امریکی صدر ٹرمپ نے اپنے ہی سابق مشیر برائے قومی سلامتی امور جان بولٹن کے خلاف فردجرم عائد کروا دی ہے۔
جان رابرٹ بولٹن ایک امریکی وکیل، سفارت کار، اور سیاسی شخصیت ہیں۔
وہ ییل یونیورسٹی سے تعلیم یافتہ ہیں۔ متعدد ریپبلکن حکومتوں میں خدمات انجام دے چکے ہیں، خاص طور پر ایسے عہدوں پر جہاں وہ سفارتکاری اور قومی سلامتی سے متعلق امور پر کام کرتے رہے۔
یہ بھی پڑھیے جوبائیڈن اور ڈونلڈ ٹرمپ دونوں امریکی صدر بننے کے لائق نہیں، جان بولٹن
جارج ڈبلیو بش کی حکومت میں ان کا کردار نہایت اہم تھا، بالخصوص جب وہ اقوام متحدہ میں امریکی سفیر رہے۔
بولٹن کو خارجہ پالیسی میں سخت گیر مؤقف اختیار کرنے والوں میں شمار کیا جاتا ہے۔ وہ امریکی فوجی طاقت کے استعمال، پیشگی حملے ، اور نیوکنزرویٹو نظریات کے حامی مانے جاتے ہیں۔
بولٹن اور ٹرمپ کا تعلقبولٹن مارچ 2018 میں ٹرمپ انتظامیہ کا حصہ بنے اور قومی سلامتی کے مشیر بنے۔ مگر وہ اس عہدے پر طویل عرصہ نہ رہے۔ ستمبر 2019 میں ان کی رخصتی ہوئی۔ سبب ٹرمپ کے نظریات اور حکومتی پالیسیوں سے اختلاف بتایا گیا۔
بعدازاں، بولٹن نے ٹرمپ کی خارجہ پالیسیوں اور ان کے طرز حکمرانی پر شدید تنقید کی، اور کہا کہ ٹرمپ صدارت کے عہدے کے لیے نااہل ہے۔
جان بولٹن کی ایک مشہور کتاب The Room Where It Happened 2020 میں شائع ہوئی، جس میں انہوں نے ٹرمپ دور کی خارجہ پالیسی، اندرونی فیصلے اور تنازعات کی تصویر پیش کی۔
جان بولٹن کے خلاف فرد جرمگزشتہ روز جان بولٹن پر خفیہ دفاعی معلومات کے غیر قانونی استعمال اور منتقلی کے الزام میں فردِ جرم عائد کر دی گئی ہے۔
امریکی میڈیا کے مطابق، فیڈرل گرینڈ جیوری نے جمعرات کو جان بولٹن کے خلاف فیصلہ سنایا، جس میں انہیں قومی دفاعی معلومات کو ذاتی ای میل اور چیٹ ایپس کے ذریعے منتقل کرنے کا ذمہ دار ٹھہرایا گیا ہے۔
امریکی محکمہ انصاف کا کہنا ہے کہ تفتیش کے دوران بولٹن کے قبضے سے ایسی دستاویزات برآمد ہوئیں جن پر “خفیہ” (Classified)، “رازدارانہ” (Secret) اور “اعتماد میں لی جانے والی” (Confidential) کی مہر لگی ہوئی تھی۔
یہ بھی پڑھیے امریکی صدر سے قریبی تعلقات عالمی رہنماؤں کو ’بدترین حالات‘ سے نہیں بچا سکتے، جان بولٹن
بیان میں مزید کہا گیا ہے کہ بولٹن نے اپنی سرکاری ذمہ داریوں سے سبکدوش ہونے کے بعد بھی کئی حساس دستاویزات اپنے ذاتی قبضے میں رکھیں، جو امریکی قانون کی خلاف ورزی ہے۔
جان بولٹن نے تاحال ان الزامات کو سیاسی انتقام قرار دیتے ہوئے مسترد کیا ہے۔
ان کے وکیلوں کا کہنا ہے کہ بولٹن نے کوئی خفیہ معلومات غیر قانونی طور پر افشا نہیں کیں۔
اگر الزامات ثابت ہوئے تو سابق مشیر کو 10 سال تک قید کی سزا ہو سکتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جان بولٹن ڈونلڈ ٹرمپ.
