تاجروں، علما، سول سوسائٹی نے مذہبی جماعت کی جمعہ کو ہڑتال کی کال مسترد کردی
اشاعت کی تاریخ: 16th, October 2025 GMT
تاجروں، علما، سول سوسائٹی نے مذہبی جماعت کی جمعہ کو ہڑتال کی کال مسترد کردی WhatsAppFacebookTwitter 0 16 October, 2025 سب نیوز
اسلام آباد(آئی پی ایس ) تحریک لبیک پاکستان کی جانب سے کریک ڈان اور ریاستی ایکشن کیخلاف جمعے کو دی گئی ملک گیر ہڑتال کی کال کو مذہبی جماعتوں، سول سوسائٹی، تاجر برادری، چیمبرز ایسوسی ایشنز نے مسترد کردیا ہے۔ مذہبی جماعتوں، سول سوسائٹی اور تاجر برادری نے نہ صرف ہڑتال کی کال کو مسترد کیا بلکہ تحریکِ لبیک کی پرتشدد کارروائیوں کی شدید الفاظ میں مذمت کی اور پرتشدد مظاہروں اور غیر ضروری ہڑتالوں کو غیر مناسب قرار دے دیا۔تاجر رہنماں، علمائے کرام اور مختلف اہم شخصیات کا نے ردعمل دیتے ہوئے کہا کہ احتجاج کے لیے وقت اور مقام کا چنا انتہائی نامناسب ہے، مطالبات غیر ضروری اور طرزِ احتجاج ناقابلِ قبول ہے۔
تاجر رہنما عاطف اکرام شیخ نے کہا کہ حکومتی پالیسیوں پر بلاجواز اعتراض، روڈ بلاک اور جلا گھیرا عوام دشمن عمل ہے، ہڑتال سے ہمارا شدید نقصان ہوتا ہے، ملک کی تاجر برادری کسی ہڑتال کا حصہ نہیں بنے گی۔عمر بٹ نے کہا کہ کل تمام کاروباری سرگرمیاں معمول کے مطابق جاری رہیں گی جبکہ حافظ امیر حمزہ رافع نے کہا کہ بھارت کو شکست دینے کے بعد پاکستان ایک ابھرتی ہوئی طاقت بن کر سامنے آیا ہے، بھارت کو پاکستان کا ابھرنا گوارا نہیں ہورہا۔
انہوں نے کہا کہ غزہ میں امن قائم ہوچکا ہے، ایسے میں ٹی ایل پی کا احتجاج غیر موزوں ہے، غزہ میں بحالی کا عمل شروع ہوچکا، ٹی ایل پی طاقت کے زور پر احتجاج کی کال دے رہی ہے۔معروف عالم دین مولانا عبدالمنان نے کہا کہ ٹی ایل پی کی محاذ آرائی ملک کے لیے نقصان دہ اور غیر مناسب ہے، ڈنڈے کے زور پر دبا ڈالنا اسلامی یا اخلاقی طور پر درست نہیں ہے۔رمضان پیرزادہ نے اپنے بیان میں کہا کہ غزہ میں امن قائم ہوچکا، فلسطینی خوشیاں منا رہے ہیں، ٹی ایل پی احتجاج ختم کرے تاکہ عوام کی مشکلات کم ہوں۔
مولانا حق نواز نے کہا کہ بھارت بزدلانہ حرکتوں کے ذریعے پاکستان میں سازشیں کر رہا ہے، بھارت پاکستان کا امن خراب کرنے کے لیے چند عناصر کو استعمال کر رہا ہے، غیر ملکی سازشوں کا شکار بننے والے ہوش کے ناخن لیں، پاکستان کے خلاف کسی بھی سازش کو کامیاب نہیں ہونے دیا جائے گا۔ضیا الحق قاسم خان بلوچ نے کہا کہ ٹی ایل پی کا احتجاج اور راستے بلاک کرنا غیر قانونی اور غیر اخلاقی ہے، ہڑتالوں اور احتجاج سے مریضوں اور مسافروں کو شدید مشکلات پیش آتی ہیں، غزہ میں جنگ ختم ہو چکی اور فلسطین والے خوش ہیں، ٹی ایل پی احتجاج ختم کرے اور عوامی مسائل بڑھانے سے گریز کرے۔
