’قائداعظم محمد علی جناح بانی پی ٹی آئی ہیں‘، سہیل آفریدی کی زبان پھسل گئی
اشاعت کی تاریخ: 17th, October 2025 GMT
خیبرپختونخوا کے نومنتخب وزیراعلیٰ سہیل آفریدی کو عہدہ سنبھالنے کے فوراً بعد اس وقت عوامی تنقید کا سامنا کرنا پڑا جب ان کی ایک تصویر سوشل میڈیا پر وائرل ہوئی، جس میں انہیں اپنے دفتر میں بیٹھے دیکھا جا سکتا ہے جبکہ ان کے پس منظر میں پاکستان کے قومی پرچم کی جگہ پاکستان تحریک انصاف (پی ٹی آئی) کا پرچم آویزاں تھا۔
تصویر کے منظرِ عام پر آنے کے بعد سوشل میڈیا صارفین کی جانب سے شدید ردعمل سامنے آیا، جس میں اس اقدام کو غیر آئینی، قومی وقار کے منافی اور سرکاری آداب کے خلاف قرار دیا گیا۔
یہ بھی پڑھیں: سہیل آفریدی خیبرپختونخوا کے نئے وزیراعلیٰ منتخب، سوشل میڈیا پر جتنے منہ اتنی باتیں
اسی تناظر میں ایک صحافی نے وزیراعلیٰ سہیل آفریدی سے سوال کیا کہ سوشل میڈیا پر وائرل تصویر میں نہ صرف قومی پرچم کی جگہ پارٹی کا پرچم دکھائی دے رہا ہے، بلکہ قائداعظم محمد علی جناح کی جگہ عمران خان کی تصویر آویزاں ہے۔
اس سوال کے جواب میں وزیراعلیٰ سہیل آفریدی کی زبان پھسل گئی اور انہوں نے ابتدائی طور پر کہا کہ ’قائداعظم محمد علی جناح بانی پی ٹی آئی ہیں‘، تاہم فوری طور پر اپنی بات کی اصلاح کرتے ہوئے کہا، جی، وہ بانی پاکستان ہیں۔ لیکن بدقسمتی سے ان کو وہ صرف کرنسی نوٹوں پر ہی نظر آتے ہیں، دفاتر میں نہیں۔
سوشل میڈیا پر تصویر وائرل ہے جس۔میں آپ نے قائد اعظم کی جگہ آفس میں لگا رکھی ہے اور قومی پرچم کی جگہ پی ٹی آئی کاجھنڈا لگایا ہے؟صحافی کا سوال
جواب دیتے وقت وزیر اعلی کی زبان پھسل گئی بولے قائد اعظم محمد علی جناح بانی پی ٹی آئی ہیں
پھر درستگی کی کہ قائد اعظم محمد علی جناح بانی… pic.
— Haroon Anjum (@_Haroon79) October 16, 2025
ایک صارف نے طنزاً اس پر لکھا کہ یہ بات تو ہمیں بھی آج ہی پتہ لگی کیونکہ یہ مطالعہ پاکستان کی کتاب میں نہیں بتائی گئی تھی۔
???? قائد اعظم محمد علی جناح بانی PTI ہیں
*اے گل سانوں آج پتی لگی، مطالعہ پاکستان میں نہیں تھی* pic.twitter.com/flPin7K9Dk
— Azhar Naseem Khan???????????????????????? (@p_naseemkhan) October 16, 2025
کاشف رضا نے لکھا کہ پختونخوا کے نئے وزیرِ اعلیٰ سہیل آفریدی نے تو کمال ہی کر دیا، فرماتے ہیں قائدِ اعظم محمد علی جناح پی ٹی آئی کے بانی ہیں۔ یقیناً تاریخ بھی یہ ’نیا پاکستان‘ دیکھ کر حیران رہ گئی ہوگی۔
پختونخوا کے نئے وزیرِ اعلیٰ سہیل آفریدی نے تو کمال ہی کر دیا —
فرماتے ہیں قائدِ اعظم محمد علی جناح پی ٹی آئی کے بانی ہیں!
