کوئٹہ، علامہ مقصود ڈومکی کی بی این پی رہنماؤں سے ملاقات
اشاعت کی تاریخ: 16th, October 2025 GMT
بی این پی رہنماؤں سے گفتگو کرتے ہوئے علامہ مقصود ڈومکی نے کہا کہ سیاسی رہنماؤں کیخلاف انتقامی کارروائیاں اور بی این پی مینگل کے قائد و کارکنوں کیخلاف جھوٹے مقدمات اس انتقامی سیاست کی واضح مثال ہیں۔ اسلام ٹائمز۔ مجلس وحدت مسلمین پاکستان کے مرکزی رہنماء علامہ مقصود علی ڈومکی نے بلوچستان نیشنل پارٹی کے مرکزی رہنماء و سابق گورنر بلوچستان ملک عبدالولی کاکڑ، سابق وفاقی وزیر آغا حسن بلوچ، سابق ایم پی اے میر نصیر شاہوانی، سابق میئر کوئٹہ میر مقبول احمد لہڑی، میر غلام نبی مری اور دیگر رہنماؤں سے ملاقات کی۔ ملاقات میں ملکی سیاسی صورت حال، آئین کی بالادستی اور جمہوری حقوق کے تحفظ کے حوالے سے تفصیلی تبادلہ خیال کیا گیا۔ اس موقع پر گفتگو کرتے ہوئے علامہ مقصود علی ڈومکی نے کہا کہ ملک بھر میں سیاسی و جمہوری جدوجہد کرنے والوں کے لیے گھٹن اور جبر کا ماحول پیدا کر دیا گیا ہے۔ فارم 47 کی بنیاد پر آنے والے حکمرانوں اور ان کے سرپرستوں نے ملک میں ظلم و تشدد کا بازار گرم کر رکھا ہے۔ مریدکے میں ایک سیاسی و مذہبی جماعت کے خلاف طاقت کا استعمال افسوسناک اور غیر جمہوری اقدام ہے۔ بلوچستان میں سیاسی رہنماؤں کے خلاف انتقامی کارروائیاں اور بی این پی مینگل کے قائد و کارکنوں کے خلاف جھوٹے مقدمات اس انتقامی سیاست کی واضح مثال ہیں۔
انہوں نے مزید کہا کہ سانحہ کوئٹہ اور دہشت گردی کے دیگر واقعات میں ملوث عناصر کو بے نقاب کرکے نشان عبرت بنانا وقت کی ضرورت ہے۔ آئین و جمہوریت کے تحفظ کے لیے تحریک تحفظ آئین پاکستان کے پلیٹ فارم سے مجلس وحدت مسلمین، بلوچستان نیشنل پارٹی، پاکستان تحریک انصاف اور دیگر جمہوری جماعتیں مشترکہ جدوجہد کر رہی ہیں۔ اس موقع پر سابق گورنر بلوچستان ملک عبدالولی کاکڑ نے کہا کہ ملک میں آئین و قانون کی بالادستی کے بغیر استحکام ممکن نہیں۔ مریدکے میں سیاسی کارکنوں پر جبر و تشدد قابلِ مذمت ہے۔ سابق میئر کوئٹہ میر مقبول احمد لہڑی نے کہا کہ کوئٹہ میں بلوچستان نیشنل پارٹی کے جلسہ عام پر دہشت گرد حملہ اور اس سے قبل لکپاس کے مقام پر سردار اختر جان مینگل اور پی این پی کے پُرامن دھرنے پر دہشت گردی کے واقعات جمہوری قوتوں کو دبانے کی ناکام کوششیں ہیں۔ کئی ماہ گذر جانے کے باوجود ان سانحات میں ملوث مجرموں کو ظاہر نہیں کیا گیا۔
ذریعہ: Islam Times
کلیدی لفظ: علامہ مقصود بی این پی نے کہا کہ
پڑھیں:
بلوچستان، ٹرینوں اور ریلوے اسٹیشنوں کی سکیورٹی کیلئے اقدامات
ڈی ایس ریلویز عمران حیات کے مطابق جعفر ایکسپریس میں جامرز کی تنصیب کیلئے ٹرائل شروع ہو چکا ہے۔ ریلوے پولیس کے مزید 150 اہلکار بھی کوئٹہ ڈویژن میں طلب کر لئے گئے ہیں۔ اسلام ٹائمز۔ محکمہ ریلویز نے بلوچستان میں مسافر ٹرینوں، ٹریک اور اسٹیشنوں کی سکیورٹی بڑھانے کا فیصلہ کر لیا ہے۔ اس سلسلے میں جعفر ایکسپریس میں جامرز کی تنصیب کیلئے ٹرائل شروع ہو چکا ہے۔ ریلوے پولیس کے مزید 150 اہلکار بھی کوئٹہ ڈویژن میں طلب کر لئے گئے ہیں۔ ڈی ایس ریلویز عمران حیات نے نجی ٹی وی چینل سے گفتگو کرتے ہوئے بتایا کہ کوئٹہ سے اندورن ملک جانے والی تمام ٹرینوں کی حفاظت کیلئے چالیس چالیس اہلکار تعینات کئے گئے ہیں۔ جو کوئٹہ سے سبی تک ٹرینوں کی حفاظت کیلئے تعینات ہوتے ہیں۔ جبکہ ریلوے ٹریک، اسٹیشنوں اور اہم تنصیبات کی حفاظت کیلئے سکیورٹی اہلکار اپنے فرائض انجام دے رہے ہیں۔ انہوں نے بتایا کہ ریلوے ٹریک پر ہونے والے دھماکوں کے بعد محکمہ ریلویز نے جعفر ایکسپریس میں جامرز کی تنصیب کا فیصلہ کیا ہے اور ٹرین میں جامرز لگانے کیلئے ٹرائل شروع کر دیا گیا ہے۔ چند سال قبل بھی جامرز کی تنصیب کا ٹرائل کیا گیا تھا۔ کوئٹہ ڈویژن میں ریلوے پولیس کے اہلکاروں کی قلت دور کرنے کیلئے دیگر ڈویژنز سے ریلوے پولیس کے مزید 150 اہلکار بھی کوئٹہ ڈویڑن میں طلب کر لئے گئے ہیں۔
دھاندلی کا الزام ، الیکشن کمیشن نے اسد قیصر کے بیان کا نوٹس لے لیا، کارروائی کا عندیہ