ذریعہ
ذریعہ: WE News
کلیدی لفظ: جان بولٹن ڈونلڈ ٹرمپ جان بولٹن بولٹن نے
پڑھیں:
پاکستان کے روشن مستقبل کیلئے قومی اتحاد، استقامت اور مشترکہ کوششیں ناگزیر ہیں: فیلڈ مارشل سید عاصم منیر
سٹی 42 : فیلڈ مارشل سید عاصم منیر نے کہا ہے کہ پاکستان کے روشن مستقبل کے لیے قومی اتحاد، استقامت اور مشترکہ کوششیں ناگزیر ہیں ۔
آئی ایس پی آر کے مطابق فیلڈ مارشل سید عاصم منیر سے جی ایچ کیو میں 20ویں نیشنل ورکشاپ بلوچستان کے شرکاء کی ملاقات ہوئی ۔ فیلڈ مارشل عاصم منیر نے کہا کہ سیکیورٹی فورسز، قانون نافذ کرنے والے اداروں اور عوام کی مشترکہ کوششوں سے بلوچستان میں پائیدار امن قائم ہوگا۔ فتنہ الخوارج اور فتنہ الہندوستان کے خلاف ہدفی کارروائیاں مکمل عزم کے ساتھ جاری رہیں گی۔ انہوں نے کہا کہ دہشت گردی اور اس کے سہولت کاروں کے مکمل خاتمے تک کارروائیاں جاری رہیں گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
فیلڈ مارشل سید عاصم منیر نے کہا کہ پاکستان اور عوام کے لیے خطرہ بننے والے دہشت گرد نیٹ ورک کا ہر صورت خاتمہ کیا جائے گا، بیرونی سرپرستی میں چلنے والے پراکسی عناصر مسلسل بلوچستان میں بدامنی اور عدم استحکام پھیلانے کی کوشش کر رہے ہیں۔ دشمن کے مذموم عزائم کو مسلح افواج اور پاکستانی عوام کے اتحاد و استقامت سے ناکام بنایا جائے گا۔ انہوں نے کہا کہ بلوچستان پاکستان کا فخر اور قدرتی وسائل سے مالا مال صوبہ ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
فیلڈ مارشل سید عاصم منیر نے کہا کہ بلوچستان کے محب وطن، باصلاحیت اور ثابت قدم عوام صوبے کی سب سے بڑی طاقت ہیں، وفاقی اور صوبائی حکومتوں کے ترقیاتی منصوبے بلوچستان کی سماجی و معاشی ترقی کے لیے عوامی اور جامع حکمت عملی کے تحت جاری ہیں۔
فیلڈ مارشل سید عاصم منیر نے قومی یکجہتی کے فروغ میں سول سوسائٹی، جامعات، میڈیا اور نوجوانوں کے مثبت کردار کو سراہا۔ انہوں نے کہا کہ پاکستان کے روشن مستقبل کے لیے قومی اتحاد، استقامت اور مشترکہ کوششیں ناگزیر ہیں۔
بارشی پانی کی نکاسی نہ ہونے سے گاڑیاں اور موٹرسائیکلیں بند، شہری شدید مشکلات کا شکار
اجلاس کے اختتام پر شرکاء نے پاکستان کے استحکام، ترقی اور خودمختاری کے لیے اپنے مشترکہ عزم کا اعادہ کیا۔
رمضان میں سحر و افطار کے دوران لوڈشیڈنگ نہ کرنے کا حکم، گیس فراہمی کا بھی اعلان