یقیناً تاریخ بھی یہ “نیا پاکستان” دیکھ کر حیران رہ گئی ہوگی۔@SohailAfridiISF pic.twitter.com/AAQmRcwxK9
— Kashif Raza Banbhan (Advocate) (@banbhan_raza) October 16, 2025
واضح رہے کہ عمران خان نے نئے وزیراعلیٰ سہیل آفریدی کے لیے کہا کہ وہ ان کے اوپننگ بیٹسمین ہیں، جنہیں پُراعتماد انداز میں کھیلنا چاہیے۔ سہیل آفریدی کا تعلق ضلع خیبر سے ہے اور انصاف اسٹوڈنٹس فیڈریشن کے صوبائی صدر رہ چکے ہے۔ سہیل آفریدی 2024 کے عام انتخابات میں پہلی بار ضلع خیبر سے رکن صوبائی اسمبلی منتخب ہوئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ذریعہ
ذریعہ: WE News
کلیدی لفظ: اعظم محمد علی جناح بانی سوشل میڈیا پر سہیل آفریدی پی ٹی آئی کی جگہ
پڑھیں:
پہلی ہی گیند پر وکٹ: شاہین آفریدی پاکستان کے عظیم کپتانوں کی فہرست میں شامل
پاکستان کے کپتان شاہین شاہ آفریدی نے آسٹریلیا کے خلاف دوسرے ایک روزہ میچ میں ایک منفرد اعزاز اپنے نام کر لیا۔
یہ بھی پڑھیں: دوسرا ون ڈے: آسٹریلیا کے 232 رنز کے ہدف کے تعاقب میں پاکستان کی بیٹنگ جاری
قذافی اسٹیڈیم لاہور میں کھیلے گئے میچ کے آغاز پر شاہین نے پہلی ہی گیند پر آسٹریلوی اوپنر الیکس کیری کو بولڈ کر کے پاکستانی کرکٹ کی تاریخ میں اپنا نام درج کرا دیا۔
شاہین شاہ آفریدی اب پاکستان کے صرف تیسرے کپتان بن گئے ہیں جنہوں نے ون ڈے انٹرنیشنل میں حریف ٹیم کی اننگز کی پہلی ہی گیند پر وکٹ حاصل کی۔ اس سے قبل یہ کارنامہ پاکستان کے لیجنڈری فاسٹ بولرز وسیم اکرم اور وقار یونس انجام دے چکے ہیں۔
A unique feat for Pakistan captain @iShaheenAfridi today ????
➡️ Download #PCBLIVE app now ????
Google Play Store: https://t.co/5mBlUcoG8g
Apple App Store: https://t.co/RpeYQPshnh
Watch Live: https://t.co/M8wsOD8omx#PAKvAUS | #TakraarKaTime | #BackTheBoysInGreen pic.twitter.com/lh6zWbjS25
— Pakistan Cricket (@TheRealPCB) June 2, 2026
وسیم اکرم نے سنہ 1993 میں کراچی میں زمبابوے کے خلاف اینڈی فلاور کو پہلی گیند پر آؤٹ کیا تھا جبکہ وقار یونس نے 2001 میں لیڈز میں انگلینڈ کے مارکس ٹریسکوتھک کو ابتدائی گیند پر پویلین بھیجا تھا۔
پہلی گیند پر وکٹ لینے والے پاکستانی کپتان
وسیم اکرم: سنہ 1993 بمقابلہ زمبابوے (کراچی)
وقار یونس: سنہ 2001 بمقابلہ انگلینڈ (لیڈز)
شاہین شاہ آفریدی: سنہ 2026 بمقابلہ آسٹریلیا (لاہور)
شاہین آفریدی نے صرف ابتدائی وکٹ پر ہی اکتفا نہیں کیا بلکہ شاندار بولنگ کا سلسلہ جاری رکھتے ہوئے آسٹریلیا کے مزید 2 کھلاڑیوں کو بھی آؤٹ کیا۔ انہوں نے 47ویں اوور میں میتھیو کوہنیمن اور 49ویں اوور میں نیتھن ایلس کی وکٹ حاصل کی اور 8 اوورز میں 36 رنز دے کر 3 وکٹیں اپنے نام کیں۔
مزید پڑھیے: شاہین آفریدی نے تاریخ رقم کر دی، ورلڈ ٹیسٹ چیمپیئن شپ میں 100 وکٹیں لینے والے پہلے پاکستانی بولر بن گئے
شاہین کے علاوہ حارث رؤف، ابرار احمد اور عرفات منہاس نے بھی عمدہ بولنگ کا مظاہرہ کیا جس کے باعث آسٹریلوی ٹیم مقررہ 50 اوورز میں 9 وکٹوں کے نقصان پر 231 رنز تک محدود رہی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