ادھر لاہور چیمبر نے ہڑتال کی کال کو یکسر مسترد کر دیا، صدر لاہور چیمبر فہیم الرحمان سہگل نے کہا کہ کل کاروبار معمول کے مطابق کھلے گا، لاہور چیمبر ہڑتال کی حمایت نہیں کرتا۔ انہوں نے کہا کہ ہڑتال سے معیشت کو نقصان پہنچتا ہے، تاجر برادری کاروبار معمول کے مطابق جاری رکھے گی، لاہور چیمبر تاجروں کے مسائل کے حل کے لیے حکومتی سطح پر رابطے میں ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرجلا ئوگھیرئوا اور امن تباہ کرنے کی کسی صورت اجازت نہیں دیں گے: عطا تارڑ جلا ئوگھیرئوا اور امن تباہ کرنے کی کسی صورت اجازت نہیں دیں گے: عطا تارڑ معرکہ حق میں مثر ثابت ہونے پر انڈونیشیا نے بھی چین سے جے-10 لڑاکا طیارے خریدنیکا فیصلہ کرلیا وزیراعلی خیبر پختونخوا سہیل آفریدی کی خیبر پختونخوا ہا ئوس آمد، انتظامیہ کی جانب سے پرتپاک استقبال اسرائیل اب فلسطینیوں کو انکی زندگی انکی مرضی سے گزارنے دے؛ بورس جانسن تشدد اور خون ریزی کی سیاست کا باب ہمیشہ کیلئے بند، حکومت پنجاب کا بڑا اعلان وزیراعظم محمد شہباز شریف سے بلاول کی قیادت میں اعلی سطح وفد کی ملاقاتCopyright © 2025, All Rights Reserved
رابطہ کریں ہماری ٹیم.ذریعہ: Daily Sub News
کلیدی لفظ: ہڑتال کی کال سول سوسائٹی
پڑھیں:
تاجروں اور صنعتکاروں کا ریلوے پر اعتماد بحال کرینگے،جہاں بابر
data-id="863a0a8" data-element_type="widget" data-widget_type="theme-post-content.default">
حیدرآباد (کامرس رپورٹر)ڈویڑنل کمرشل آفیسر کراچی،پاکستان ریلوے جہاں بابر نے کہا کہ حیدرآباد چیمبر آف اسمال ٹریڈرز اینڈ اسمال انڈسٹری کے ساتھ مل کر تاجروں اور صنعتکاروں کا پاکستان ریلوے پر اعتماد بحال کرینگے۔ انہوں نے کہا کہ اگر چیمبر کی جانب سے پیش کی گئی سفارشات پر مکمل عمل کیا جائے تو نا صرف حیدرآباد ریلوے اسٹیشن کو بین الاقوامی طرز کا بنایا جاسکتا بلکہ پاکستان ریلوے کو بھی بہتر ریونیو جنریٹ کر کے دیا جاسکتا ہے ان خیالات کا اظہار اْنہوں نے حیدرآباد چیمبر آف اسمال ٹریڈرز اینڈ اسمال انڈسٹری کے دورے پر تاجروں سے خطاب کرتے ہوئے کیا انہوں نے مزید کہا کہ بدین لائن کے ساتھ سندھ میں موجود ریلوے کی زمینوں پر انکروچمنٹ ختم کرنے کے لیے آپریشن کیے جارہے ہیں جس سے صنعتکاروں کو لا اینڈ آرڈر کی صورتحال بہتر نظر آئے گی۔ اس کے ساتھ حیدرآباد ریلوے اسٹیشن کے اطراف کی حالت کی بہتری کے لیے بھی ضلعی انتظامیہ سے کئی میٹنگز کی جارہی ہیں تاکہ آنے والے مسافروں کو بہتر سہولیات مل سکیں۔انہوں نے کہا ٹرین کی ٹائمننگ آن لائن بکنگ و دیگر معلومات کے لیے ایک نئی ایپلیکیشن متعارف کروا دی گئی ہے انہوں نے چیمبر کی سفارش پر حیدرآباد میں کارگو گاڑی کے اسٹے کے لیے جلد لائحہ عمل بنانے کا عندیہ دیا۔ اس سے قبل سینئر نائب صدر احمد ادریس چوہان نے بتایا کہ صدر چیمبر سلیم میمن کی جانب سے وزیر اعظم پاکستان اور وفاقی وزیر ریلوے کو حیدرآباد ریلوے اسٹیشن کی ریفارمز پر سفارشات پر مبنی لیٹر لکھا گیا جس کے جواب میں ریلوے منسٹری سے چیمبر کو باقاعدہ حیدرآباد ریلوے اسٹیشن کے لیے بنائی گئی شارٹ ٹرم اینڈ مڈٹرم پالیسیوں سے آگاہ کیا گیا اور ریلوے حکام کا یہ وزٹ بھی اسی سلسلے میں ہے۔انہوں اپنے خطاب میں چیمبر ممبران کے لیے اسپیشل ٹریول ڈسکاؤنٹ، بزنس کمیونٹی کے لیے ریاعتی کارڈ، حیدرآباد سے کراچی و پنجاب اسپیشل روٹس پر ٹرین، اور چیمبر ممبران کے لیے اسپیشل کوٹہ، ایس ایم ایز سیکٹر کے لیے کارگو سروسز میں خصوصی بزنس پیکجز، حیدرآباد ریلوے اسٹیشن کی اپگریڈیشن، ٹریک مینٹیننس اور لوڈنگ پوائنٹس اور اسٹیشن پر مسافروں کی سہولیات پر مبنی سفارشات پیش کیں۔ اس موقع پر نائب صدر شان سہگل نے کہا کہ حیدرآباد کے تاجروں کے لیے کارگو ٹرین کو حیدرآباد میں اسٹے کروانا چاہیے تاکہ حیدرآباد کے تاجر اپنا مال لوڈ اور آف لوڈ اسی اسٹیشن سے کروا سکیں اور ان کا کراچی سے مال منگوانے کا خرچہ بچ سکے۔ اس کے ساتھ ریلوے حکام اور چیمبر کے درمیان بہتر لائزن اور فوکل پرسنز کے زریعے مسائل کی نشاندھی بھی بہت ضروری ہے ٹرین سروسز میں کھانے کی سہولیات کا اسٹینڈرڈ کو بہتر کرنے کی ضرورت ہے انہوں نے کہا کہ اگر پاکستان ریلوے کو دنیا کی طرح اس ادارے کو منافع بخش ادارہ بنانا ہے تو اس کے سسٹمز کو ڈیجیٹلائزڈ کرنا پڑے گا۔ اس موقع پر ممبران ایگزیکٹو کمیٹی، اکرم انصاری، اشفاق صدیق، اقبال موٹلانی، شریف پنجانی اصغر خلجی، صنور قریشی، ممبران سکندر علی راجپوت، عامر شہاب نے ریلوے اسٹیشن کی بہتری سے متعلق سوالات کیے جن کے تسلی بخش جوابات عمران رئیس، ڈویڑنل ایگزیکٹو انجینئر، راؤ عارف، اسٹیشن سپرینٹنڈنٹ حیدرآباد اور ندیم قریشی ریزرویشن سپروائزر حیدرآباد کی جانب سے دیے گئے۔ اس موقع پر تاجروں کی ایک بڑی تعداد اس پروگرام میں موجود تھی۔
دھاندلی کا الزام ، الیکشن کمیشن نے اسد قیصر کے بیان کا نوٹس لے لیا، کارروائی کا عندیہ