وزیراعظم کی برآمدات پر نافذ ایکسپورٹ ڈویلپمنٹ سرچارج فوری ختم کرنے کی ہدایت
اشاعت کی تاریخ: 24th, November 2025 GMT
وزیراعظم کی برآمدات پر نافذ ایکسپورٹ ڈویلپمنٹ سرچارج فوری ختم کرنے کی ہدایت WhatsAppFacebookTwitter 0 24 November, 2025 سب نیوز
اسلام آباد(سب نیوز)وزیراعظم محمد شہباز شریف نے ملکی برآمدگان پر نافذ کردہ ایکسپورٹ ڈویلپمنٹ سرچارج کو فوری طور پر ختم کرنے کی ہدایت کر دی۔
وزیراعظم کی زیر صدارت ملکی برآمدات میں اضافے کے لیے قائم کردہ ذیلی ورکنگ گروپ کے سفارشات پر جائزہ اجلاس ہوا جس میں وزیراعظم نے ہدایت کی کہ ایکسپورٹ ڈویلپمنٹ فنڈ کا پچھلے پانچ سال کا عالمی معیار کے مطابق تھرڈ پارٹی آڈٹ کروایا جائے۔انہوں نے کہا کہ ایکسپورٹ ڈویلپمنٹ فنڈ میں موجودہ رقم کے بہترین استعمال کے لیے پرائیویٹ سیکٹر سے موزوں چیئرمین کو منتخب کیا جائے۔
وزیراعظم نے ہدایت کی کہ ایکسپورٹ ڈویلپمنٹ فنڈ میں موجود رقم کو صرف ملکی برآمدات میں اضافے، متعلقہ ریسرچ اینڈ ڈویلپمنٹ، برآمدی سیکٹر کی افرادی قوت کی ہنر مندی، ٹریننگ اور عالمی معیار کی جدید سہولتوں کے لیے استعمال کیا جائے اور ایکسپورٹ ڈویلپمنٹ فنڈ کے تحت جاری پروگرام اور تمام سکیمز کی بھی تھرڈ پارٹی اڈٹ کروایا جائے۔
شہباز شریف نے کہا کہ ملکی برآمدات میں اضافے کے لیے ٹریڈ ڈویلپمنٹ اتھارٹی کے کردار کا اصلاحاتی جائزہ اور تشکیل نو کی جائے، ایکسپورٹ ڈویلپمنٹ فنڈ کا غیر متعلقہ اور غیر منطقی استعمال کسی صورت قابل قبول نہیں۔اجلاس میں وزیراعظم شہباز شریف کا کہنا تھا کہ دنیا بھر میں پاکستان کی برآمدی اشیا کی تشہیر اور پروموشن وفاقی حکومت کی ذمہ داری ہے، ملکی برآمدات میں اضافے کے لیے صنعت کاروں کو فوری طور پر ہر ممکن سہولت پہنچانا حکومت کی اولین ترجیحات میں شامل ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرفیلڈ مارشل سے سعودی چیف آف جنرل سٹاف کی ملاقات، باہمی دلچسپی کے امور پرتبادلہ خیال فیلڈ مارشل سے سعودی چیف آف جنرل سٹاف کی ملاقات، باہمی دلچسپی کے امور پرتبادلہ خیال وزیر خزانہ کی زیر صدارت اجلاس، اہم سرکاری اداروں میں کلیدی تعیناتیوں اور بورڈز کی ازسرِنو تشکیل کی منظوری عوام نے تخریبی سیاست مسترد کرکے کردیا خوشحالی کو چن لیا، نواز شریف کی ضمنی انتخابات میں کامیابی پر مبارک باد یہ الیکشن نہیں ریفرنڈم تھا، اب فیض حمید ہے اور نہ وہ جج جو پی ٹی آئی کو جتواتے تھے، قیدی نمبر 804کو گھر... وزیرِ اعظم شہباز شریف سے چیئرمین جوائنٹ چیفس آف اسٹاف کمیٹی جنرل ساحر شمشاد مرزا کی الوداعی ملاقات ملک میں عدلیہ کی آزادی، شہری حقوق اور عوام کی سلامتی خطرے میں ہے، ہیومن رائٹس کمیشن پاکستان
Copyright © 2025, All Rights Reserved
رابطہ کریں ہماری ٹیمذریعہ: Daily Sub News
کلیدی لفظ: کی برآمدات
پڑھیں:
