہ دور حکومت میں بھی وزیر اعلیٰ اسی جذبے اور توجہ کے ساتھ فلاحی اداروں کے ساتھ تعاون جاری رکھیں گے۔ وزیر اعلی جسٹس (ر) یار محمد نے وفد کی آمد پر شکریہ ادا کیا اور فلاح انسانیت ویلفیئر سوسائٹی کی خدمات کو سراہتے ہوئے کہا کہ معاشرے میں مثبت تبدیلی اور عوامی فلاح کے لیے کام کرنے والے ادارے حکومت کے حقیقی شراکت دار ہیں۔ انہوں نے سوسائٹی کو حکومت کی جانب سے مکمل تعاون کی یقین دہانی بھی کروائی اور کہا کہ فلاحی اداروں کے ساتھ مل کر معاشرے کی بہتری کے لیے عملی اقدامات کیے جائیں گے۔
وزیر خزانہ کی زیر صدارت اجلاس، اہم سرکاری اداروں میں کلیدی تعیناتیوں اور بورڈز کی ازسرِنو تشکیل کی منظوری