بھارت کی الیکٹرک وہیکل سبسڈیوں پر چین برہم، ڈبلیو ٹی او میں باضابطہ شکایت درج
اشاعت کی تاریخ: 15th, October 2025 GMT
data-id="863a0a8" data-element_type="widget" data-widget_type="theme-post-content.default">
بیجنگ: چین نے بدھ کے روز عالمی تجارتی تنظیم (WTO) میں بھارت کی جانب سے الیکٹرک وہیکل (EV) اور بیٹریوں کے لیے دی جانے والی سبسڈیوں کے خلاف باضابطہ شکایت درج کرادی ہے۔
چینی وزارتِ تجارت کے مطابق نئی دہلی کی جانب سے دی گئی مراعات عالمی تجارتی اصولوں کی خلاف ورزی اور غیر منصفانہ مسابقتی برتری پیدا کرنے کا باعث بن رہی ہیں۔
چینی وزارتِ تجارت کے ترجمان نے کہا کہ بھارت کے اقدامات قومی سلوک (National Treatment) سمیت متعدد عالمی تجارتی ذمہ داریوں کی خلاف ورزی کے مشتبہ ہیں اور یہ درآمدی متبادل (Import Substitution) سبسڈیز کے زمرے میں آتے ہیں جو کہ WTO کے اصولوں کے مطابق سختی سے ممنوع ہیں۔‘‘
ترجمان نے مزید کہا کہ بھارتی پالیسیوں سے ملکی صنعتوں کو غیر منصفانہ فائدہ پہنچ رہا ہے جبکہ چینی کمپنیوں کے مفادات کو نقصان پہنچ رہا ہے، چین اپنے صنعتی شعبوں کے جائز حقوق کے تحفظ کے لیے مؤثر اقدامات کرے گا۔
چین نے بھارت پر زور دیا ہے کہ وہ عالمی تجارتی تنظیم کے اپنے وعدوں پر عمل کرے اور غلط پالیسیوں کو فوری طور پر درست کرے۔
یاد رہے کہ بھارت نے حالیہ برسوں میں مقامی الیکٹرک گاڑیوں اور بیٹری کی پیداوار کو فروغ دینے کے لیے متعدد سبسڈی پروگرام متعارف کرائے ہیں، جن کا مقصد غیر ملکی انحصار کم کرکے گھریلو صنعت کو مضبوط بنانا ہے۔ تاہم چین سمیت کئی ممالک ان پالیسیوں کو عالمی تجارتی قوانین کے منافی قرار دے چکے ہیں۔
ذریعہ
ذریعہ: Jasarat News
کلیدی لفظ: عالمی تجارتی
پڑھیں:
نوجوانوں کو آسان اقساط پر الیکٹرک بائیکس اور ٹیکسیاں بلا سود دینے کا فیصلہ
صوبائی وزیر ٹرانسپورٹ نے کہا کہ اس منصوبے سے ہزاروں نوجوانوں کو روزگار کے بہتر مواقع میسر آئیں گے اور الیکٹرک ٹرانسپورٹ کے فروغ کی وجہ سے ماحولیاتی آلودگی میں کمی لانے میں بھی مدد ملے گی۔ اس اسکیم کے لیے اہلیت کیا ہو گی اس بارے میں تفصیلات آئندہ بجٹ اور پالیسی دستاویزات میں دیے جانے کی توقع ہے۔ اسلام ٹائمز۔ حکومت پنجاب نے نوجوانوں کو آئندہ مالی سال میں الیکٹرک بائیکس اور ٹیکسیاں دینے کا فیصلہ کیا ہے۔ آئندہ مالی سال میں 50 ہزار الیکٹرک بائیکس اور 5 ہزار الیکٹرک ٹیکسیاں بلاسود دینے کا فیصلہ کیا گیا ہے۔ ذرائع کے مطابق الیکٹرک بائیکس اور ای ٹیکسیوں کی بلاسود فراہمی کی تجویز کو آئندہ بجٹ میں شامل کرنے کی منظوری دے دی گئی ہے۔
پنجاب کے وزیر ٹرانسپورٹ بلال اکبر خان نے کہا کہ ای ٹیکسی اسکیم کے تحت مستحق افراد کو آسان اقساط اور بلاسود فنانسنگ کی سہولت دی جائے گی، رجسٹریشن سمیت دیگر مراعات بھی دی جائیں گی۔ صوبائی وزیر ٹرانسپورٹ نے کہا کہ اس منصوبے سے ہزاروں نوجوانوں کو روزگار کے بہتر مواقع میسر آئیں گے اور الیکٹرک ٹرانسپورٹ کے فروغ کی وجہ سے ماحولیاتی آلودگی میں کمی لانے میں بھی مدد ملے گی۔ اس اسکیم کے لیے اہلیت کیا ہو گی اس بارے میں تفصیلات آئندہ بجٹ اور پالیسی دستاویزات میں دیئے جانے کی توقع ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