صنعتی ترقی کے بغیر معاشی استحکام ممکن نہیں، وزیراعظم شہباز شریف
اسلام آباد: وزیراعظم شہباز شریف نے کہا ہے کہ صنعتی ترقی کے بغیر معاشی استحکام ممکن نہیں۔
ملکی صنعتی ترقی سے متعلق اعلیٰ سطحی اجلاس میں وزیراعظم شہباز شریف نے واضح طور پر کہا کہ پاکستان کی معیشت کو مضبوط بنیادوں پر کھڑا کرنا صرف اسی صورت میں ممکن ہے جب ملک میں صنعتوں کو جدید تقاضوں کے مطابق فروغ دیا جائے۔
اجلاس میں نجی شعبے کی جانب سے ملکی صنعتی ڈھانچے کو بہتر بنانے اور سرمایہ کاری میں اضافے کے لیے تیار کی گئی سفارشات پیش کی گئیں جنہیں وزیراعظم نے نہ صرف خوش آئند قرار دیا بلکہ اس عزم کا اظہار بھی کیا کہ حکومت سرمایہ کاروں کے لیے آسانیاں پیدا کرنے کی پالیسیوں پر پوری سنجیدگی سے کام کر رہی ہے۔
وزیراعظم نے اس موقع پر کہا کہ معاشی ترقی، روزگار کے مواقع اور عوامی آمدنی میں حقیقی اضافہ اسی وقت ممکن ہے جب صنعتیں مستحکم ہوں اور کاروباری طبقے کو ایسا ماحول فراہم کیا جائے جو اعتماد اور سہولت پر مبنی ہو۔
شہباز شریف نے کہا کہ کاروباری برادری نے معاشی مشکلات کے دور میں حکومت کا ساتھ دیا، جس کی وجہ سے کئی اہم اقدامات ممکن ہوسکے۔ انہوں نے اس بات پر زور دیا کہ ملک کی معاشی سمت اب بہتر ہے، تاہم مستقل ترقی کے لیے مزید محنت اور مربوط حکمت عملی کی ضرورت ہے۔
اجلاس میں وفاقی وزرا احسن اقبال، جام کمال خان، احد خان چیمہ، علی پرویز ملک اور وزیرِ مملکت بلال اظہر کیانی سمیت وزیرِ اعظم کے مشیر محمد علی اور معاون خصوصی ہارون اختر نے بھی شرکت کی۔
اجلاس میں صنعتی ورکنگ گروپ کے سربراہ ثاقب شیرازی کی ٹیم نے پاکستان کی موجودہ صنعتی صورتحال، خطے کے دیگر ممالک کے مقابلے میں درپیش چیلنجز اور سرمایہ کاری کے نئے مواقع کے بارے میں تفصیلی بریفنگ دی۔
بریفنگ میں بتایا گیا کہ اگر پاکستان کو عالمی منڈیوں میں مسابقت برقرار رکھنی ہے تو صنعتی پیداوار، برآمدات اور سرمایہ کاری کو نئی سمت دینے کی ضرورت ہے۔ اجلاس میں تجویز کیا گیا کہ کاروباری ماحول کو سادہ بنانے، پالیسی تسلسل برقرار رکھنے اور توانائی کے اخراجات میں کمی جیسے اقدامات فوری طور پر کیے جائیں۔
وزیراعظم نے ہدایت کی کہ نجی شعبے کی ان سفارشات کا باریک بینی سے جائزہ لیا جائے اور ہر ممکن مفید تجویز کو قومی پالیسی فریم ورک کا حصہ بنایا جائے تاکہ صنعتوں کو ترقی دینے کے لیے عملی اقدامات تیز کیے جاسکیں۔
وزیراعظم نے کہا کہ پاکستان کے اندر صنعتکاروں، حکومت اور سرمایہ کاروں کے باہمی تعاون کے بغیر ترقی کا سفر ممکن نہیں۔ انہوں نے عزم ظاہر کیا کہ آئندہ بجٹ اور پالیسی ادوار میں صنعتی ترجیحات کو سب سے آگے رکھا جائے گا تاکہ معیشت کو دیرپا بنیادیں فراہم کی جاسکیں اور نئی ملازمتوں کے مواقع پیدا ہوں۔
فیب لیس ڈیزائن: پاکستان میں سیمی کنڈکٹر انڈسٹری کا واحد راستہ